2009-2010

———————————————————–

De heel nach door (winnaer)

———————————————————–

Teks : Jan Huyskens

Kompeziesie : Tof Deckers

Neutjes : Tof Deckers

Oetveurende:  Biejein geraap

———————————————————–

 

Refrein

 

Zólle veer vannach hiej blieve zitte

Väöl te sjoon óm noe nao hoes te gaon.

Nao de vastelaovend gaon veer pitte,

D’is ein nach óm op de tróm te sjlaon.

En morgevreug es weer de zón opgeit

Zeen veer de eerste, zeen veer de eerste

En morgevreug es weer de zón opgeit

Zeen veer de eerste die gesjmienk zeen en verkleid.

 

Koeplet:

 

Mit de vastelaovend mót ich edre daag,

Oere prakkezere waat ich noe weer draag

Höbs de ganse kas alweer ins aangepas

Paks toch altied weer dezelfde aje jas

En taege sjloetestied dan zaese edre keer

Dae haaj ich morge aan, dae haaj ich morge aan,

En taege sjloetestied dan zaese edre keer,

Begin toch (morge)neet alweer …

 

Refrein:

 

Edre daag verkleije, sjmienke heurt d’rbiej

Maar ’t kos toch edre daag ein oer of driej.

En al is de sjmienk van dich auch super gaaf

Saoves mótte toch weer alle kleurkes draaf.

En taege sjloetestied dan zaese edre keer

Dit haaj ich morge d’rop, dit haaj ich morge d’rop

En taege sjloetestied dan zaese edre keer.

Begin toch (morge)neet alweer…

 

Refrein:

 

Zólle veer vannach hiej blieve zitte,

Väöl te sjoon…..enz.

Herhaling refrein à capella…

 

Waem bös doe!!!

———————————————————–

Teks: Etty & Peter Willemse-Kemp, Wim Kemp

Kompeziesie : Wim Kemp

Neutjes: Jo Aubert

Oetveurende: Op Good Gelök

———————————————————– 

 

 

Refrein

 

Waem bös doe, waem bös doe, waem bös doe leve sjat ?

Höb ich dich vanaovend al in mien erm gehad ?

Ich vraog dich; Waem bös doe, en bös se al bezat ?

Ich weit neet wo se woons want doe kals gans angers plat.

Waat jaomer noe, ich kin dich neet toes bringe sjat !

 

Koeplet:

 

De klok sjloog vastelaovend, ’t waas tied óm oet te gaon.

Teon zoog ich dao det kleunke en ging dichbie ‘m sjtaon.

’t Waerde heel gezellig, ging door toet in de nach.

Mer wie det al nao hoes wól, toen höb ich ‘m gezag:

 

Koeplet:

 

Ich kreeg d’r gein genóg van, bön oere doorgegaon .

Toen kwaam dae van de pliesie en dae zag “ ’t is gedaon !”

De zaak die geit hiej sjloete, de kastelein dae wach!”.

Hae leep mit mich nao boete, toen höb ich ‘m gezag:

 

Koeplet:

 

Toes zoog ich in de gank eine oetgeloupe kloon.

Dae kwaam mich heel bekind veur, jao ich kós dae persoon.

Veer keke in ós ouge, dao kwaam dezelfde lach.

Ich zoog ‘m in de sjpegel, toen höb ich ‘m gezag:

VEURBIEJ !!!

———————————————————–

Teks: Clemens Maessen

Kompeziesie : Clemens Maessen

Neutjes: Tof Deckers

Oetveurende: Cleem

———————————————————–

 

Refrein

 

’t Is alweer euver, ’t is alweer veurbiej.

Ich sjtaon hiej noe gans allein mit nemes aan mien ziej.

’t Wachte det doert ein gans jaor.

Mer dan sjtaon ich weer klaor.

Al is ’t noe dan euver, volgend jaor bön ich weer hiej.

 

Koeplet:

 

’t Jeske geit nao de sjtoumeriej, de kleijer in de was.

De pruuk geit nao de zolder en de sjmienk truuk in de tas.

Asgoonsdig waer ’t hoes gepoets, dan ruuk ’t ouch weer fris.

Verdrief dae geur van sjpek mit ei, asof ’t gaar nieks is.

 

Koeplet:

 

De confetti zit nog in de sjoon, sjmienkplekke oppe bloes.

De vaere van de boa’s ligge door ’t ganse hoes.

Versiering hingt nog veur de raam, det mot d’r ouch vanaaf.

En is weer alles opgeruump, dan tel ich alweer aaf.

 

Brök:

 

De kepèl die sjpeelt ’t letste leed,ich laot mich nog ins gaon.

Sjpring en hos nog ein keer, dan is ’t ech gedaon.

 

 

Pindaas !!!

 

———————————————————————————–

Zang : Allemaol Beer Buuk

Teks : Jo & Ceryl Aubert

Kompeziesie : Jo & Ceryll Aubert

Neutjes : Jo & Ceryll Aubert

————————————————————————————

 

Refrein:

 

Höb geer al pindaas …… Nae.

Geine pinda gein neutje in de maag.

Pak dich get te knabbele des lekker mit dees daag.

Höbs doe al pindaas …… Jao.

Laot dich heure knaag mit os mit.

Veer Pelle sjtevig door toet d’r gein neutje meer in zit.

 

Koeplet

 

Nao ein paar pilskes dae boek geit te keer.

Doe sjnaks nao eine pinda dae waal heurt bie det glaas beer.

De vastelaovend mit pindaas is good veur de dors.

Veer zinge oet volle bors …..

Pindaas, pindaas, pindaas, pindaas.

 

Koeplet

 

Geis dich get aete bie Ben aan de kraom.

Vreugs dich ein frietje pindasaus veur eine gooie baom.

Mer Els zaet det höb ich neet, ich höb waal ein frikandel.

Toen zonge veer heel hel ……

Pindaas, pindaas, pindaas, pindaas.

 

Steuring in de kop !!!

————————————————————————————

Zang : Gein Sjtum:

Teks : Cleem

Kompeziesie : Cleem

Neutjes : Tof Deckers

————————————————————————————

 

Refrein:

 

Jao dan toetoetoetoetoete mich de ore en krieg steuring in de kop.

En door det toetoetoetoetoete in mien ore zit ich de ganse nach op.

Ich kom dan gaaroet neet in sjlaop, det brik mich beheurlik op.

Want det toetoetoetoetoete in mien ore geit pas euver es het mit kalle sjtop.

 

Koeplet:

 

Mien vrouw det is ‘ne leve sjat en ech ein lekker sjtök.

D’r is allein mer ein perbleem, ’t is ontzettend drök.

’t Wazelt en ’t sjprik biejein dan geit det zo in koor.

 

Koeplet:

 

Dan höb se nog det klein van mich des ouch zòn wazelvot.

Ich weit neet wo ’t det van haet, soms lach het zich kepot.

Want ouch in ziene sjlaop hilt het de monjdj gaaroet neet toe.

Dan zingt het vastelaovesleedjes en get van “ ai lof joe”.

 

Brök:

 

’t Maak mich soms ram gek.

De ganse daag det gekwek.

 

Refrein:: ( langzaam opstarten )

 

De waeg kwiet !!!

————————————————————————————

Zang : Wil, Frank en Frank

Teks : Wil Scheepers

Kompeziesie : Tof Deckers

Neutjes : Tof Deckers

————————————————————————————

 

Refrein:

 

Mit vastelaovend wirk de navigasie neet

Wo mót det noe toch haer, ich weit ’t neet

Zaet hae “doe mós de volgende rechs aaf”

Dan gaon mien bein nao links en dinke dan alaaf

Mit vastelaovend wirk de navigasie neet

Wo mót det haer, ich weit ’t neet

Zaet hae dan “links nao hoes”

Dan gaon mien bein nao rechs, bön ich nog lang neet toes

 

Koeplet:

 

dao höb ich mich toch get

ich dach eine goje zet

de kop is waal ins laeg

en weit dan neet de waeg

det is dus ein perbleem

ich koup mich det siesteem

mer waat toet miene sjrik

is dit waat ich neet pik

 

Koeplet:

 

ich duuj ins oppe knoep

zeen ich de sjtraot en sjtoep

’t doert nog ein keteer

dan bön ich d’r alweer

ich toets op favoriet

zeen ich kefee van Piet

’t is de tweede sjtraot

waat maak mich dan zo kwaod

 

 

Wo sjteit fien !!!

————————————————————————————

Zang : Allemaol Beer Buuk

Teks : Jo Aubert

Kompeziesie : Jo Aubert

Neutjes : Jo Aubert

————————————————————————————

 

Refrein:

 

Fien fien fien wo is fien, wo sjteit die fien.

Fien fien fien wo is fien, höbs doe fien gezeen misjien.

Fien fien wo sjteit fien, waem wit get euver die fien.

Fien wo sjteit fien, wo is die fien.

 

( Letste keer: Fien dao sjteit fien, dao sjteit die fien dao sjteit die fien.)

 

Koeplet:

 

Bie ’t sjrieve van dit leedje begos ich links in de hook.

De intro aan ’t begin det waas pas kaie kook.

Hiej de alt sax mit eine tenor en dao nog ein sopraan.

Väöl neutjes sjtaon op de balk der kump hein inj meer aan.

 

Koeplet:

 

Nao ein aantal nuje regels leep ich weer oet de maot.

Rallentando heel mich taege dae heel mich aan de praot.

Mit a-tempo ging ich verder had nog gein rös gehad.

Toen kreeg ich ein nuuj idee det sjreef ich in ’t plat.

 

Koeplet:

 

Rechs onger aangekomme de maot waas noe waal vol.

Van del segno nao de coda mit eine si be mol.

Hiej ein sjtreepke en dao ein puntje ’t inj det kump in zich.

’t Leedje veur de vastelaovend det zinge veer veur dich.

 

Neet sjtil blieve sjtaon !!!

————————————————————————————

Zang : SJNAPS

Teks : Cleem

Kompeziesie : Cleem

Neutjes : Tof Deckers

————————————————————————————

 

Refrein:

 

Want noe geit ’t weer beginne det fees veur groot en klein.

Höb d’r lang op motte wachte en sjtaon te razele op mien bein.

Ich mot danse, ich mot sjpringe of in polonaise gaon.

Want de kommende driej daag höb ich gein zin om sjtil te blieve sjtaon.

 

Koeplet:

 

07.00 eor sjmorges en höb de ouge nog vol sjlaop.

Heel erg sjlech gesjlaope ich haaj mien ouge amper aop.

Ich loup alvas nao onger en doon get koffie in ein tas.

Die drink ich heel sjnel laeg en haol mien kleijer oet de kas.

 

Koeplet:

 

Ich waer al get nerveus en kiek geregeld nao de klok.

Vandaag gaon ich es sjot, kompleet mit eine blauwe rok.

Zit al vaerdig op de bank en tel de sente in mien tes.

Mer ich mot nog effe wachte want ’t is pas half zes.

 

’t Ganse jaor keek ich hiej nao oet,

Ich haaj mien bein neet meer sjtil, ich wil d’r oet.

 

Brök:

 

Eindelik ach oer ’t waas ’t wachte toch waal waerd.

’t Geit noe ech beginne en bön de gelökkigste van dees aerd.

 

Laot ‘m mer kómme !!!

————————————————————————————

Zang : Hannen & Alt:

Teks : Hannie Kupers-Leenen

Kompeziesie : Hannie Kupers-Leenen

Neutjes : Stef Kupers

————————————————————————————

 

Refrein:

 

Laot ‘m mer kómme, dae vastelaovend,

Want veer kinne ‘m mit väöl gemaak weer aan

Laot ‘m maar kómme, dae vastelaovend,

Dan gaon veer d’r weer ins effe taegenaan

Al veule veer ós sjtrak, wie eine sjóttelsplak,

Op dit mement, krejt daonao nog geine haan.

 

Koeplet

 

De herfs is al in volle gang en ich bereid mich veur

’t allersjoonste jaorgetiej det sjteit weer veur de deur

De ellefde november dan begint ’t nuje jaor

Veur flares of veur drómmedares is ‘t pekske klaor

 

En eindelik en eindelik dan is ’t weer zo wied

Hae is weer hiej en maak ós bliej, dae allersjoonste tied.

 

Koeplet

 

Mien zjwaoger oet Sexbierum in ‘t Friese landj zo greun

Dae vindj ’t zeile en ’t sjaatse toch al heel geweun

In fibberwari kump hae eders keer nao deze kantj

Want hae zaet dao in Limburg is pas ech get aan de handj.

 

En eindelik en eindelik dan is ’t weer zo wied

Hae is weer hiej en maak ós bliej, dae allersjoonste tied.

————————————————————————————

 

Refrein:

 

Koeplet

 

Vekansie viere in augustus deje veer heel gaer

Mit Kersmes hadde veer ’t fein mit alle saorte waer

Maar dan toet fibberwari haje veer ’t haos neet oet

Want in dae tied dan wilt ós vastelaovesbees weer droet.

 

En eindelik en eindelik dan is ’t weer zo wied

Hae is weer hiej en maak ós bliej, dae allersjoonste tied.

 

Refrein: 2 x