———————————————————–
Ich zegk ‘t dich (winnaer)
———————————————————–
Oetveurende : Wil, Frank en Frank
Teks : Frank Scheepers
Melodie : Frank Scheepers
Neutjes: Hub Boesten
———————————————————–
Refrein:
ich zegk ’t dich, ich zegk ’t dich, ich höb ’t dich gezag
’t waerd ein fees, zo sjoon, veer haole door de ganse nach
ich zegk ’t dich, ich zegk ’t dich, ich höb ’t dich gezag
die gekke daag, die gekke teun, dao höb ich op gewach
sjiek gesjmienk en sjoon verkleijd
deile veer dan leef en leid
en de meziek is väölbelaovend
veer gaon weer op nao eine sjone vastelaovend
Koeplette:
same aan de tap drónke veer ein glaeske beer
de aovend waas toen toch kepot dus bleve veer maar weer
waat waerde ’t weer sjoon, det had hae neet gedach
toen zag ich hem:” ich zegk ’t dich, ich höb ’t dich gezag”
baove op de buun sjpróng de Prins in vol ornaat
de tied dae geit dan sjnel veurbie, ’t waerd vanzellef laat
zón vastelaovesfees, det had hae noojt verwach
toen zag ich hem:” ich zegk ’t dich, ich höb ’t dich gezag”
Veer zeen Aad Prinse
———————————————————–
Oetveurende : SJNAPS
Teks : Clemens Maessen, Wil Scheepers
Melodie : Clemens Maessen
Neutjes: Hub Boesten
———————————————————–
Refrein:
veer zeen aad prinse, waat veer ós winse
is eine nuje wo van ederein zaet dae kin se
zo waerd de vastelaovend zeker weer ein fees
en hange veer de vlag weer oet en mesjien ouch waal ’t bees
kiek ós sjtraole en genete op ein riej
want dae aje kump es nuje bie oze klup d’r biej
Koeplette:
’t Prinsebal, de nuje is nerveus
en vreug zich aaf, bön ich de juuste keus
dao sjteit d’r dan, mit septer, möts en vaer
en dink d’r nog ins truuk, wie det d’r zag, ich doon ’t gaer.
waat is d’r sjoon, waat is d’r sjiek
hae is geweldig, jao manjefiek
lang gezóch, de allerbeste sjpreuk
en vreug zich aaf, is deze waal zo leuk
hae reup ‘m dan, ’t is ‘m knatsj egaal
en toet zeen groot plezeer, reup keer op keer de ganse zaal
waat is d’r sjoon, waat is d’r sjiek
hae is geweldig, jao manjefiek
Vastelaovend veur de deur
———————————————————–
Oetveurende : Gein Sjtum
Teks : Claudia Verrijth
Melodie : Clemens Maessen
Neutjes: Hub Boesten
———————————————————–
Refrein:
kiek ‘m loere, kiek ‘m kieke, kiek ‘m dao noe toch ins sjtaon,
waat ein beeld, ein prachtig plaetje, dao is neet ómhaer te gaon
laot ‘m binne en ómerm ‘m want hae guf ‘t laeve kleur,
‘t is vastelaovend, vastelaovend, dae sjteit weer veur de deur
`t is vastelaovend, vastelaovend dae haolt ós oet de sjleur
Koeplette:
‘t ganse jaor is hae heel sjtil en op de achtergróndj
biej alles waat d’r is gebeurt hilt hae dan ziene móndj
maar waerd ‘t dan november, kump hae weer doonderbie
en maak d`r mit zien prach en praol weer alle miense blie
hae vult dan alle sjtraote mit de kwatsj van ein gans jaor
gemeinte, politiek en sjaele zeiver is zien voor
en es hae óm zich haer kiek, is d`r greuts wie eine pauw
allein maar blieje sjnoete zeen, is alles wat d’r wou
’t Dans mich veur de ouge
———————————————————–
Oetveurende : Zónger Bezei
Teks : Jos Even
Melodie : Jos Even
Neutjes: Hub Boesten
———————————————————–
Refrein:
de ganse waereld dans mich veur mien ouge
gluif neet det ze gauw vergeit
es ze morge neet wiejer drejt
de ganse waereld dans mich veur mien ouge
mit dich in mien erm leve sjat,
haet de waereld op ós geine vat.
Koeplette:
mien moder die zag taege mich,
de waereld drejt gaar neet om dich
zeuk dich ‘n jungske en griep dan dien kans
dan zuus se de waereld, die drejt neet, die dans!
allein veur de deur saoves laat,
op zeuk nao det sjleutele gaat,
det dreijt veur mien ouge, dan zeen ich mien kans
want witse det gaetje, det dreijt neet, det dans!
nao ‘ne blik in dien ouge op sjtraot
leep ich waeke lank ram oet de maot
doe vónjs miene drej neet, ich goof dich gein kans,
toen zag ich, doe menke, ich drej neet, ich dans!
Eine morgemiens
———————————————————–
Oetveurende : Zónger Bezei
Teks : Henk Rademakers
Melodie : Jo Aubert
Neutjes: Hub Boesten
———————————————————–
Refrein:
ich kan mit vastelaovend geine morgemiens meer zeen
bön daag en nach al gek genóg verkleijd van toep toet teen
’t is sjtumming baove sjtumming, ich wil alles tegeliek
mit hoempapa en trallala en cha cha cha-meziek
Koeplette :
gojemiddaag gojeaovend gojemorge allemaol
ich haaj van vastelaovend ’t leefs op grote sjaol
bön ich aan ’t dweijele dan krieg ich nörges sjpiet
maar raak waal mit mien gooi kompas de waeg vanzelf kwiet
euvermorge, mót vandaag eergiester kinne zeen
det höb ich ins gelaeze sjmorgesvreug om vief veur teen
ich dink ’t waal, mer weit ’t neet, laot ós mer wiejer gaon
want angers kump de póllenaes nóg driej daag sjtil te sjtaon
eine morgemiens is wakker, eine morgemiens dae lach
hae kiek neet sjaggrienig nao ein korte nach
noe laot de boel mer weije dan res mich noe de haop
det ich uch fit weer taegekóm, mer neet in miene sjlaop
In ’t vel van de Prins
———————————————————–
Oetveurende : Katteköp
Teks : Monique van den Adel
Meziek : Hub Boesten
———————————————————–
Koeplet:
dao sjteit hae veur ós alle,
wie zal ‘t hem bevalle?
zal ‘t hem ouch gaon kriebele?
hae sjteit van zelf te wiebele.
boens zien hert hel in zien bors?
haet hae ouch al zónne dors?
waat zól hae sjtraks toch zjweite,
kom ich ‘t oojt nog te weite?
Refrein:
jao, det is miene wins,
in ‘t vel van de prins,
ich zoot dao toch zo gaer,
maar wo gaon ich mit häör haer?
es ich moog belaeve
eine keer, heel aeve,
ich zoot dao toch zo gaer,
maar wo gaon ich mit häör haer?
Koeplet:
dao sjteit hae oppe wage,
wie zal hae zich gedrage?
zal d’r zich ouch vermake?
zien plich zal d’r neet verzake
zit dae keep good in de nek?
sjteit hae dao neet oppe trek?
wie geit det mit die vaere?
och, ich zal ‘t toch noojt waere…
Brök:
wie sjoon ouch miene wins,
in ‘t vel van de prins,
al zoot ich dao heel gaer,
ich kan mit häör nörges haer.
Alle veer de heuk
———————————————————–
Oetveurende : Hannen en Alt
Teks : Arnold Wassen
Meziek : Arnold Wassen
———————————————————–
Koeplet 1:
wie ich d’n eerste keer dao biëj Mientje binne kwaam…
toen zag zien vader: ,,Jan…waat eine sjoone naam,
ich höb alzelaeve Jantje wille heite…..
es ze Jantje hits, dan höbs ze kwaliteite,
kôm mer binne Jan, en veul dich hiëj mer thoës…..
wach, ich wies dich eers ’t hoes…
Refrein 1:
ich laot dich alle veer de heuk van de kamer zeen,
in de eerste twee zit ich…..
in de derde zit (waat sjoon) paete-tante Tante Leen,
mit ein heele dieke daeke veur de jich…..
en de veerde hook, ( det haajs ze néét gedach, hé…..)
is veur DICH, want Mien det zag: ,,Mit Jantje kins ze lache,
jao…..det is ein aope book…..
dae kump aaf en toe geweldig oët d’n hook,
dae kump aaf en toe geweldig oët d’n hook !”
Koeplette 2 en 3:
ich kôs ’t góód mit Pap, neet det ich ‘t zellef zek…
maar ja , ich waas te ei…ge en ich waas te vrek…
,,bliëf belaef “, zag Pap, ,,det is wo ich op hamer…..
of ich laot dich alle heuk zeen van de kamer !’
ich môt zekge dat ich sjrôk, DET ware ,,teun”…
mer toch zag d’r héél geweun :
de Prins, enorm verwind door’t applaus van ’t publiek
ging nao de Vastelao…vendj in de politiek,
en hae vroog toen aan ein vrouw mit eine hamer:
,,wieväöl heukskes zitte in zô’n Tweede Kamer?”
en det vruiwke zag: ,,Ich leij dich rôndj vandaag…..
door ‘t ,,Circus van Den Haag “…..
Refrein 2:
ich laot dich alle veer de heuk van de kamer zeen;
kiek, dao veur-aan dao zit ich…..
in de derde zit (waat sjoon ), sjiek gekleid van top toet teen…
femke greun en links te zeen, eins joon gezich…..
in de veerde hook zit néét Professor Heertje;
dao zit eemes oët de buurt en dat is ooze Geertje
jao,dae haedt get mit ein book…..
dae kump aaf en toe geweldjig oët d’n hook…..( 2x)
Vastelaoves-chip
———————————————————–
Oetveurende : Hannen en Alt
Teks : Jos Schouten
Melodie : Chrit Molenbrugge
Neutjes: Hub Boesten
———————————————————–
Koeplet:
mit vastelaovend geit de buurt nao sjone Rosa
dao ligke tsjille, aan ’t sjtrandj van de mosa
same gaon feeste, waas häör neet gegaeve
zónger zón en water waas veur häör gein laeve
de vastelaoves-chip det waas de remedie
dae brach eine sirk mit lol, en ouch van tragedie
Refrein:
mit eine chip, chip, chip kumpse los
bösse mit vastelaovend ouch de klos
kóm in dae sirk van väöl sjpektakel
en geneet van det mirakel
Limburg is dan weer herbaore
det geveul geit noojt verlaore
mo mo mo mo mo mo mo-sa, ro ro ro ro ro ro rosa
bie de maas aan ‘t sjtrandj is get aan de handj
Koeplette:
sjtiena det dansde op de chip häör pierowette
daags dao nao sjtóng zie, laeves groot in gazette
ziej dansde de roemba, drónk daobie gein water
en de waeg nao hoes toe leep zie mit de kater
de vastelaoves-chip det waerde häör kómpas
maar ouch ein virus brach häör geine goje haajvas
veur de buurt waerde eine chip mit hoempa gemaak
maar drie vandale höbbe dae sjtik toen gekraak
noe danse de miense op henj door de sjtraote
mit en zónger tentjes en kinne neet praote
maar eine sjlumme Prins haet get gefiespernuld
en haet mit leefde toen de chip opnuuj gevuld
