——————————————————————————
Hel en d’r Naeve (winnaer)
——————————————————————————
Teks: Ronald en Clemens en Ronald
Muziek: Hub, Clemens en Ronald
Neutjes: Hub Boesten
Artieste: Hel en d’r Naeve
——————————————————————————
Refrein:
Veer zeen hel, hel en d’r naeve. Dieke vrunj, vrunj veur ‘t laeve
Nieks te gek, kiek ós ins sjiene. Kleure gaer boete de liene
Veer gaon hel, hel en d’r naeve. Elke daag, weer alles gaeve
Nieks waat mót, nieks mit de tied. Same op paad, maar rake ós kwiet
Tössesjtök: Wo, wo wowo , wo wowo wo wowo
Koeplet 1:
Gaon op sjtap, zeen neet te remme. De kastelein dae kin ós neet temme
De daag van morge, dae liek nog zo ver. Maar ’t is zo gezellig mit Miem van de Sjter
Daags daonao, gesjteurd door de wekker. Dae sjmaak in de móndj is neet meer zo lekker
Zjwaore kop, pien van ‘t dinke. Die eine gedachte, waoróm zoväöl drinke
Koeplet 2:
De hoempapa zal altied blieve. Alle tied óm get te sjrieve
Lekker relax, te laat begónne. Op ‘t letste moment nog get verzónne
Ein nuuj melodie, get gitaar en get drum. Mit ein bietje gelök zeen veer good biej sjtum
Dus geine paniek, op ‘t inj van ’t jaor. Haet Hel en d’r Naeve ‘t leedje toch klaor
——————————————————————————
Det zól toch get zeen (genomineerd)
——————————————————————————
Teks: Cas Meijers
Meziek: Marcel Driessen
Artiest: Kelly en Lotte
——————————————————————————
Refrein
Det zoó toch get zeen
Óm det hiej ins te belaeve
Det zól toch get zeen
Es ós det is gegaeve
Ich weit deep van binne, det is der neet biej
Maar als ut örges zól kinne, dan is ut toch waal hiej
Det zól toch get zeen, leef luuj,
idderein in ein goje buuj!
Koeplet:
Sjtel dich ins veur, ut beer gans veur nop
Waat zól det lekker sjmake
En sjmorges vreug gein pien aan de kop
Dan zólle veer um duchtig rake
Sjtel dich ins veur, biej de pleej gein riej
Det sjilt ós bes waal väöl oere
Dus kniepe is der dan neet meer biej
Zo geit geine tied verlaore
Brök
Wiej sjoon veer zólle viere,
Stjel uch det mer ins veur,
Als idderein ins wis,
Det Vastelaovend hiej met uch ut allersjoonste is
——————————————————————————
Kaer mer veur dien eige deur (genomineerd)
——————————————————————————
Teks: Wil Scheepers
Meziek: Clemens Maessen
Artiest: SJNAPS
——————————————————————————
Refrein:
Kaer mer veur dien eige deur, en neet veur die van mich
En sjtel mich daobie neet teleur, mer kal ins euver dich
Wie kan det dan, wie duit dae det
Det vreug m’n zich dan aaf
Wo leut dae det, vertel mich get
Dan weit ich d’r van aaf
Kiek deze bessem, ich bekin noe kleur
Mit Vastelelaovend kaer ich sjoon, sjoon veur eige deur
Koeplette:
Elke daag opnuuj, dan heur se van de luuj
Wie zól die det toch doon, die haet ’t toch zo sjoon
Die kiek toch nemes aan, geit óngeluiflik draan
Ein kooj wie ein pelies, die liek waal neet good wies
Hae sjpiet neet in ’t beer, besjtelt maar keer op keer
‘nen auto wie ein sjeep, wo zit ‘m toch dae kneep
Hae geit volledig los, es of ‘t ‘m nieks kos
Zien beurs die haet gein pien, gun ederein ‘t zien
——————————————————————————
Wanneer moge veer de möts weer op ? (winnaer Jeug)
——————————————————————————
Teks: Ronald en Clemens
Muziek: Hub, Ronald en Clemens
Neutjes: Hub Boesten
Artieste: Jeugraod Neel
——————————————————————————
Refrein:
Wanneer moge veer de möts weer op? Veer kinne neet meer sjlaope
Wanneer moge veer de möts weer op? Elke daag opnuuj weer haope
Det de vastelaovend geit beginne en veer boete en ouch binne
Kinne sjpringe mit de Prins, want det is ozze grootste wins
Want dan höbbe veer de möts weer op!
Koeplet 1:
Mien pekske is al oet de kas, maar ich höb ‘t mich nog neet gepas
Morge moog ’t, det is fijn. Haopelijk is ‘t neet te klein
Al waeke rope veer Alaaf, Vastelaovend Super Gaaf!
Koeplet 2:
Elke daag gaon veer dan weer op paad, van sjmorges vreug toet saoves laat
’t Dörp, de Sjter en biej de Soos, mit ós d’r biej is d’r get loos
Al waeke rope veer Alaaf, Vastelaovend Super Gaaf!
——————————————————————————
Noe geit ‘t beginne
——————————————————————————
Titel: Noe geit ‘t beginne
Teks: Pieter Classen
Meziek: Pieter Classen / Hub Boesten
Artiest: Dames van de Raod
——————————————————————————
Koeplet:
De vastelaovend kump d’r aan ut geit noe weer gebeure
Veer make ós ein kei-gaaf pak, met rood-gael-greune kleure
De leedjes zitte in de kop, nog van ‘t veurig jaor
Is ós gezich ouch gans gesjmienk zin veer d’r ech veur klaor
Refrein:
Noe geit ‘t beginne, op sjtap weer met vriendinne
Hosse, sjpringe, väöl plezeer, en det al die daag sjteeds weer
Noe geit ‘t beginne, want idderein is binne
‘t Daak det geit d’r gans vanaaf, det maak ‘t veur ós ech te gaaf
Hiej zien veer aan versjlaaf
Koeplet:
Op al die vastelaovesdaag dao geit ’t ech gebeure
Veer gaon door kappes en tabak, van meug nieks te besjpeure
Van sjmorges vreug toet saoves laat zin veer d’r altied bie
Doe zuus de miense dinke die zin sjteeds van de partie
Tössesjtuk:
Hey vrouwluuj…..
Zeet geer d’r klaor veur….
Alle póngele biejein….
Laot gaon dae wage!
——————————————————————————
Ein leedje euver Nieks
——————————————————————————
Teks: Ronald en Clemens
Muziek: Hub, Ronald en Clemens
Neutjes: Hub Boesten
Artieste: Van Alles get
——————————————————————————
Refrein
Det vinj ich nieks, det vinj ich nieks, ein leedje euver nieks
Maar vastelaovend viere, det vinje veer get sjieks
Dan sjpringe en dan danse veer en gaon wie eine trein
Mit vrunj en mit vriendinne, mit zien alle óngerein
En ederein is welkom, want dit fees is get unieks,
En zing mit ós dit leedje, dit leedje euver nieks
Koeplet 1:
Hoeswerk make ……vinje veer Nieks
De kamer oprume…vinje veer Nieks
Oppe tied nao bed … vinje veer Nieks
En broene bone …. vinje veer nieks
Koeplet 2:
Mit nao de winkel …. vinje veer Nieks
Loestere nao angere …. vinje veer Nieks
’t TV program van mam … vinje veer Nieks
En mit kaaj veut nao bed … vinje veer Nieks
Koeplet 3:
Peste en ruzie …. vinje veer Nieks
Mit de fiets door de raege …. vinje veer Nieks
Eine laege tillefoon … vinje veer Nieks
En geine WIFI … vinje veer Nieks
——————————————————————————
Alles kump good, de sjpegel
——————————————————————————
Teks: Ronald en Clemens
Muziek: Hub, Ronald en Clemens
Neutjes: Hub Boesten
Artieste: Neelder Meiden
——————————————————————————
Refrein
Veer höbbe de laeftied, laot ós toch gaon
Gaef ós de ruumte, wo veer wille sjtaon
Veer wille gaer sjoje en gaon väöl op paad
En vergaete de tied, dus kómme te laat, who ho ho ho ho
Veer höbbe de laeftied, laot ós toch gaon, who ho ho ho ho
3 daag vastelaovend, det is zo gedaon
Koeplet 1:
Waoróm óngerös, mit zo’n leve meid
Doe zaes ‘t dökser zellef, ’t geit wie ’t geit
Dus kiek in dees ouge, vertroew maar op ós
Want ouch biej dich zellef, is ‘t oojt zo begós
Koeplet 2:
Doe zaes toch altied, waat lieks se op mich
Dich en ich, veer same, det is ein gezich
Dus naem mich nieks kwaolik, ich doon nieks verkeerd
Tensjlotte höbs dich mich, toch alles geleerd
