——————————————————————————
Op Good Gelök – Maak aope (Sjlager 2019)
——————————————————————————
Teks: Wim Kemp, Etty Willemse-Kemp
Melodie: Wim Kemp
Neutjes: Jan Theelen
——————————————————————————-
Koeplet:
mit vastelaovend, sjoon verkleijd, op waeg nao mien keffee
maar aan de deur, de klink in de handj, zeen ich dao ein miensezee
aaneingeplek, en mit de naas, taege ’t glaas van de roete
en óngertösse hange ze ouch, mit allebei de bein nao boete
ich kin duje waat ich wil, die deur krieg ich neet aope
dan roop ich “estebleef, ich kin toch neet hie boete sjlaope….”
Refrein:
oerelang sjtaon ich hie al te wachte, maak aope, maak aope
mót ich hie veur die deur euvernachte, maak aope leve sjat
doe kins mich toch neet boete laote, maak aope, maak aope
zo brings se mich in alle sjtaote, maak aope, leve sjat
Koeplet:
mit väöl kónfetti in de haor, zo sjlinger ich nao hoes
deep in de nach, waert op mich gewach, miene sjat blief altied toes
en eindelik dan veur mien deur, jong waat is det ein gefreutel
waal bónne, muntje deep in mien tes, maar nörges veul ich eine sjleutel
ich kin duje waat ich wil, die deur krieg ich neet aope
dan roop ich “estebleef, ich kin toch neet hie boete sjlaope….”
——————————————————————————
Blindj Mit – Net nao middernach (genomineerd)
——————————————————————————
Teks: Jos Even
Melodie: Jos Even, Hub Boesten
Neutjes: Hub Boesten
——————————————————————————
Refrein:
det zówse zo neet zègke,
hadse det gedach
alles boete zinne,
net nao middernach
det is neet oet te lègke
hadse det verwach
hie kumse neet meer binne
net nao middernach
Owee oh! Hie is ’t te doon!
Koeplette:
ich val nao binne in ‘n laeg kefee
nieks te doon, neet oké.
binne brult Hazes
es of t’r hie de baas is
gank mit dien gedram
weer truuk nao Amsterdam
sjtampesvol in ‘n toffe tent
noe geit ‘t loos – hèt moment
meziek sjteit te sjtampe
ze hange aan de lampe
alles oet zien daak
es de prins zien’ sjpreuk weer kwaak
Brögk:
Al kump ‘t hie soms laat op gang
Neeldernachte doere lang.
——————————————————————————
De Dames van de Raod – Ooh Miej, Ooh Miej (genomineerd)
——————————————————————————
Teks: Henk Rademakers
Melodie: Tof Deckers
Neutjes: Tof Deckers
——————————————————————————
Koeplet:
ich haaj neet van ein duuster lóch en minder nog van raege,
de rame aop en in d’n toch dao kin ich gaar neet taege.
mer duujt de zón de wolke weg, krieg Limburg weer ein kleur
dan sjtaon ich mit mien blaoskepel biej dich zo veur de deur.
taederettetettetae, noe zegk mich toch neet: “Nae……”
Refrein:
oh Miej, Oh Miej, Oh Miej, och blief nog efkes hiej,
dan haol ich flot ein heudje en de blaoskepel d’r biej
veer trekke door de sjtraote, mit trommeleers veurop
en blaos mit al mien maote, dich de zorge oet de kop.
taederetetetetae, noe zegk mich toch neet : Nae……
oh Miej, oh Miej , oh Miej, och blief nog efkes hiej,
dan haol ich flot ein heudje en de blaoskapel d’r biej
Koeplet:
os muzekantje sjpele top, al waert ut nooit een echte teen,
dan zal ’t op zien zaagsgezag ein ellef mótte zeen.
veer gaeve waat v’r kinne maar en sjpele ós partiej
van taederae toet hoempapa, dus blief nog efkes hiej.
taederettetettetae, noe zegk mich toch neet: “Nae……”
de Villaasj veurt de baovetoon, dao kinne veer neet boete
en idderein dae vinjt ’t sjoon, zich daobiej aan te sjloete.
gein meujte is ós dan teväöl en daoróm gein gezeur
nog vief menute loupe en ich sjtaon weer veur dien deur.
taederettetettetae, noe zegk mich toch neet: “Nae……”
——————————————————————————
Van Alles Get- Allemaol Biejein (Winnaer Jeug)
——————————————————————————
Teks: Ronald Vorage
Melodie: Hub Boesten en Ronald Vorage
Neutjes: Hub Boesten
——————————————————————————
Intro en Refrein:
jao noe zeen veer weer, jao noe zeen veer weer,
jao noe zeen veer weer biejein
Refrein:
eine keer per jaor dan geit de I-pad in de kas
de tillefoon dae höbbe veer dan drie daag neet meer vas
mit vastelaovend zeen veer mit z’n alle weer biejein
en chille in ein heukske, ‘t is eine óngerein
en heure veer ein plaetje, leuke teks, sjoon melodie
dan sjtaon veer oppe dansvloer en veer danse zie aan zie
want mit de vastelaovend zeen veer altied weer biejein
en sjtaon veer oppe buun en zinge same dit refrein
Koeplette:
bön net wakker en waat dink-se, drek de tilleviesie aan
want ich höb ein drök programma, nog veur ‘t kreije van de haan
Bord op sjoot, zender op Netflix, de mobiel in miene handj
ich en miene tilleviesie höbbe eine hechte bandj
net de sjool oet en waat dink-se, effe game op de Wii
jao veer kinne väöl geliek doon, es ‘t mót ein dingk of drie
effe tjette op de I-pad, WIFI weg, det is neet sjoon
mien heel programma óngerstebaove, kindj zeen is ein heel gedoons
Brögk:
gans allein mich ammesere, kin ich good, maak mich nieks oet
maar d’r geit nieks baove same, mit ein sjoon gesjmiekde sjnoet
——————————————————————————
De Neelder Garde – Dan geit ‘t knalle
——————————————————————————
Teks: Erwin Linssen
Melodie: Erwin Linssen
Neutjes: Erwin Linssen
——————————————————————————
Refrein:
de 11e1 van de 11e geit ‘t knalle
de vastelaovend is weer dao
det kin ós bevalle
noe geit ‘t beginne
De Neelder Garde blief bie zinne
door kommendant aangesjtuurd
de vastelaovend ingeluujd
dan heure veer ellef sjlaeg
en gaeve veer um ein vaeg
Koeplette:
‘t gheit knalle veer zeen der bie
alle luuj die zeen weer blie
laote van ós heure
nieks moog det versjteure
wat mót det mót gebeure
De Neelder Garde äöpent deure
‘t geit knalle veer zeen der bie
alle luuj die zeen weer blie
wo veer gaon of sjtaon
is ‘t feeste neet gedaon
in Neel en of Remunj
neet mitdoon det is zunj
——————————————————————————
Frank en Frank – Jóngesdruim
——————————————————————————
Teks: Frank Scheepers
Melodie: Frank Scheepers
Neutjes: Tof Deckers
——————————————————————————
Refrein:
ich bön nog noojt Prins gewaes
ach waat zól ich det toch gaer ins wille waere
ich bön nog noojt Prins gewaes
al jaore druim ich van ein Prinsemöts mit vaere
ich zeen michzelf al sjtaon mit de septer in de handj
hie sjteit de sjoonste Prins van ‘t ganse Limburgs landj
ich bön nog noojt Prins gewaes
ach waat zól ich det toch gaer ins wille waere
Koeplette:
de ellefde van de ellefde ligk mien pekske alweer klaor
toch haop ich det ich dit neet hoof te drage
want zólle ze mich vraoge, nou dan höb ich gein bezjwaor
waer ich Prins dan zóls se mich neet heure klage
de haop dae blief en ouch al kruup de tied veurbie
jao es ich Prins zól zeen, ach luuj, waat waas ich blie
de vastelaovend is en blief ein sjpeel mit hert en zeel
‘t sjoonste waat ich kin, det blief ich zegke
zól ‘t oojt ins lökke en sjpeel ich ‘t Prinse-sjpeel
waat ein geveul, det kin ich nemes oet gaon legke
al is ‘t lestig mer ‘t blief toch miene wins
de druim dae blief, ich bön de Prins dae ich mich wins
——————————————————————————
SJNAPS – Vastelaovend mit SJNAPS
——————————————————————————
Teks: Wil Scheepers
Melodie: Clemens Maessen
Neutjes: Clemens Maessen
——————————————————————————
Refrein:
vastelaovend, is wie ein dreijende kolk
en in dae sjone sirk, sjteit SJNAPS mit roje sjolk
vastelaovend, zo sjrief de aje köster Sjemp
en in det sjone sjpeel, sjteit SJNAPS mit witte hemp
mit de sjaal in de handj zinge veer ’t Neel blief Neel
en höbbe veer biej ós ein groot prinselik geheel
de Prinsemedalie, waert mit trots gedrage
veer zitte vol plezeer, en heurs hie nemes klage
Koeplette:
veer zinge väöl van tralala
en haje neet van heisasa
veer höbbe altied goje mood
zing mit ós mit, det duit uch good
veer heure döks van oeioeioei
en haje neet van doeidoeidoei
veer höbbe altied goje zin
gank mit ós mit, noe ’t nog kin
