——————————————————————————————————–
Blindj mit : Bie-ein op ‘t plein (winnaer)
——————————————————————————————————–
Teks: Jos Even
Meziek: Luc Janssens
Neutjes: Marlstone
Refrein:
Same sjtaon veer op dit plein bie-ein
Same bie-ein, eine óngerein
Noe zing mit ein
vanoet dien Vastelaoveshert
Alles gaeve op dit supersjiek konzaer
Koeplet 1:
‘n Bietje oet de windj, ‘t zunke oppe naas
Same op dit plein – gaef mer gaas!
Veur ós is eder leedje ‘n Vastelaoveshit
Draan wie verkes wullem! Veer blère alles mit!
Zo geit det noe al jaore
Veer zeen hie veur gebaore
Veer gaon hie vol oet ozze bol
Koeplet 2:
Mien zate hermenieke, muzikante oet ein sjtök
mit Vastelaovend zeen ich al mien vrunj terök
Kammeräõj van vreuger, helde van de tap
Doot die get te drinke! En gaer ‘n bietje rap
Veer prooste op ‘t laeve
Veer blieve alles gaeve
Veer sjtaon ’t volgend jaor weer klaor!
——————————————————————————————————–
Ingel : De Paplaepel (genomineerd)
——————————————————————————————————–
Teks: Angela Oppermann
Meziek: Duo toeval besteit neet
Neutjes Hub Boesten
Koeplet 1:
Ich weit nog wiej ut vreuger waas,
Biej pap toen aan de handj
Veer vierde vastelaovend
Biej de optoch aan de kantj
Doe raapdes mich de sjlok biejein
En heels mich goot omhoog
Zodet ich euver de miense haer
Toch altiet alles zoog
Refrein:
Jonk geleerd is aad gedaon
Doe kins d’r nooit meer naeve
Vastelaovend in dien hert
Mit de paplaepel ingegaeve
Jonk geleerd is aad gedaon
Ut weurt dich mit gegaeve
Mit vastelaovend in dien hert
Blief vreuger eeuwig laeve
Koeplet 2:
Doe leerdes mich biej de hermenie
Wie ich trote sjpeele mos
Veer leepe door de sjtraote
En bloze mit oet volle borst
Maar noe bis doe get aajer al
Ut haet dich in de greep
Doe begins get te vergaete
Auch wiej ich dao vreuger leep
Koeplet 3:
Mit pap dao aan ut hendje
Herinnering van mich
Doe zals ut neet meer weite
Doe vergits auch mien gezich
Maar waat ich neet vergaete zal
Is waat ich kreeg van dich
Det is de vastelaovesgeis
Mien kiendj krieg det van mich
—————————————————————————————-
DAAKLAER : Sjterk (genomineerd)
—————————————————————————————-
Teks: Tom Beek en Joep van Pomelen
Meziek: Adizesuara
Artiest: Daaklaer
Refrein:
Jäger, Jäger neet te min
Wodka-cola geit der in
Dropshot höb ich oppe tes
Flugel, flugel stuk of zes!
Tequila, quila in de handj
Whisky veur de kaaje kandj
Bacardi razz, oet de fles
Flugel, flugel stuk of zes!
Koeplet 1:
Mit de vastelaovend, drinke veer good door
Water, cola, fristi, is neet waat mich bekoord
Want ich wil get nieuws, van ein anger merk
Doot mich maar get wermers, det is lekker sjterk!
Koeplet 2:
Ice op de plee det dach ich al,
Rap nao de sjtruuk veur ein tactical.
Hang aan de bar veur get drieënveertig,
Drinks te väöl, ut euverheerst dich
Gein s*ks op ut sjtrandj maar ich rock un shot,
Gooj ut daak der aaf, hele tent kepot.
Gank flink los veurdet ut te laat is,
Drink beer en whisky, es ut kaad is!
—————————————————————————————
Erwin en Samantha : Doe en ich
—————————————————————————————
Teks: Erwin Linssen
Melodie: Erwin Linssen
Oetveuring: Erwin en Samantha
Refrein:
Doe en ich, Ich en dich
Duise mit, mit mich
Veer gaon same viere
Laot ós det neet versjtiere
Doe en ich, ich en dich
Duise mit, mit mich
Vastelaovend dae is dao
Komp geer ós achter nao
Vastelaovend dae is dao
Komp geer ós achter nao
Koeplette:
Die daag doere maar aeve
Laot ós die belaeve
Laot ós same loere
Al sjpringend euver de vloere
Pakke ós ’t podium
Auch al zeen ver sjor van sjtum
Vastelaovend dae is dao
Komp geer ós achternao
Veer wille neet nao hoes toe
Sjtumming is neet toes noe
Dees daag wille ver feeste gaon
Mit vastelaovend veuraan sjtaon
Same neet allein te gaon
Vastelaovend waert zo sjoon
Vastelaovend dae is dao
Komp geer ós achternao
————————————————————————————-
Eppo Helgers : Veer gaon door
————————————————————————————-
Teks: Eppo Helgers
Muziek: Tof Deckers
Neutjes: Tof Deckers
Veer gaon door
Refrein
Veer gaon door door door.
Jao ut geit al weer beginne door door door.
Hey ich mot nog aeve pinnen
Veer gaon door door door.
Geine tied om te bezinne.
Want veer gaon al die daag weer door….
toet det veer neet meer kinne
2x
Koeplet 1:
Maar in ons hert do ging et wieer.
Samen ein, jao nooit allein…
Vastelaovend det maak os blieer.
Al te zamen weer oppe bein
En ut kin nooit nea gek genog zin,
en jao nooit ein daag te lank
Vastelaovend ich hub der zin in
Veer gaon weer door toet de letste klank
Koeplet 2:
En asse morge dan weer truuk dinks
Aan dae sjoon geslaagde daag
Hoop ich det ze, nog eine mit drinks
Veur det se dich no hoes to waags
Dus prooste veer noe op ut laeve
En geneete van de tied
Dus noe nog ein keer alles gaeve
Angers hub se morge sjpiet
——————————————————————————
SJNAPS : Dit jaor bön ich de nuje prins
——————————————————————————
Teks: Cas Meijers
Muziek: Wim Roeffen
Oetveuring: Sjnaps
Refrein:
Dit jaor bön ich de nuje prins,
det waas al jaore miene wins.
De vors dae waas mich noe ins good gezind,
omdet hae mich de beste vind.
Dit jaor bön ich de nuje prins,
ut sjoonste desse waere kins.
Mit die muts op mienen bluts,
en de scepter in de handj,
sjtaon ich veur joeks garantj.
Koeplet 1:
Jaore motte wachte, goof de mood neet op,
druimde van die prinsemöts op miene kop.
Noe geit ut gebeure, haaj uch maar ins vas,
deze vastelaovend haol ich alles oét de kas.
Koeplet 2:
Eder zal ut weite, det ich noe regeer,
gans de vastelaovend bön ich in de waer.
Kom biej alle miense, vier mit alle luuj,
ich bezorg uch allemaol ein vastelaovesbuuj.
———————————————————————————–
Hel en d’r naeve : Waorom
———————————————————————————–
Teks: Ronald Vorage en Clemens Maessen
Muziek: Hub Boesten, Clemens Maessen, Ronald Vorage
Oetveuring:: Hel en d’r naeve
Refrein:
Höb sjteeds de kriebels in de boek
T begint mich flink te jeuke
Waorom bekruup mich det geveul
Of is det noe net t leuke
Waat gaon veer doon, wo gaon veer haer
Nae veer kinne neet besjlisse
Ein dingk wete veer heel zeker
Vastelaovend, neet te misse
Koeplet 1:
Vertel mich waat ‘t is
Hertje zomer. Zin om te gaon
Vertel mich waat ‘t is
Al sjient de zon, of sjtraolt de maon
Vertel mich waat ‘t is
Nog lang neet dao, al maonde klaor
Vertel mich waat ‘t is
Det lange wachte, det vilt os zjwaor
Koeplet 2:
Waat höb ich ‘t gemis
Die lange riej, det volle plein
Waat höb ich ‘t gemis
Nieks te versjtaon, lang oppe bein
Waat höb ich ‘t gemis
Ein glaas lauw beer, neet ins veur nop
Waat höb ich ‘t gemis
Die tong van laer, dae houte kop
Pre chorus/ brögk
Vertel mich waat t is, waat höb ich t gemis
Zolang t door blief gaon zal ich dr sjtaon
——————————————————————————————————–
Op Good Gelök : Geknip Veur Vastelaovend
——————————————————————————————————–
Teks: Etty Willemse – Kemp en Wim Kemp
Meziek: Etty Willemse – Kemp en Wim Kemp
Neutjes: Jo Aubert
Refrein
Is det normaal – de’s neet normaal
Ein groot sjandaal – juus geniaal
Ich bön totaal verknip, jaowaal – nae, doe bös heel speciaal
Ich bön totaal versjangeleerd – maar det is gaar oet neet verkeerd
Ich bön totaal verknip, alweer – kwaam door die sjeer
Drie daag bön ich totaal verknip – vier vastelaovend oetgeflip
Geschmink, gesjaore en verkleijd – totaal verknip, waat toch good sjteit
Want bös se éch totaal verknip
Dan bös se helemaol geknip
Dan bös se helemaol geknip veur vastelaovend
Koeplet 1:
Mit kwas en mit sjeer geit d’r eder jaor weer tekeer
Zo ouch vandaag, mit mien köpke aan de sjlaag
Zónger gezeur, guf miene kwafeur, aan mien häörkes kleur
Mit ein grimas zaet d’r vol sjpas: dit kump dich good van pas
Dreij dich maar efkes óm, en kiek ins in de sjpegel
Zo knip ich de luuj, mit vastelaovend in de regel
Ich kiek ‘m aan, en vraog ‘m dan
Waat vinjs se hie noe zellef van????
Koeplet 2:
Mit naoldj en mit draod nump ’t eder jaor mich de maot
Heel oetgebreid, kiek mien neijster of ’t pekske sjteit
Pak dan de sjeer, geit daomit te keer, op ’t-heilig óngeveer
Mit ein grimas zaet ‘t vol sjpas: dit kump dich good van pas
Dreij dich maar efkes óm, en kiek ins in de sjpegel
Zo knip ich de luuj, mit vastelaovend in de regel
Ich kiek ‘m aan en vraog ‘m dan
Waat vinjs se hie noe zellef van????
Dan bös se helemaol, dan bös se he – le – maol, dan bös se helemaol geknip veur vastelaovend
——————————————————————————————————
Sjoebejak : Vastelaovend is van os
——————————————————————————————————
Teks: Jos Smets
Muziek: Rob van Osch
Artiest Sjoebejak
Vastelaovend is toch gans van os
Blief van os
En Luth noeats los 2X
Kom we haaije de wereld stil um geschiedenis te sjrieve
Is dit dan toch gods wil loat et Vastelaovend blieve
Vastelaovend is toch gans van os
Blief van os
En Luth noeats los 2X
Kiek de iewighied van os ein geveul wie getatoeeerd
Dit lueth os noeats mier los is veur altied geprogrammeerd
Vastelaovend is toch gans van os
Blief van os
En Luth noeats los 2X
Heij
Tussenstuk
Dan de lach op uch gezicht luth de hertjes open goan
Bonte kleuren in et licht zien de pijlers van os bestoan
De muziek drieft Limburg verder
Dansend zingend Vastelaovend is van os
La la la la la la la la la la la la la la la la la
La la la la la la la la la la la la la la la la la
Vastelaovend is toch gans van os
Blief van os
En Lueth noeats los 2X
——————————————————————————————————
Kelly en Lotte : Dae kriebel
——————————————————————————————————
Teks: Jos Even
Muziek: Jos Even
Neutjes: Hub Boesten
Refrein:
Ich razel, ich wazel
Ich joenkel, ich sjoenkel
Zo gek wie ein raad
Gaon ich weer op paad
Kin oere bonzjoere
Van mich moog ‘t doere
Waem zit mit die daag…
mit ‘ne kriebel in de maag
Koeplet 1:
D’r zit ‘ne kriebel
Wo ich neet kin kratse
Egaal wie ich wiebel
en sjuuf op mien batse
Dae löp mich langs de graot
Gaon sjwingend euver sjtraot
Koeplet 2:
Ich kin ‘t verdrage
Zolang ich kin danse
Mien hert nao kin jage
En mit dich moog sjans
Noe kóm ‘ns dunderbie
Dae kriebel is magie.
Brögk:
Mich zal dae kriebel jeuke
Daovan höb ich gein pien
Ich hoof neet meer te zeuke
Doe bös mien middesien!
