2017-2018

——————————————————————————-

Sjnaps – Vastelaoves Villaasj (Sjlager 2017)


Teks:                Wil Scheepers

Meziek:            Clemens Maessen

Neutjes:            Hub Boesten

Oetveurende:    Sjnaps

——————————————————————————-

Refrein:

Let op! In Neel is ’t te doon

Hiej is get nuuts. Wie sjoon. Hiej is get nuuts. Wie sjoon

Let op! Waat höbbe veer gedaon

Det is heel sjiek. Laot gaon. Det is heel sjiek. Laot gaon.

Let op! Nao al die sjone jaore

Geit oze optoch, waal weg, mer neet verlaore

Biej ós Raodhoes en op ’t Betjesplein

Sjtaon veer sjtraks mit de Neelder luuj biejein

Kóm op en haol de sjpulle oet de graasj

Oze trots, Vastelaoves Villaasj

 

Couplet:

Vastelaoves Villaasj, zo is det noe gaon heite

Vastelaoves Villaasj, ein dingk det mót geer weite

Vastelaoves Villaasj, ein fees veur ederein

Vastelaoves Villaasj, gans Neel is oppe bein

 

Couplet:

Vastelaoves Villaasj, guf plaats aan einzelgengers

Vastelaoves Villaasj, ein buun veur alle zengers

Vastelaoves Villaasj, ein fees mit väöl meziek

Vastelaoves Villaasj, gans Neel det veult zich riek

 

 

——————————————————————————–

Amber en Britt – Vandaag waert ’t get later (genomineerd)

——————————————————————————–

Teks:                            Jos Even

Meziek:                        Jos Even

Neutjes:                        Hub Boesten

Oetveurende:                Amber en Britt Nelissen

——————————————————————————–

Refrein:

Doe veuls ’t aan dien water vandaag waert ’t get later

Vandaag gaon hie alle remme los

Dan reup hie edere Kater vandaag waert ’t get later

Veer blieve toet ’t leste op ós pos

Allein de allerbeste blief toet op ’t leste

Dae blie mer gaon toet ’t is gedaon

 

Couplet:

’t Zate Hermenieke aan ’t inj van häör Letien

Zoot mer get te kieke want de luppe deje pien

De ober vónj det sjlap en dae zei toen veur de grap

Kom op die bein, krieg geer metein ’t leste oet de tap.

Ze repe: Harie,waat ’n larie!

Sjöd in, dan make veer nog get bombarie!

 

Couplet:

Órges op ein heukske aan ‘t inj van die dol daag

Keek ’t in zien beukske mit de kriebel in de maag.

In de leefde zoot de klad en ’t dach det bön ich zat.

Kom op die bein, noe bel metein de leste leve sjat.

Mer dae zag: maedje, sjoonste plaetje

Mit dich tap ich noe oet ’n anger vaetje

 

Brök:

Laef es of ’t morge garoet nieks meer göf

En vandaag nog de leste (glaas) waert gehöf

 

——————————————————————————–

Thei van Cruchten – ’t Is weer zo wied (genomineerd)

——————————————————————————–

Teks:                            Nol Wassen

Meziek:                        Jan Theelen

Neutjes:                        Jan Theelen

Oetveurende:                Thei van Cruchten en Etty Willemse

——————————————————————————–

Refrein:

’t Is weer zo wied, balonne die kleure…, ’t prachtig gebeure

De sjoonste tied…’t is weer zo wied

D’r zjweije weer prinse…nog efkes dan kins se

Dien ei weer kwiet

Cowboy, boer of kloon, ich vinj alles aeve sjoon… Doon!

’t Is weer zo wied, ’t sjpeel geit beginne… nog eine keer pinne..

Dan is ’t tied

 

Couplet:

Jóng, waat vluug d’n tied veurbiej

Mer toet ós gelök

Kump de vastelaovend hiej

Eder jaor weer trök

 

Couplet:

Sjel d’n hering, sjloet ’t aaf

En vergaet dit neet

Sjtraks reups se weer: alaaf

Zings se weer dit leed

 

Brögk:

’t Sjpeel geit beginne…nog eine keer pinne

Dan is ’t weer tied

 

————————————————————————–

Neelder Meide – Wo sjleit det op (winnaer Jeug)

————————————————————————–

Teks:                Karin Achten, Ronald Vorage, Janneke Obstals

Meziek:            Clemens Maessen, Hub Boesten, Ronald Vorage

Neutjes:            Hub Boesten

Oetveurende:    Neelder Meide

————————————————————————–

Refrein:

’t Maak nieks oet det ’t nörges op sjleit

Det is toch wo vastelaovend óm dreijt

Veer zinge, danse, zeen sjiek verkleid

Det is wo t dees daag óm geit

 

Couplet:

Höb geer det geheurd in Neel, optochzunjig is neet meer

ein villaasj, ein gans nuuj sjpeel, gezelligheid en heel väöl sfeer

’t waerd fantasties, geine flop

toch heurs se vaak, wo sjleit det op

 

Couplet:

Ein optraeje van vleisboeket, det vinje veer ech supervet

Sjuuf, trek, blaos klep, opgelet, inins sjting nuujts op internet

’t waas fantasties, zeen gesjtop

Toen dachte veer, wo sjleit det op

 

Couplet:

Hoempapa is ajerwets, veer sjpringe lever op de beat

Óngerein waert neet gezjwets, veer höbbe altied alle tied

maar 3 daag fees, det is beklop

en vinje veer, wo sjleit det op

 

Brögk

Wo sjleit det op, wo sjleit det op, det geit ós 3 daag door de kop

de vastelaovend is ech top, ouch al sjleit ‘t nörges op

——————————————————————————–

Blindj mit – Mazesmins is dae prins?

——————————————————————————–

Teks:                            Jos Even

Meziek:                        Jos Even & Luc Janssens

Neutjes:                        Luc Janssens

Oetveurende:                Blindj mit (Jos Even en Marcel Waajen)

——————————————————————————–

Refrein:

Mazesmins is dae prins, det haaj ich noojts gedach

Mazesmins waat ’n prins, waat haet dae man ein mach

Dae krieg alles oppe vloer, geit nog door ein sjteinse moer

Ederein kóntent mit zónne vent

Dae geit door kappes en tabak

Man dae sjäört nog oet zien pak

Det is noe de prins, wie ich ‘m wins

 

Couplet:

Jaore verlaore mit wachte op dae daag

Det ich hie es prins de scepter zjweije maag

De prinseproklamasie zoer wie ‘ne knien

Boeit mich dan dae creatie achter die gerdien

 

Couplet:

Dus ich sjreef ‘ne breef nao ’t dageliks besjtuur

Maak mich noe ‘ns prins of bön ich uch te duur

Gaef mich toch ‘ns die vaere gaef ich uch ‘ne sjpreuk

Ich zól ’t zo gaer waere mien jaor geit in de beuk!

 

Brök

Mien zjwaoger zag noe loester ins

Dit jaor waer ich hiej prins

En liek dich det neet kwant

Want doe waers mien adjudant

——————————————————————————–

Dames van de Raod – Doe höbs ’t waal of neet

————————————————————————————–

Teks:                            Janneke Obstals & Pieter Classen

Meziek:                        Marcel Driessen

Neutjes:                        Marcel Driessen

Oetveurende:                Dames van de Raod

————————————————————————————–

Refrein:

Doe höbs ut of doe höbs ’t neet

Det geveul waat vastelaovend hit

Doe höbs ut of doe höbs ’t neet

Det geveul waat in mien lief sjteeds zit

Gank det mer ins probere

Det geis se ech noojts lere

Dus blief dit gein loze kreet

Doe höbs ’t waal of neet

 

Couplet:

Wo veer ’t euver höbbe, krieg det ins oetgelag

Det zit heel deep van binne, haet ós heel väöl gebrach

Ut fees van vastelaovend, det maak ut gans kómpleet

Veur ós is nog sjteeds de vraog: Höb se ’t waal of höb se ’t neet

 

Couplet:

Wie mós se det besjrieve, ’t is toch waal apart

Neet idderein dae haet ut, en ’t geit ouch neet van sjtart

Want gaon die daag beginne, is ’t veur ós kónkreet

En kieke óm ós haer: waem haet ’t waal of neet

 

————————————————————————————–

Erwin en Melissa – Veer zeen in ós nópkes

————————————————————————————–

Teks:                            Erwin Linssen

Meziek:                        Erwin Linssen

Neutjes:                        Erwin Linssen

Oetveurende:                Erwin en Melissa

————————————————————————————–

Refrein:

Veer zeen in ós nöpkes

’t sjtraolt d’r weer vanaaf

Dus zegke veer alaaf

Vastelaovessjtraole euveral

Op resepsie, fees of bal

Ideje kómme nao veure

Zo wie de rood gael greune kleure

 

Couplet:

Vastelaovend verbinjt

En maak get los

Dan dae meziek

En veer zeen de klos

Vastelaovend zit in ós blood

Waat duit dae Vastelaovend ós weer good

 

Couplet:

Doot geer allemaol mit

Veer gaon noe draan

Jao heel sjpontaan

Sjtumming kump d’r aan

Vastelaovend zit in ós blood

Waat duit dae Vastelaovend ós weer good

 

————————————————————————————–

Frank en Frank – Same sjtappe

————————————————————————————–

Teks:                            Frank Scheepers

Meziek:                        Tof Deckers

Neutjes:                        Tof Deckers

Oetveurende:                Frank en Frank

————————————————————————————–

Refrein:

Waat zól det noe toch zeen, ich weit neet wo ’t toch aan ligk

Mien veut zeen altied same det is hele dieke mik

De linkse wilt op sjtap, dan blief de rechse ech neet toes

Dus gaon ich mer weer mit, ouch al mót ich dan van hoes

En gluif  mich mer, ich sjnap neet wie det kin

Mer same mit die twee höb ich’t good nao miene zin

 

Couplet:

Mien veut die doon ’t altied weer,

Die wille same sjtappe, keer op keer

De eine veur de angere, ‘t geit altied veuroet

Mer ’t leefs kefeeke in en neet kefeeke oet,

Die veut van mich sjtaon neet gaer aan de kantj

Die veut van mich höb ich neet in de handj

 

Couplet

Mien veut wille op sjtap dus dan mót ich mer weer ins mit

Det maak die gaar nieks oet, ouch es ich ins lekker zit

Mien veut die wille droet, de raeje det ich hie noe sjtaon

Det ligk ech aan mien veut, det haaj ich angers neet gedaon

Noe bön ich hie en gaon nog neet nao hoes

Ouch det ligk aan mien veut want die veule zich hie toes

 

Brögk:

Die veut van mich die traeje, traeje in ‘t róndj

Want sjtappe, sjtappe, sjtappe, sjtappe is gezóndj

————————————————————————————–

Jeugraod VV de Katers – Hae kump neet

————————————————————————–

Teks:                            Henk Giesbers

Meziek:                        Tof Deckers

Neutjes:                        Tof Deckers

Oetveurende:               Jeugraod VV de Katers

————————————————————————–

Refrein

La, la, la, la, la, la, la, la, la, la, la, la, la, la, la, la, la

Hae kump neet, hae kump neet, de optoch dae is van de baan

Hae kump neet, hae kump neet, zègk Sjnaps, waat doot geer ós aan

Ich heur de klanke, ich zeen de kleure, dao löp ein banaan

En al de miense oet ós dorp, die rope dan alaaf

Waat ein gesjoenkel, waat ein fees, dae optoch waas keigaaf

La, la, la, la, la, la, la, la, la, la, la, la, la, la, la, la, la

 

Couplet:

Al waeke op ós basissjool, zeen veer drök in de weer

Veer knipte, plekte sjilderde en deje heel väöl meer

De pekskes waerde toes gemaak, door moders van ós vrunj

Veer lepe mit de optoch mit in Neel en in Remunj

En langs de kantj dao sjtónge ze, ederein waas d’r bie

Veer lachde, sjprónge dansde drök, en keke ouch gans blie

 

Couplet:

Mien pap en mam en tante Bets, die klapte veur mien klas

Maar noe waert ’t opins Villaasj, guf det dezellefde sjpas

De priesoetreiking in de zaal, waat waas ’t dao toch drök

Veer drónke cola, ote sjips, mesjiens lach ós gelök

De optochzjurie sjtóng al klaor, de oetsjlaag waas blamaasj

’t Maakte ós gaaroet nieks oet, ’t waert noe toch Villaasj

 

————————————————————————–

Polkadots – Vastelaovend, det duit ós good

————————————————————————–

Teks:

Meziek:

Neutjes:

Oetveurende:                Polkadots

————————————————————————–

Refrein:

Vastelaovend, det duit ós good,

Same viere, van klein toet groot.

Drie daag sjpringe veer oet de bandj,

In ‘t sjoonste plekske van ’t landj.

Vastelaovend, det duit ós good,

Same viere, van klein toet groot.

 

Couplet:

As kiendj hadde veer eine grote wins

Danse mit ozze vastelaovesprins

In ós sjoonste pekske, jao van zelf

Mit de prins en ziene raod van elf.

 

Couplet:

Leedjesmiddaag, bontje aovend en nog meer

Same viere, toet ein uurke of veer

Lekker feeste, same, klein en groot

Vastelaovend, zit ós in ‘t blood

 

Brögk:

Det doon veer drie daag langk,

Eder jaor maar weer

Mit z’n alle viere,

Veer höbbe väöl plezeer

Det sjmaak toch sjteeds nao meer.

 

————————————————————————–

Van Alles Get – Meziek

————————————————————————–

Teks:                Ronald Vorage

Meziek:            Clemens Maessen, Hub Boesten, Ronald Vorage

Neutjes:            Hub Boesten

Oetveurende:    Van Alles Get

————————————————————————–

Refrein:

Meziek, en mit z’n alle danse, dan gaon veer oet de bol

Meziek, dan griepe veer ós kanse, dan is ’t drie daag grote lol

Jao, doot noe mit en zing noe same, bös se jóngk of al antiek

Ut is nieks óm dich veur te sjame, ós grote passie ….is meziek

 

Couplet:

Musically is zo vet, you-tube is oké

Mien pap en mam zeen ajerwets, die loestere CD

Maar róndj de vastelaovend, dan is d’r geine sjtress

Dan waert same gezónge, Limburgs….op zien bes

 

Couplet:

Gaef ós de beat, dae helle bas, ein gave melodie

Ein dieke tróm, ein sjuuf en träöt, ouch det kin good d’r bie

Gooj alles in dae kaetel en miks ’t good doorein

En is de kaoktied dan veurbiej, höbs se meziek…veur ederein

 

Couplet:

Jóngk of aad sjpeelt hiej gein inkele rol

Heurs se meziek, dan höbs se lol