———————————————————————————-
BELAEF UM HEEL IN NEEL (winnaer)
———————————————————————————-
Zang: Good aangelag
Teks en melodie: Jos Even
Neutjes: Joep Schrader
———————————————————————————-
Refrein:
Zèk proos! Oppe sjötterie, dit jaor is ’t gedaon
Dit jaor bleve veer es lètste aan dae hoge sjeetboum sjtaon
Dit jaor kós geer ‘t belaeve.
Dit jaor sjoot geine meer d’r naeve.
Veer make Limburg ein geheel
Belaef UM heel, in Neel!
Koeplette:
Wie kins se eine sjöt
Jaore laote sjmachte
En hilt d’r toch de fut
Óm te blieve wachte
Zèk ‘m jaor nao jaor
Veer zeen nog lang neet klaor
Ooit winne veer
de hoogste sjötters-eer!
De buks rech opgelag
’t Bölke in ’t rundje
Alles euverdach
Sjeet-e-weg det duuster puntje
En maak in eine waeg
Dae ganse raek mer laeg!
Dit OLS
Versjlaon veer heel de res
’t Zilver opgepoets
Det kint neet väöl lieje
Gaon veer weer op joets
In sjtrak getrokke rieje
In Limburg-Wes toet -Oos
In de zomer geit ‘t loos
Sjötte groot en klein
Kóm allemaol bie-ein!
SAME SJTAON VEER SJTERK
———————————————————————————
Zang: De Neelder Garde
Teks en meziek: Guus Stijnen
———————————————————————————
Refrein:
Same sjtaon v’r sjterk
In vreugde en verdreet
Same aan ’t werk
Maar zónger vrundjsjap geit det neet
Det zit biej ós hiej good in ein
En waat hiej zo biezunjer is
Hiej helpe veer ós óngerein
Ómdet dan alles sjoonder is
Koeplette:
Vrundjsjap is ein groot bezit
Dao geit nieks baove oet
Ómdet eder good fundament
Op kammeraodsjap waert geboewd
dus es hiej get gebeure mót
dan pak men zich biejein
’t is ’n óngesjreve wet :
Ver höbbe ós neudig óngerein
Nemes sjteit biej ós allein
Nae nemes sjteit apaart
Want ederein biej ós in ’t dörp
Dae geit ós aan ’t hert
Wae ‘ne sjouwer neudig haet
Dae zuut zich gauw ómringk
Mit hulp, of ’n gebaar of waord
Det is wat ós hiej samebringk
ICH HÖB UM GERAAK
————————————————————————-
Zang: Op Good Gelök
Teks en Melodie: Wim Kemp
Neutjes: Jan Theelen
———————————————————————————————–
Refrein:
Ich höb Um, ich höb Um, ich höb Um good geraak (2x)
As ich mich neet vergis, höb ich d’r nog geine gemis
Ze sjtaon hie eder jaor in rieje veur mich klaor
Ich höb Um, ich höb Um, ich höb Um good geraak
Koeplette:
De optoch is veurbie, ’t waas ein prachtig defilé
Veer drónke ós ein pilske, of ware ’t d’r twee?
Ich had ’t sjnel gesjaote, ’t waas inins gedaon
Det pilske is in eine sjlaag, … in mien bölke gegaon
Nog nooit höb ich det mitgemaak
Ich reep door de ganse zaak
Ich had ‘m dizzenaovend, al aevekes zeen sjtaon
Ich had ‘m oppe korrel, ich wól waal mit ‘m gaon
En zónger nao te dinke, had ich mien wäörd al klaor
En raakde daomit in zien hert, … ein geveulige sjnaor
Nog nooit höb ich det mitgemaak
Ich reep door de ganse zaak
VASTELAOVEND, JAO….
——————————————————————————
Zang: Good Koper
Teks: Good koper
Melodie: Good koper
Neutjes: Ceryll Aubert en Good koper
———————————————————————————————–
Refrein:
Mit Vastelaovend, jao…… dan gaon veer weer d’r oet, Kinjer zeen lozjere dus dan maak ’t ouch nieks oet, Waat veer aete, waat veer drinke, wo veer haer gaon, waat veer doon, Vastelaovend same, jao…… dao is ’t óm te doon.
Koeplette:
De träöt dae is gepoets en de neutjes zeen weer klaor,
Ouch nog get geoefend veur ’t vastelaovesjaor.
Op sjtraot, in ein kefee…., sóms op ’t Betjesplein,
De meziek make veer same, same mit ederein.
Oppe meziek die veer noe make geit de prins weer flink tekeer, Telkens als veer sjtoppe vreug t’r emes weer óm meer.
De Vastelaovend make veer zo, ein muzikaal geheel, Mit alle miense same, alle miense oet Neel.
Die daag die zeen veurbie, dus de träöt dae mót in bad, Mit de Vastelaovend höbbe veer ’t sjoon gehad De meziek sjtrak oppe maot, maar mesjiens sóms get te hel, Volgend jaor zeen veer weer same, hermenie en kepel.
Reprise:
Waat veer aete, waat veer drinke, wao veer haer gaon, waat veer doon, Vastelaovend same, jao…………. waat waas ’t toch weer sjoon.
VEER HÖBBE ‘M
————————————————————————————-
Zang: Thei van Cruchten
Teks: Thei van Cruchten
Melodie: Thei van Cruchten
Neutjes: Hub Boesten
———————————————————————————————–
Refrein:
Veur höbbe ‘m, veur höbbe ‘m, veur haje ‘m allang
De Kater op ’t pleintje, sjteit dao al jaore lang
Maar ós sjötte jóng die sjote , die sjote toch boem paaf
Die sjote toch es beste ’t leste bölke aaf.
En och waat zeen ze greuts, die höbbe noe de vogel aaf
Koeplette:
Jaorelangk geoefend en jaorelangk gehaop
Jaorelangk gedruimp van zónne ontvangs hie in de sjtraot
Good ware ze döks, en ouch heel dun d’r bie
Maar noojt woor-‘t wie noe, ein grote euforie
Veur haolde ze nao binne, höfde de glazer mit plezeer
Waat ein prach gezich, aan de sjötte alle eer
Neel det kreijt Victorie, eine druim besjluup mich weer
’t Neel blief Neel van vreuger, de wermte van weleer
Reprise:
Veur höbbe ‘m, veur höbbe ‘m, veur haje ‘m allang
De Kater op ’t pleintje, sjteit dao al jaore lang
Maar ós sjötte jóng die sjote, die sjote toch boem paaf
Die sjote toch ès béste t leste bölke aaf
En och waat zeen ze greuts die höbbe noe de vogel aaf.
en och waat zeen ze greuts die höbbe noe boem paaf de vogel aaf.
VASTELAOVES-FEUN
———————————————————————————————–
Zang: FeLo (Feliz en Loes)
Teks: Monique van den Adel
Melodie en neutjes: Tof Deckers
———————————————————————————————– Refrein: Noe bleus weer de windj van de vastelaovesfeun, dae maak mien haore gaaf in de kleure rood, gael, greun, Noe bleus weer de windj van de vastelaovesfeun, det is weer ins get angers, mer veur ós ouch heel geweun. Koeplette: ’t ganse jaor heur ich kiendj keim dien haor, pak dien pinkes dan bösse bienao klaor, of toch een knotje, ’n vlech of ’n sjtert, sjei mich toch oet, ’t is get mit die haor!
’t ganse jaor heur ich kiendj was dien haor, pak dae handjdook dan bösse bienao klaor, en dan de borstel, ’n kamp of get zjel, sjei mich toch oet, ’t is get mit die haor.
HIEJ GAON VEER NAO BINNE
—————————————————————————-
Zang: Britt en Amber
Teks: Marcel Blommers en Sjors Dahmen
Meziek: Marcel Blommers en Sjors Dahmen
—————————————————————————-
Refrein:
Hiej gaon veer nao binne jao hiej is ’t echt te doon
Waat hiej gebeurt det maakt de vastelaovend toch zo sjoon
Veer zeen noe pas begónne ’t is maar eine keer per jaor
Vastelaovend is veur ós nog lang neet klaor
Koeplette:Ich weit nog good wie ’t woor dae middig op ’t plein
Tösse al die miense veel mien oug op dich allein
‘höb neet lang gewacht, höb ’t d’r op gewaogd
En dich toen mit op sjtap gevraogd
Doe keeks mich lachend aan en zeis, jao det liek mich sjoon
Ich bön hiej nuuj, gans allein, wo is ’t hiej te doon
Kom veer gaon noe ein feesje viere door de ganse sjtad
Sjooner es ’t sjoonste feest waats doe oojt höbs gehad
Eder jaor óm deze tied kómme veer biejein
Veer sjpitse ós noe al op dae sjone óngerein
Is d’r get te doon dan mótte veer dao haer
Vastelaovend, veer höbbe dich zo gaer
OP SJTAP
———————————————————–
Zang: Josje en Dian
Teks: Clemens Maessen, Wil Scheepers
Melodie: Clemens Maessen
Neutjes: Clemens Maessen en Tof Deckers
———————————————————–
Refrein:
Leve mam, veer wille dich get zegke, veer gaon flink op sjtap
Gaon lekker Vastelaovend viere, en zaes dich taege pap
Det d’r neet veur ós hoof op te blieve, zeen ech op tied waal toes
Naem de sjleutel zelf waal mit en kómme mit ós vrunj nao hoes
Ech waor, det gaon veer doon
Veer vinje Vastelaovend, vinje Vastelaovend,
Vinje Vastelaovend toch zo sjoon.
Koeplette:
Biej ós oppe sjool, dao is ’t zo saaj
Dink ich aan Vastelaovend, wo ich toch zo van haaj
De meister vertelt, en guf zo zien les
Kiek ich in mien beurs, höb ich get oppe tes
Dan pak ich de fiets, en dink dan heel sjtil
En es ich dalik toes kóm, zegk ich mam waat ich wil
De Sjtasie is fees, det wit ederein
Dan dink ich aan de vriedig, de sjole zeen biejein
Mien vrunj die zeen dao, veer lache get aaf
Ich weit ’t noe waal zeker, zónger mich gein alaaf
Ich raap mich biejein, al bön ich döks sjtil
Mer es ich dalik toes kóm, zegk ich mam waat ich wil
FIJN WAERKE
———————————————————————
Zang: Wil, Frank en Frank
Teks: Frank Scheepers
Melodie en neutjes: Frank Scheepers en Tof Deckers
———————————————————————
Refrein:
Veer viere vastelaovend, det doon veer toch zo gaer
Veer houwe duchtig op die kis, egaal biej waat veur waer
Veer zeen dan neet te remme en gaon dan duchtig draan
Veer sjtorme nog väöl helder es de heftigste orkaan (2x)
Koeplette:
’t Raegent piepesjtele, gein miens dae wit nog raod
Water klatert op de waeg, en sjtruimt euver de sjtraot
’t Is haos neet te gluive, ’t velt mit bakke oet de lóch
Toch höbbe veer ós vastelaovespekske oetgezóch
’t Waer det sjpeelt gein rol,
Veer gaon oet oze bol
De windj is ongeluif’lik, bleus de panne van ’t daak
Hiej geit noe ’t daak d’r aaf, ’t is weer richtig raak
Veer zeen van die geweijde, ouch es ’t waer ós taege zit
Mer ós kin det nieks sjille, want de windj dae zit ós mit
’t Waer det sjpeelt gein rol,
Veer gaon oet oze bol
De zon die sjient ós euverhoup, waat is ’t toch weer heit
Veer doon mit aan de optoch, en loupe ós in ’t zjweit
’t Is waal dertig grade, en al liek ’t uch döks sjterk
Veer zjweite ech väöl lever van de zón es van ‘t werk
’t Waer det sjpeelt gein rol,
Veer gaon oet oze bol
RÖSTIG BLIEVE
————————————————————–
Zang: Sjnaps
Teks: Wil Scheepers
Melodie en neutjes: Wil Scheepers en Clemens Maessen
————————————————————–
Refrein:
Veer blieve röstig en veer wachte wachte wachte
Veer höbbe ein paersgedöld en wachte röstig aaf
Veer zólle waal wille mer veer zeen nog neet bie machte
Want mit de Vastelaovend zègke veer pas alaaf
Neet eerder, nae det geit neet
Want de tied is nog neet riep
Neet eerder, det besjteit neet
Want de tied is nog neet riep
Koeplette:
De zoere hering van asgoonsdaag zjwump nog in ’t róndj
Mit d’nellefdevand’nellefde is hae nog gans gezóndj
Ein bietje later waert op hem gevès
En veur se ’t wits zit se in ein heilige mès
Mer oze hering, dae heur se neet gauw klage, dae wach heel röstig aaf
Zaet taege die angere, veer laote ós neet jage, veer wachte röstig aaf
De zjwaore kater van asgoonsdaag zjwurf nog in ’t róndj
Mer mit d’nellefdevand’nellefde is hae weer gans gezóndj
Ein bietje kater kleid zich op zien bès
En veur se ’t wits waerd ins flink de dors gelès
Mer oze kater, dae heur se neet gauw klage, dae wach heel röstig aaf
Zaet taege die angere, veer laote ós neet jage, veer wachte röstig aaf
PILKE VASTELAOVEND
—————————————————————————-
Zang: Dames van de Raod
Teks: Monique van den Adel
Melodie en Neutjes: Tof Deckers
—————————————————————————-
Refrein:
Gaef mich mer ein Pilke Vastelaovend,
Sjpeul det weg mit ein lekker glaeske beer,
Nog get kraem oet ’t Tuubke Sjone Aovend,
dan veul ich mich achtteen en kin ich alles weer. 2x
Koeplette:
Ich kwaam lets biej de dokter, mit väöl pien in de kop,
sjlappe bein en zjweite, dao nog baove op,
Ich vroog wilt geer mich helpe, ich kin ’t ech neet meer,
Hae zag ich bön d’r oet,
Sjmeer get sjmienk op diene sjnoet.
Ich kwaam lets biej de dokter, mit väöl las van de rök,
klamme henj en riejere, ging haos van de zök,
Ich vroog wilt geer mich helpe, ich weet ’t ech neet meer,
Hae zag ich bön d’r oet,
Sjmeer get sjmienk op dien sjnoet.
SJLIEP OET
——————————————————————————
Zang: Neelder Radio Maedjes (Fleur, Fleur, Mirthe, Bo en Sanne)
Teks: Jan Huyskens
Melodie en Neutjes: Jan Huyskens
——————————————————————————
Refrein:
En dan loupe veer jao allemaol d’r achteraan.
Mit ‘ne grote rood gael greune vastelaoves-vaan.
En veer zinge mit de grote Katers mit
Det de vastelaovend in oos hertjes zit….
Sjliep oet wae wae Sjliep oet wae wae
Sjliep oet wae wae wae wae wae
Koeplette:
Es oze pap zien pak aan duit,
Dan weite veer van wante,
Hae geit mit vastelaovend
gaer op sjtap mit muzikante,
Ze blaoze heel vals op die träöt van taederaederae
En veer es kienjer lache dan van sjliep oet wae, wae, wae
Sjliep oet wae Sjliep oet wae wae wae
Sjliep oet wae
Es mam van ós de sjmienkdoos pak,
Dan geit ’t weer gebeure,
Ze verf zichzelf dan bóntj en blauw..
’t Gans gezich vol kleure
En mit get anger Katte zingk oos mam van taederae
En veer es Ketjes lache dan van sjliep oet wae wae wae
Sjliep oet wae Sjliep oet wae wae wae
Sjliep oet wae
Es oma zich de pruuk op zit
En liek op Sofja Lore,
Dan duit ze zich ein apparaat
In allebei de ore
Ze zaet dan taege opa, zing nog ins van taederae
En veer es kienjer zinge mit van sjliep oet wae, wae, wae
Sjliep oet wae Sjliep oet wae wae wae
Sjliep oet wae
VI-VA VASTELAOVEND
————————————————————————————-
Zang: Britt, Isa, Liz en Lowieke
Teks: Ronald Vorage en Janneke Obstals
Melodie en Neutjes: Tof Deckers
————————————————————————————-
Refrein:
Het is weer vi-va-vastelaovend,
veer moge mit toet in de aovend
De hele sjool haet vriej, jao det is super gaaf
Lere en ós hoeswerk, det kump dees waek neet aaf
De kómmende 3 daag, make veer allein maar lol
Mit vastelaovend en meziek, gaon veer oet ózze bol
Veer danse, sjpringe, lache en höbbe lol mit elkaar
De sjoonste daag van het jaor, doon veer allein maar raar
Koeplette:
’t heel jaor door, vief daag per waek, nao sjool toe om te lere
Veer mótte raekene, laeze, sjrieve en vetvaol prakkezere
Maar waat is ózze wins
De juf is neet de baas, maar ózze nuje Prins
En nao diej waek van vastelaovend, is ’t weer veurbiej
De polenaese is neet meer, op sjool hit det ein riej
Maar waat blief ózze wins
’t heel jaor vastelaovend en de juf die blief de Prins
