2011-2012

———————————————————–

Dunnelvde van dunnelvde (winnaer)

———————————————————–

Oetveurende: Thei van Cruchten

Teks : Thei van Cruchten.

Kompeziesie : Thei van Cruchten.

Neutjes: Jan Theelen.

———————————————————–

 

Refrein:

 

Es ‘t dunnelvede van dunnelvde is gewaes

Dan wéts se drek weer wie det is

Pien inne kiebes, d’n dazel inne bein

Veul waat ich maondje höb gemis

Vergaet dien zörg, d’n ozel ane kantj

Sjnap dich vast-elaovend aan de handj

Es ’t dunnelvde van dunnelvde is gewaes

Dan wéts se drek weer wie ’t is

 

Koeplette:

 

’t Ganse jaor door loup ich, sóms dan veul ich mich allein

Óm angere te plezere…

Van ‘sjmorges vreug toet saoves en det veul ich in de bein…

En alzelaeve prakkezere….

Mer langsaam kump ouch hiej.. vastelaovend dunder biej..

 

En es ’t weer fekansie is, vreug deze jóng zich aaf:

“waat doon ich mit mien pieke?”

Bring ich ze nao de Sjpanjaard, Portugees of Italiaan?”

Of toch weer nao die Grieke?

Det zeuk ich noch waal oet..veurluipig wil ich droet!!!

 

‘t Sjoonste

———————————————————–

Oetveurende: Op Good Gelök

Teks : Etty en Peter Willemse Kemp, Wim Kemp.

Kompeziesie : Wim Kemp.

Neutjes: Jo Aubert.

———————————————————–

 

Refrein:

 

Dit is ’t sjoonste waat mich ooit is euverkómme.

Dit is ’t beste waat ich ooit höb mitgemaak.

Ich bön vandaag geweun de hemel ingeklómme.

En bön in eine sjlaag mien zorge kwietgeraak.

Ich kin d’r gaaroet neet van sjlaope.

Ich kin michzelf haos neet meer trök.

Ich druim vandaag mit ouge aope.

Waat is dae daag toch good gelök.

 

Koeplette:

 

Mit vastelaovend lekker laeve (-aeve).

Waem dans die drie daag lang mit mich (-ich -ich -ich).

Waat is det sjoon, wie veer det same doon.

Dao höb ich ech nooit aan gedach, en nooit verwach.

 

Deze drie daag blieve veer same (-ame).

Waem hilt noe heel erg väöl van mich (-ich -ich -ich).

Zeen neet allein, veer zeen hie same ein.

Dao höb ich ech nooit aan gedach, en nooit verwach.

 

’t Is noe ech gedaon

———————————————————–

Oetveurende: Clemens Maessen

Teks : Clemens Maessen.

Kompeziesie : Clemens Maessen.

Neutjes: Huub Boesten.

———————————————————–

 

Koeplet:

 

Vastelaovend waerd gesjlaote, ’t is haos twellef oer.

De mötse gaon aaf mit sjaele zeiver en g’ouwhoer.

De aafgeloupe dage veulde ich mich hie toes.

De letste noot die klink, ich mót noe ech nao hoes.

 

Refrein:

 

Waat zeen dees daag weer sjnel veurbie gegaon,

Ich wool det ich de tied sjtil kós laote sjtaon.

Zodet ich morgenaovend segke kós,

vandaag weer flink gesjprónge, gezónge en gehos.

och kós ich morge nog maar eine keer gaon

mer det geit neet, ’t is noe ech gedaon.

 

Koeplet:

 

Ich laot ein träönke rolle, ich weit neet waat ich mót

Ich haaj mich heel sjterk, maar van binne veul ich mich rot.

Veer mótte noe weer wachte toet kers en aad op nuuj

Nog heel get nachte sjlaope dan beginne veer opnuuj.

 

Det zeuk ich noch waal oet..veurluipig wil ich droet!!!

 

De Vastelaovesoppas opa.

———————————————————–

Oetveurende: Montessori Kids

Teks : Henk Rademaekers.

Kompeziesie : Henk Rademaekers.

Neutjes: Jo Aubert/Huub Boesten.

———————————————————–

Refrein:

 

Oze vastelaovesoppasopa

pas mit die daag heel gaer op ós op

dan haet hae geine tied veur oma

zit mit de vastelaovend in de kop

mit in de hood ein geroete deukske

en zien väöl te grote sjoon

Sjpeelt opa in ein heukske

de vastelaovesoppaskloon

 

Koeplette:

 

Oze opa dae is pas gaaf

zingk noe mit alle kinjer alaaf

Zit vol mit gekke teun,

dink allein maar aan rood gael en greun

De vastelaovesopa pas op, verkleijd as eine kloon

det is waat oppasopa’s in Limburg doon

 

Oze opa kint geine sjtop

tap de ein nao de angere mop

Röls mit ós op de bank,

en versjtop zich daonao op de gank

De vastelaovesopa pas op, verkleijd as eine kloon

det is waat oppasopa’s in Limburg doon

 

 

Zónger ós

———————————————————–

Oetveurende: Sjnaps.  

Teks : Wil Scheepers.

Kompeziesie : Clemens Maessen.

Neutjes: Huub Boesten.

———————————————————–

 

Refrein:

 

Veer zeen kóntent, jao heel kóntent

Want veer zeen weer present op dit aevenement

Veer zeen kóntent, jao heel kóntent

Al kos ‘t ós alweer de allerletste sent

Zónger ós gein plezeer, zónger ós gein sjtruimend beer

Zónger ós is hiej toch nieks te doon

Zónger ós gein plezeer, zónger ós gein sjtruimend beer

Zónger ós is hiej toch gaaroet nieks zo sjoon.

 

Koeplette:

 

Egaal, ‘t is ós óm ‘t aeve

Veer wille alles in ós dörpke belaeve

De kirmes, de prosessie of de boum in mei

En hóbbe veer de keus oet twee, dan doon veer allebei

In polonaese, veur en achter in de riej

Want mit de vastelaovend zeen veer zeker hiej

 

Egaal, ‘t is ós óm ‘t aeve

Veer wille alles in ós dörpke belaeve

Kantiene, kampiejoensjap van de voetbalklup

Al sjpele ze noe good of sjlech, de top of in de sup

De bóntje aovend, in de zomer braderie

En ouch de leedjesaovend zeen veer zeker hiej

Al zólt geer wille

———————————————————–

Oetveurende: De Katteköp

Teks : Monique van den Adel.

Kompeziesie : Huub Boesten.

Neutjes: Huub Boesten.

———————————————————–

 

Refrein:

 

Och ich weit bes waal,

Nae ich bön neet sjmaal,

Höb ein faai in mien gezich,

Ein kop kleiner nog es dich,

Mer mit dees daag, al zólt geer wille,

Kan mich det gaar nieks sjille!

 

Koeplette:

 

Edere maondig gaon ich oppe waegsjaol sjtaon,

Mer veur mien sjtumming kin ich det baeter euversjlaon,

Want van die nummerkes, waer ich ech neet bliej,

Dus zegk ich Sonja, kóm doe mer gauw weer hiej.

 

Refrein:

 

Edere woonsdig gaon ich veur de sjpegel sjtaon,

Sjrik mich zón heudje det mich de uigskes aopegaon,

Want mit die botoxsjpuit, kiek oet wo ich duuj,

Es ich det good doon, zeen ich weer oet wie nuuj.

 

 

Ich wil neet nao de heij

———————————————————–

Oetveurende: Huub Beeren

Teks : Henk Rademaekers.

Kompeziesie : Henk Rademaekers.

Neutjes: Jo Aubert/Huub Boesten.

———————————————————–

 

Refrein

 

Heij heij heij ich wil neet nao de heij.

Ich höb nieks mit die sjtruuk.

en koup mich waal ein pruuk.

Heij heij heij is in de wintjer kaal.

ich vier vastelaovend en de res is mich egaal.

Heij heij heij, heij heij heij ich blief toch altied heij

 

Koeplette:

 

Mien maedje zag noe kóm ins mit ich höb ein good idee.

Ein tropies bad det duit dich good doe waans dich aan de zee.

Mer ich zag nae det doon ich neet ich höb noe geine zin.

Dan duuk mer lever mit mich mit de vastelaovend in.

 

Ouch miene naef dae had veur mich ‘ne hele sjtoere wins.

Gaon renne door ’t greune haer dan veulse dich weer mins.

Mer det kan heel geveerlik zeen ich maak der mich van los.

Want ich zeen lever tepkes hie dan teke in ’t bos.

 

De meziek en vastelaovend die kómme good van pas.

Ich haaj mich väölbelaovend aan det sjpektakel vas.

Ich wil neet nao die heije en veur ich ’t verpruts.

Dan gaon ich mich verkleije en blief ich good gemuts.

 

 

Te gauw auw auw.

———————————————————–

Oetveurende: Biejeingeraap.

Teks : Jan Huyskens.

Kompeziesie : Jan Huyskens.

Neutjes: Huub Boesten.

———————————————————–

 

Koeplet:

 

Höb geer las van ónbehage,

bang det alles minder waerd.

Blief ’t hiej van binne knage,

geinen aard meer op dees aerd.

Maar geer mót de feesdaag viere,

euveral is get te doon,

aafentoe de zaak versiere

luuj dan blief ’t laeve sjoon.

 

Refrein:

 

En roop en roop neet väöl te gauw

auw auw auw auw wauw

Roop neet wiej katers in ’t nauw

miauw miauw miauw

Nae klaag noe neet veur daag en dauw,

auw auw auw auw auw auw

Bös doe ‘ne kaerel of zien vrouw

sjilder dich mit vastelaovend bóntj en blauw.

Bös doe eine kaerel of zien vrouw

sjilder uch dan bóntj en blauw.

 

Geer höb sjtumme, luuj gaot zinge

laot uch heure drie daag lang.

Zin óm oet de bandj te sjpringe,

luuj laot gaon en bön neet bang.

Want geer wilt die drie daag viere

euveral is get te doon

En de zaak ins good versiere

luuj dan is ’t laeve sjoon. 2x

Dao gaon v’r.

———————————————————–

Oetveurende: Jaques en Tanja.

Teks : Henk Rademaekers.

Kompeziesie : Henk Rademaekers.

Neutjes: Jo Aubert/Huub Boesten.

———————————————————–

 

Refrein:

 

Dao dao dao dao gaon v’r, dao gaon v’r, opziej opziej opziej

Veer make mit väöl hoempapa de waeg waal veur uch vriej

Veer danse en veer sjpringe en gaeve ‘m ein vaeg.

(Alein de letste keer)

Veer danse en veer sjpringe en gaeve ‘m ein vaeg.

 

Koeplette:

 

Es al de trumkes trómme, maak dich den aan de kantj,

Veer gaon ós den verkleije veur de sjpegel aan de wandj

Egaal waat oet de bös kump en sjeet geer in de lach,

Veer zeen der mit zien tweeje veur in de weeg gelag.

 

’t zit ós in het köpke, ’t kump vanoet de teen,

’t is veur heel ’t klupke, diej ós heel gaer bezig zeen

Veer doon mer waat ver kinne en naeme ein besjloet,

’t fees kan noe beginne, veer gaon ins lekker d’roet.

 

Veer sjpringe en veer zinge, det is ein sjoon gezich,

Waat geer dao van zólt vinje, ‘t maak uch erg blie waallich

’t is neet te geluive, veer wille sjteeds mer meer,

Dan aafgebrandj het nes in, en mörge gaon ver weer.

 

Refrein 2x

Zonger vrouwluuj geine raod

———————————————————–

Oetveurende: Vrouwluuj van de raod.

Teks : Peggy Vorage en Monique v/d Adel.

Kompeziesie : Huub Boesten.

Neutjes: Huub Boesten.

———————————————————–

 

Refrein:

 

Zónger vrouwluuj geine raod

Waat ein werk veurdet geer d’r sjtaot

Zónger vrouwluuj geine raod

Nog effe drök veurdet geer gaot

Dus zónger vrouwluuj oet de maot.

 

Koeplette:

 

11 November ’t pak hingk al klaor.

De sjtart van ein nuuj vastelaovesjaor.

Ein gans sezoen hemde sjtrieke.

‘t begint al örges op te lieke.

Medalies kómme oet de kas.

Zónger ós, geine vastelaovessjpas.

 

Refrein:

 

Ózze kalender sjteit al gans vol.

Nog neet gans klaor veur vastelaoveslol.

Nog sjnel sjoppe, kaoke, bakke.

Dan kinne veer ouch ós pilske pakke.

Resepsie, optoch en nog meer.

Zónger ós, geine vastelaovessfeer.

 

 

Vaerdig mit dich

———————————————————–

Oetveurende: Wil, Frank & Frank

Teks : Wil Scheepers.

Kompeziesie : Clemens Maessen.

Neutjes: Huub Boesten.

———————————————————–

 

Koeplette:

 

Gaon ich waal ins op sjtap dees daag

Dan drink ich mich ein glaeske

Dan höb ich waal ins las dees daag

Van sjnaps of van ein aelske

D’n tel dae bön ich gans flot kwiet

Dan zaet mien vrouw toet miene sjpiet

 

Refrein:

 

Ich bön vaerdig, harsjtikke vaerdig mit dich

Ich bön vaerdig, harsjtikke vaerdig mit dich

Ich bön vaerdig, harsjtikke vaerdig mit dich

Ich bön vaerdig, harsjtikke klaor.

 

Gaon ich waal ins op sjtap dees daag

Dan kiek ich gaer nao ‘t maedje

Dan höb ich waal ins las dees daag

Blief ich op ‘t zellefde paedje

D’n tel dae bön ich gans flot kwiet

Dan zaet mien vrouw toet miene sjpiet

 

Gaon ich waal ins op sjtap dees daag

Dan zégk ich iede wietske

Dan höb ich waal ins las dees daag

En sjoep ich mich ein fietske

D’n tel dae bön ich gans flot kwiet

Dan zaet mien vrouw toet miene sjpiet

 

Vastelaoves ekspres

———————————————————–

Oetveurende: Hannen & Alt

Teks : Chrit Molenbrugge.

Kompeziesie : Chrit Molenbrugge.

Neutjes: Huub Boesten.

———————————————————–

 

Refrein:

 

Sjtap in, sjtap in, nog plaats genóg, en ederein kint mit.

Sjtap in, sjtap in, hae is neet traog, hae geit vol gaas en pit.

Kom ins nao ós heuvellandj, of gank ‘ns langs de Maas.

Limburg geit wiej eine trein, dae hiej blief sjtaon is dwaas.

Sjtap in, sjtap in, hiej waerd gelaef, en nemes blief nog sjtaon.

Sjtap in, sjtap in, en preuf de sfeer, ‘t is tied óm droet te gaon.

 

Koeplette:

 

Veer höbbe gein kapsones hiej, maar zeen greuts op ós landj.

En kómme oppe tied biejein, want det versjterkt de bandj.

Veer make sjtumming en plezeer, det duit ós laeve good.

En haje oze eige sjtiel, maar wirke veur ós brood.

 

Ouch veer gaeve gein piep Tebak, óm waat men van ós zaet.

Want veer höbbe hiej get unieks, waat nemes angers haet.

Det is de vastelaoveszeel, die kump van binne oet.

Die zaet: “Noe is de tied weer riep, doe mós ins effe droet”.