Aad Prinse

Sjpreuk: Mit vorm en kleur, Neel geit d'r veur!

Adjudante:

• Marc de Mol Moncourt
• Toon Savelkoul
• Tom Korten

Sjpreuk: Sjöd in en maak 't mit

Sjpreuk: Ich kees veur Vastelaovend

Sjpreuk: De bal is róndj, veer make ‘t bóntj !!!

Sjpreuk: Veer zeijje vastelaovend

Sjpreuk: ZJWEIJLEECH AAN, DRIE DAAG DRAAN

Sjpreuk: Raeken d'r op Neel oppe kop

Adjudanten: Joost Moberts, Nico Rutten en Chris Scheepers

Vors: Eric Obstals

Sjpreuk: Neet sjtilsjtaon, doorgaon!

Adjudanten: Bart Massij, Rick Biermans en Wiljan van der Linden

Vors: Eric Obstals

Sjpreuk: Lempkes aan…veer gaon draan!

Adjudanten: Pascal Dohmen en Joost Moberts

Vors: Eric Obstals

Sjpreuk: Deze Katerprins ... boeijt!

Adjudanten: Marcel Emans, Roel van Montfort en Frans van der Werf

Vors: Eric Obstals

Sjpreuk: Dit jaor eine kater mit ... pit!

Adjudante: Erik Lechner, Rene de Ponti en Pim Kessels

Vors: Eric Obstals

Eerlik gezag val ich nog al ins in sjlaop veur de tillevisie. Det waas ouch ’t geval op dae sjone zomerse daag det ich door de PrinsKeuzeKemmissie wakker waerde gebeld mit de vraog of ich de nuje veurgenger zól wille waere van de Katers. Die vraog mós ich toch efkes good toet mich door laote dringe. Det waas netuurlik altied waal miene grote druim gewaes, mer op zón mement waers se toch door die vraog verras. Geer kint uch neturlik waal dinke det mien oeteindelikke antjwaord absoluut JAO is gewaore en vanaaf toen kóste de veurbereijinge mit groot entoesjasme beginne.
Mien ajers Marjo en Leon Wijnands (dae aje direktäör vanne Sjakel) vónje det häör gezin mit allein mer mien aajste broor Rob neet kómpleet waas, en mit de kóms van mich op 22 mei 1981 is dees wins (al waas ich neet de knapste) haopelik in vervulling gegaon. De eerste twee jaore van mien laeve höb ich doorgebrach oppe Evenkamp in Remunj, mer mit echte Neelder ajers is ’t óndinkbaar desse dao bliefs wone! In 1983 is alles goodgekómme en zeen veer gaon wone oppe Wilhelminalaan (Baeksjtraot)
Bie de zösters van Don Bosco oppe kresj is mien sjoolkarriejaere begónne. Dao leerde ich al miene beste vrundj René Duisters kinne. Nao de kresj ginge veer nao de Sjakel (nogal logies) en dao waerde de vrunjekringk flink oetgebreid. Mit väöl sjaele zeiver en ’t oethaole van väöl kattekwaod (waat verwach se angers van eine Kater?) kin ich truukkieke op ein sjoon jeug. En dae vrunjekringk besjteit nog sjteeds en is ein hechte klup.
Nao de basissjool bön ich oppe Broekhin nao de MAVO gegange. In dae middelbare sjooltied kreeg ich ouch mien eerste biebaantje bie echte horecavakmiense. Bie Miem en Dré van de Sjter höb ich twee jaor langk achter de bar gewerk. Dit beveel mich zo good det ich nao de MAVO de Hotelsjool bön gaon doon in Haerle. ’t Letste jaor mós ich ’t Limburgse laeve veur ein hallef jaor achterlaote óm sjtazje te gaon loupe in Sjeveninge. Kinse dich dao get bie veursjtelle? Ein dink is mich dao gauw dudelik gewaore; ich bön Limburger in hert en nere!! Gelökkig kreeg ich nao mien aafsjtudere ein baan in Mesjtreech (bie NH Hotels) en al flot leerde ich ein sjoon maedje oet Baoksem kinne! Linda!! Het sjtudeerde nog in Mesjtreech en nao ein paar maondj zeen veer in die sjtad ouch gaon samewone. Nao twee jaor (dit is ein greujpreses) waerde mich nog meer dudelik: ich bön neet allein Limburger in hert en nere, mer veural ouch eine Neelder jóng!! Daoróm höbbe veer besjlaote ein appartementje te koupe in Neel, en wone veer noe al weer zes jaor, same mit ós hangoorknienke “Molly”, in Neelderhof. Veer haope det ós sjoon hoesvesting binnekórt verkoch waerd, zodet veer aan ós derde optrekske (mit eine haof veur Molly) kinne beginne.
Naeve mien werk es F & B mennezjer, nog sjteeds bie det zellefde hotel es teen jaor truuk, sjlaon ich gaer ins ein tennisbelke bie TennisClubMaasniel (TCM) en det doon ich ’t leefs mit mien adjudante. ’t Absolute hoogtepuntj is toch waal ’t winne van ’t klupkampiejoensjap same mit miene adjudant René de Ponti. Nog sjteeds gaer, mer minder döks es vreuger, gaon ich mich in de sjtad d’r eine drinke (bie väöl dors ouch meer es eine), same mit mien vrunj. Somers den plundere Linda en ich ós bankraekening, want veer haje allebei van verre reize.
Ein fenomeen kump eder jaor weer truuk! Van vastelaovend geit mien hert toch waal get flotter sjlaon!! In 2002 zeen veer, eigelik veur de joeks, gesjtart mit ós eige vastelaovesvereniging: “de Kers”. Óngertösse haet dit grepke vrie serijeuze vorme aangenaome en zo kós ’t gebeure det ich verleje jaor bön oetgerope toet “Kriek” en ich kan uch zegke det ich daovan enorm höb genaote.
Mer dit jaor ’t Prinssjap van de Katers, dus veer doon d’r nog ein sjöpke baove-op. Drie Neelder mede-kerse zólle mich biesjtaon óm d’r ein sjoon sezoen van te make. De eerste kint geer allemaol, det is aad Prins Erik IV (Lechner) oet 2006, Pim Kessels, dae vanne sjoester, en
René de Ponti.

Sjpreuk: Belaef 't heel in Neel

Adjudante: Niels Bazelmans, Frans Franssen, Wim Lowis

Vors: Eric Obstals

Op 6 januari 1983 bön ich gebaore in ‘t zekehoes van Remunj. Ich bön eine zoon van Frans en Clarie Franssen en ein breurke van Tanja Franssen. Mien jóngere jaore höb ich in Hoogvonjere ( aad Neel) doorgebrach. Al vrie snel zeen veer nao de Kesjtele-buurt verhoes. Ich höb op ‘t kinjerdaagverblief in de Donderie gezaete. Daonao nao de basissjool “’t Ankertje Kompas”. Vanoet de basissjool waerde ich toegelaote op Bussjoppelik Kollezje Broekhin in Neel, ich höb dao de eerste 3 jaor HAVO gedaon, maar ómdet ich anger dinger belangrieker vónj bön ich mit ein MAVO diploma op zak nao hoes gegaon. Wie ich van de basissjool aafging wool ich nog sjteeds piloot waere. Maar nao ein tiedje op Broekhin te höbbe gezaete, woor ‘t mich al sjnel dudelijk det dae vleger neet op ging. Toen besjlaot ich maar ’t in de boe te zeuke. Det woor ouch de raeje det ich nao ‘t aafrónje van de middelbare sjool boewkunde bön gaon sjtudere oppe MTS in Remunj. Nao det ich dees opleijing had aafgeróndj bön ich begónne te wirke bie Louis Scheepers. ’t 1e Jaor boete op ‘t steiger en daonao binnen op kentoor es wirkveurbereijer. Ich höb ‘t dao volgehaje toet aafgeloupe zomer. Daonao bön ich begónne es produksieplenner bie Emcon Technologies, oetlaote is weer ‘ns get angers es de boe.

Van kleins aaf aan höb ich altied waal get mit Neel gehad. Es klein menke bön ich ein aantal jaore bie kinjervakansiewerk gewaes in Neel. Det waas altied ein groot fees. Op jónge laeftied bön ich begónne mit meziek make bie de vereniging van de baas van miene pap, de PTT-hermenie. Al sjnel bön ich ’t in ’t Neelse gaon zeuke bie de Autarky Bress Bend en de Fiel. Toet noe toe haaj ich ‘t mit väöl plezeer nog good vol. Sins ein aantal jaore sjtaon ich noe veur de ABB in plaats van mit de träöt oppe stool. Ouch de jeughermenie moog ich aaf en toe dirigere. Naeve de ABB en de Hermenie sjpeel ich sins ein aantal jaore bie Big Band Boesten.

Bie de ABB höb ich mien maedje Ilona lere kinne, ein maedje oet ’t Berggeite-riek. Twee jaor nao det mement begós d’r tösse ós get te bleuje. Wie ós relasie 1 ½ jaor aan de gang waas, höbbe veer ós ein huuske gekoch op Hoogvonjere. Óngertösse zeen veer al 6 jaor biejein en aafgeloupe oktober zeen veer de trotse elders gewaore van oos dochter Yana.

‘t Nuuj sezoen sjteit veur de deur. Ein sezoen wo-in det ich de eer höb óm prins van de Katers te moge zeen. Ouch ich höb netuurlik hulp neudig van adjudante dees daag. Det zeen Frans Franssen, Wim Lowis en Niels Bazelmans. Mit ós vere gaon veer d’r veur zorge det ‘t ein geweldig sezoen waerd. Alles ónger miene liefsjpreuk;

BELAEF ‘T HEEL IN NEEL!!!

Sjpreuk: 3 Daag Ram Van Sjlaag!

Adjudante: Eric Waajen, Theo van der Wouden en Ruud Brouns

Vors: Eric Obstals

Sjpreuk: Prins maar aeve ..., kater veur 't laeve

Adjudante: Jos van Rey en Marc Brouns
Sjofeur: Piet Jereskes

Vors: Eric Obstals

Miene allergrootste druim “Prins waere van de Katers” is noe eindelik oetgekómme.
Wie Leon Hamans mich op eine vriedigmiddig belde, dach ich det ’t óm ein aafsjpraok ging veur mien tenj, want ein kontrolekaertje had ich inmiddels ouch al gehad.
Maar nae!!! Ze zochte “de nuje”.
Dao hoofde ich neet lang euver nao te dinke, allein miene baas kós nog dwars gaon ligke.
Mer hae begreep miene wins en goof gelökkig greun leech.

Ich bin gebaore in Neel op 9 jannewarie 1979. Mien elders zeen Piet en Mariëlle Jereskes en die wone nog sjteeds oppe Wilhelminalaan 81 (Baekwaeg).
Bie zöster Lamberta oppe peutersjpeelzaal höb ich mich good geammezeerd en wie ich dao klaor woor ging ich nao de kleutersjool “de Rakkertjes”. Dao bön ich veur ’t eers Prins gewaore . Wim Maessen waar toen Prins van de Katers in 1985. Wie ich det prinsegeveul gepreuf had wis ich ’t al, ich wil later ouch grote Prins waere!
Det vasteloavesgeveul kreeg ich van kleins af aan mit de paplaepel ingegaeve want mien pap en mam sjpeelde in de zate hermenie “sjots en sjeif”en ich leep mit mien trummelke altied mit. Vastelaovend heurde bie ós toes derbie en det is nog sjteeds zo.
Nao de kleutersjool ging ich nao de “Laurentiussjool”, wo ich in 1990, ‘t jubilejumjaor van de jeugvastelaovend 2×11, Jeugprins waerde, nao Jeugprins Dennie Nelissen.
Eric Waayen waar toen de Katerprins det jaor. Waat ein fees waar det en ouch höb ich det hele jubilejumfees mit moge make same mit Dennie es miene Adjudant.
B.C. Broekhin waar toen mien volgende klus in mien sjoolkarriejaere. Ich ging mit väöl plezeer nao sjool, maar lere waar get angers. De braafste waas ich neet , maar ich höb mien Mavo- pepiere mit sjoon sieferkes gehaold.
Hobbies had ich ouch in dae tied en wie!! Voetballe bie Victoria vanaaf mien zesde. De heel jeug doorloupe en zellefs ein paar keer in ’t “eerste” gesjtange. Blokfluite en trómpet sjpele bie Rene Schrader en Huub Boesten. De Fiel, Neelder Haop en heel aeve PK van den Uul, same mit miene adjudant Marc Brouns. Noe sjpeel ich al jaore in de PK van Neel mit heel väöl plezeer same mit ein sjtél fantastiese miense!

Óngertösse haaj ich ouch nog diplomaas gehaold en waal in de horika. Via de MHS nao ’t SVH. De eerste sjtappe gezat bie de Voes op Dennemarke, Boshotel Vlodrop en dees sjtazjetied aafgeslaote bie Kesjteel Daelebroeck in Hirkebosch. Toen mien eerste baan bie Toine Hermsen in Mesjtreech, ein restaurant mit 2 sjterre, wo ich 3 jaor gewirk höb. Daonao weer ein toprestaurant en waal bie Margo en Petro in Maasbrach “Da Vinci”. Die höbbe ouch ein sjter en ouch dao höb ich väöl geleerd.
Noe wirk ich al weer 2 jaor bie Restaurant Avant-Garde van Groeninge in ’t PSV stadijon in Eindhove, in gans Europa ’t insigste restaurant mit ein Michelinsjter waat in ein voetbalstadijon ligk.
Bie Da Vinci höb ich mien grote leefde lere kinne, Sandra ein leef maedje oet ’t Braobantse landj. Aafgeloupe jaor höbbe veer ós ein huuske gekoch in Best wo veer mit heel väöl plezeer wone.
Gelökkig moog ich mit dees daag mien elders hoes ómboewe toet Prinsepelies en haet de Wilhelminalaan alweer eine Prins derbie.
Al jaore ging miene naam róndj door Neel en noe is ’t zo wied! Tied óm ’t waor te gaon make same mit mien adjudante Jos van Rey en Marc Brouns en neet te vergaete oze privee sjefäör miene Pap ( jao dae blief op mich lette).

Same haole veer alles oet de kas óm d’r get sjoons van te make ónger miene liefsjpreuk;

Prins maar aeve………Kater veur ut laeve!!!!

Sjpreuk: Neet skore, aajhore

Adjudante: Ricardo Wassenberg, Raoul van Cruchten, Robbie Görts
Vors: Erik Obstals

Ich weit ‘t nog good, det mement det de tillefoon op mien werk ging. Aan de angere kantj van de lien emes van de Prinskeuzekemissie van de Katers mit de vraog of ich Prins zól wille waere in Neel. Mien eerste rejaksie waas, “sorrie, mit waem??”
Ich haaj netuurlik alles waal geheurd mer ich mós ’t efkes laote bezinke. In eerste insjtansie zag ich det ich d’r efkes euver wól naodinke, mer toen ich de haok oppe tillefoon lag begós ’t al te kriebele. Toen bleek det Joyce ’t ouch helemaol geweldig vónj, heel det kriebele toet op de daag van vandaag neet meer op.

Op 23 desember 1976 bön ich gebaore oppe Bernhardlaan 47 in de Sjinderskoel. Mien ajers Frans en Mia dachte det d’r nege jaor nao de gebaorte van mien zus Sonja geine kleine meer zól kómme, mer inins waas ich dao. Volges mich vónj Sonja ’t mer nieks, mer ’t is sjnel aan mich gewind geraak.
Bie de zösters van Don Bosco höb ich oppe kresj gezaete, daonao waas de sjtap nao de kleutersjool van “De Sjakel”, ein deur wiejer dus, ein logiese keus. Dao höb ich ouch de basissjool doorloupe. Sómmige lerare zal ich noojts vergaete, de sjtrenge mevrou Verheggen, de grappige meneer Hendriks en netuurlik ’t opperhoof, meneer Wijnands.
Mien ganse jeug waas ich alzelaeve te vinje op ’t voetbalveldje veur ós hoes aan de Bernhardlaan. (Det veldje haet al minnige eerste elftal-sjpeler van Victoria opgeleverd). Raege of geine raege, Dennie waas altied aan ’t voetballe, det haet get autoantennes en deuke gekos. ’t Wasmesjien haaj ’t ekstra zjwaor door alle sjliek. Daoróm höbbe pap en mam mich mer gouw bie de voetbalklup gedaon. Bie Victoria höb ich de ganse jeug doorloupe.
In groep 8 van de basissjool (ich zoot al ein aantal jaore in de jeugraod van Ellef) waerde ich Jeugprins van de Katers mit es liefsjpreuk:
Met Dennie es Prins van de Katers, sjlaon veer dees daag gein flaters
De Prinsemöts ligk nog heel greuts in de kas.
Vanoet de Sjakel bön ich nao de “rieks”gegange, mer dao haaj ich ’t nao ein jäörke waal gezeen, ich waas teväöl bezig mit voetballe. Toen bön ich ’t mer ins gaon perbere op ’t Ekenomies Lyceum aan de Breije Waeg. Dao had ich miene dreij gevónje en det leep allemaol vrie gemekkelik. Toet op ein gegaeve mement VVV aan de deur kwaam; ich móch dao gaon voetballe. Miene druim kwaam oet, de sjool ging achteroet.
Nao ein paar jaor op en neer te höbbe gereis mós ich helaas sjtoppe bie VVV en toen höb ich de draod weer opgepak bie Victoria. Naeve ’t voetballe zoot ich ouch ins gaer aan de sjaatsviever of aan de Maas te vèsse, döks daag achterein.
Óngertösse ware veer verhoes nao de euverkantj van ’t voetbalveldje, de Beatrixlaan, in ’t ajershoes van de Neelder voetballegende Teun Smeets. Ich móch zellefs in zien aaj sjlaopkamer sjlaope.
Nao ein aantal baantjes bön ich gaon werke bie kefee ‘t Kelderke op ’t sjtasieplein. Nao ein paar sjoon jaore höb ich dao Joyce lere kinne, het waas in det jaor Wienkeunigin bie de Veldjmuus.
Al gauw waas ich d’rachter det Joyce de ware veur mich waas en höb ein baan mit regelmaotige wirktieje gezóch. Det waas ouch neudig ómdet miene pap erg krank waas. De zjwartste daag oet mien laeve is 5 september 2002 toen miene grootste vrundj, supporter en veural ouch miene pap, nao ein lange tied krank te zeen gewaes, kwaam te sjterve.
Joyce waas in dae tied mien grootste sjteun en dao bön häör erg dankbaar veur.
Óngertösse haaj ich Victoria verruuld veur Swift ’31 óm hoger te kinne voetballe, maar Swift ging fuseren mit Victoria, dus kwaam ich weer truuk bie mien klupke oet Neel mit de nuje naam SVC 2000. Tössetieds höb ich nog twee jaor in Pey gesjpeeld bie Rios ’31, maar toen Ben Bergs en Maurice (de Voes) ’t traenersjap euvername bie SVC 2000 waas ich weer sjnel in Neel truuk.
Joyce en ich haje inmiddels grote planne en begónne in 2005 aan de oetveuring. Veer kochte ein hoes in Neel op de Sjout Offermansjtraot, en de volgende grote sjtap waerde ós trouwfees. Op 27 mei 2006 waas de grote daag wie veer ós ’t jao-waord höbbe gegaeve. Mit ein geweldig knalfees höbbe veer det gevierd in de Velderie. Nao deze daag begós ’t al sjnel te kriebele bie ós twee, veer wólle heel gaer ein kiendje.
En noe zit ich dit te sjrieve, en Joyce is ruum halverwaege de zjwangersjap en róndj 27 meert is ’t oetgeteld.
Mer eers sjteit nog de vastelaovend veur de deur, mit mich es veurgenger, Prins van de Katers, nog sjteeds óngeluifelik.
Same mit mien adjudante Raoul, Ricardo en Robbie gaon veer d’r veur zorge det ’t eine ónvergaetelikke vastelaovend zal waere.
En ómdet ich de bal ein tiedje laot ligke, gaon ich die drie daag door gans Neel toere ónger miene liefsjpreuk

Neet skore, Aajhore

Sjpreuk: Kinse good raekene? Raeken d'r maar neet op!

Adjudante: Maurice Voestermans, Ruud Brouns en Marcel Waajen
Vors: Eric Obstals

In ein toet de nok gevöld Katerpelies is op zaoterdig 28 jannewarie 2006 Erik V Brouns oetgerope toet 58e katerprins. Mit ein verrassingsekt waerde de luuj op ’t verkeerde bein gezat. Vors Eric Obstals maakde ’t nog sjpannend door same mit de Voes (sjriever van de Katers) achter op ’t podium te kieke of d’r al klaor sjting. Wie ’t einmaol zowiet waas, teikende zich op ’t beeldsjerm langsaam mer zeker ein silhouet aaf, det waal verdach väöl leek oppe sentefoekser van de Katers, lid van de prinsekeuskemmissie, oprichter van de sambabend oet Neel, sjriever van de sjtichting LVK, en nog meer … Erik V Brouns. Hae is neet allein de (misjien waal) langste prins dae de Katers höbbe gehad, mer ouch de eerste dae V achter zien naam haet sjtaon. De letste jaore liek ’t d’r op det esse Eric of Erik hits, ein prinssjap in ’t versjeet ligk (tip veur ajers van toekomstige katers).

Zien adjudante zeen Ruud Brouns, breurke en chauffeur en waarsjienlik neet altied dao, Marcel Waajen, gooje vrundj en trommelaer euveral wo getrommeldj waert, en toet sjlot de Voes (Maurice I Voestermans), de sjriever van de Katers, hellouper en fitcoach.

Prins Erik V is in ’t daagliks laeve adviseur in verzekeringe en hiepoteke. Zien sjpreuk is ‘m dös op ’t lief gesjreve:

Kinse good raekene?
Raeken d’r maar neet op!

Sjpreuk: Blief braaf, alaaf

Adjudante: Pim Kessels en Lex Wijnands
Vors: Eric Obstals

Ein komplete verrassing, zo kins-se de keus veur Erik IV waal noeme. Mit ein verrassende ekt waerde politieman in opleijng verpak in ein leeveheersbeesje, door de aadprinse nao veure gebrach. En dao sjting d’r dan, prins Erik IV. Ziene sjpreuk sjluut aan biej angere aksies taege zinloos geweld. Ein van de eerste aktiviteite waas dan auch, onger ’t toezeend aug van de kersverse nuje vors Eric Obstals, ’t ligke van eine sjtein taege zinloos geweldj veur ’t Katerpelies.
De Neelder jeugvastelaovend kinde es veurgenger Jeugprins Remco I Keuren.

Veursjtelle van de prins (oet Klassjeneel)

Jao, noe mót ich mich gaon veursjtelle, det is nogal get. Ich zal mer biej ’t begin beginne. Op 24 desember 1980, zo róndj de klok van teen, waar veur mich en houpelik ouch veur mien eljers ein gelökkig moment. Op dae daag róndj det oer kwaam ich teveursjien. Dit alles haet plaatsgevónje in ’t Laurensijusziekehoes in Remunj.
Mien eljers zeen Arno en Petra. Miene pap en mien mam hóbbe toen besjlaote mich Erik te numme, dae naam kwaam nog neet genóg veur in Neel.
Mit deze sjone naam gaon ich noe al 24 jaor door ’t laeve. Ich waas de twede in de riej Lechners die mien eljers veur haje gebrach. D’r waas d’r mich al eine veur gewaes, det waas ein maedje; Anneke. Daonao kwaam heel lang nieks, mer nege jaor naodet ich d’r waas, kreeg ich nog ein zusje; Fanny. Mit z’n vieve hóbbe veer same eine sjone tied gehad. Noe sjrief ich waal gehad, eigelik höbbe veer det nog sjteeds, allein is mien aajste zus net ’t hoes oet. De langste tied van mien toet noe toe nog kórte laeve hób ich gewoond oppe Meulesjtraot, allewieles hit die Julianalaan. Dao hób ich zón 19 jaor gewoond.
Op den daag van vandaag woon ich oppe Baeksjtraot
(oppe bördjes sjteit Wilhelminalaan), ouch ein sjoon sjtraot. Toen ich aad genóg woor, mós ich nao de kleutersjool, en toen wis ich geluif ich al det sjool neet mien grootste hobbie zól waere.Naodet ich det allemaol achter de rök haaj, mós ich nog wiejer, MAVO oppe Broekhin, en ein MBO-opleijing in Venlo. Noe, inmiddels heel get jäörkes later, bön ich nog sjteeds aan ’t lere veur plies, ein opleijing van veer jaor wovan ich d’r noe bienao driej achter de rök höb. De vrunj en veural mien vriendin, Mayke, gebroeke väöl van miene vrieje tied. Geer mót troewes neet dinke det ich det erg vinj! Op sjtap gaon mit mien vriendin en mien vrunj en dao dan ein lekker pilske drinke vinj ich heel gezellig.
Ich höb twee van mien Neelder vrunj gevraog mich te sjteune mit die daag. D’n eerste is Pim Kessels, geer weit waal, dae vanne sjoester en de twede is Lex Wijnands, dae vanne meister vanne Sjakel. Veer wille d’r same eine sjone vastelaovend van make, en det alles ónger miene liefsjpreuk:

Blief braaf, alaaf

Sjpreuk: Lach ins, geknip veur Vastelaovend

Adjudante: Frank Scheepers en Frank Steuns
Vors: Thei Hawinkels

Eine nuje scepter gemaak door zien eige vader Frans Scheepers beteikende de proloog veur Prins Wil I. Biej ’t make van de foto haaj d’r det houte kunswirk al efkes in de henj. Prins Wil is doorgaons hoffotograaf van de Katers. Tiedes ziene oetroopekt waerde d’r dan ouch heel get plaetjes geknip die menigein in de zaal op ’t gans verkeerde bein zote. Ervaring haaj d’r, nao zeveteen jaor lid te zeen van de Raod, zat. Ein van de hoogtepunte veur Wil waas de ontvangs op ’t sjtadhoes. Dao haet hae de börgemeister en wethajers kinnis laote make mit ’t Neel blief Neel-geveul.
Veur ’t eers waerde ein breurke van eine eerdere jeugprins (Servé I) jeugprins van Neel, Thierry Puts.

Sjpreuk: Boem, paaf, noe höb ich de vogel aaf

Adjudante: Victor Linssen en Leon Schreurs
Vors: Thei Hawinkels

De meiste neume ‘m Mäös. Mer noe droog d’r ein jaor lang de naam van Prins Eric III. Det waas aeve winne. Ziene pap Wim III waas ‘m in 1985 al veurgegange. Veur ’t eers in zeveteen jaor waas d’r weer eine prins van Sjötterie St. Urbanus. Prins Eric III haet de vastelaoevend belaefd es ein groot fees. Eder aktiviteit waas ein hoogtepunt. De reaksies van de miense en ’t plezeer des-se zuus in de uig van klein kienjer zeen Eric III ’t meis biej geblaeve.
Jeugprins Onno I Janssen waas de veurgenger van de Neelder jeugvastelaovend.

Sjpreuk: Geine raod zonger raod

Adjudante: Dominique Clerx en Eric I Waajen
Vors: Thei Hawinkels

De viefde jubelejumprins van de Katers waerde Marc I Breugelmans. Hae sjting al in de jaore tachtig te popele om ins oppe taofel te moge klömme. Noe waas ’t zo wied. Tiedes ’t oetrope herlaefde aaje tieje. AVRO’s TopPop waas in Neel. Meziek oet de zevetiger en tachtiger jaore veurde de baovetoon. Hoogtepunt waas ’t optraeje van Meatloaf (Peter Brouwers en Annemarie Voestermans). Toet verrassing van ederein kwaam Marc I achter oet de zaal. Marc dink mit väöl plezeer trok aan ein van de vreugste vastelaovessezoene in de gesjiedenis (12 fibberwarie waas ’t al weer veurbiej). Zo wis hae gewieks mit Prins Ramon I van D’n Uul oppe bühne van de Sjtasiefestasie te kome. ”t Herverwermende welkom in de Sirk waas ein hoogtepunt. Mer baove alles sjting toch waal ’t optraeje op de Neelder Kinjer Bontje Middig. Ondanks zien prinssjap haet Marc I toch zien pekske van Perfesser Neus aangetrokke. Toet groot vermaak van de Neelder Jeug. En waem herinnert zich de PrinseSjiefkes neet. Marc I ontkaetende ein greutse raasj mit ein compleet euverzich van de Neelder Aad Prinse die aafgedrok ware op ein ‘flippo’-achtig sjiefke. Daomit laefde ’t 5×11 jaorig jubelejum auch in ’t sezoen!
Jeugpins in ’t jubelejumjaor waas de buurjong van Marc I, Roel I Lucas.

Sjpreuk: Alle meziek in Neel, ein geheel

Adjudante: Marcel Waajen en Erik Brouns
Vors: Thei Hawinkels

Al väöl muzikale prinse ginge ‘m veur. Mit ein sjtökske in ziene kraag vernoom Theo I van zien vruike det d’r oetverkaoze waas. Eine sjtille wins ging in vervulling. Ein van de hoogtepunte van dit jaor waas de organisasie van ’t Limburgs Vastelaovesleedjes Konkoer , ’t LVK. Indrökwekkend wiejväöl miense dao op aaf kome en mots aaf veur de organisasie. Auch herinnert Theo zich de muzikale aubade van ein hele groep muziekvereniginge en gezelsjappe tiedes zien resepsie. ’t Pasde geheel biej zien sjpreuk ALLE MEZIEK IN NEEL EIN GEHEEL. Prins Theo I haet auch nog ’t jubelejumweekend in november 2001 moge mitmake. Hae herinnert zich det es ein gezellig festijn mit väöl plaats veur echt Neels ammezement.
Jeugrprins Servé I Puts haet zich van de beste kantj laote zeen tiedes de jeugvastelaovend.

Sjpreuk: Sjport, meziek en sjpas, dees daag haole veer alles oet de kas

Adjudante: Perry Timmermans en Peter Naus
Vors: Thei Hawinkels

Waas d’r noe de eerste prins van ein nuuj millenium of de letste prins van ’t aje. Dae ’t wit moog ’t zegke. Prins Clemens I Maessen haet de vastelaovend mit de paplaepel binnegkrege. Zien vader, Peter I en aadvors, ging ‘m dus al veur. Ein gogelekt mos d’r aan te pas komme om de nuje prins teveursjien te laote kome.
Jeugrpins Ramon I Kanders zweijde de scepter euver de Neelder jeug.

Sjpreuk: Pepier duit noe neet ter zake, veer gaon ’t make

Adjudante: Eric Obstals en Roel van Montfort
Vors: Thei Hawinkels

Ronald I waas ongetwiefeld ein van de grootste kanshöbbers op ein prinssjap eind jaore negetig. En zo waerde hae in 1999 de letste eeuwprins van de Katers. Mit dank aan zien teamgenote die hem de eer van ’t prinsepak tiedes ein geweldige oetroop-ekt hadde toebedeild. Eine lang gekoesterde wins ging in vervölling veur de zoon van Huub I en II Vorage van de Donderböl. Zellef Big Benny haet nog opgetraoje oppe resepsie. Nao aafloup van de vastelaovend waerde Prins Ronald auch nog sjötterskeuning van alle prinse oet 1999.
Michiel I Willemsen ging de ketjes en kaeterkes veur.

Sjpreuk: Same broewe veer de sjoonste vastelaoves-sfeer

Adjudante: Eric Waajen en Wiel Moonen
Vors: Thei Hawinkels

Hae waert auch waal de emo-prins van Neel geneump, Peter IV Naus. Gebaore oet ein roemruch Neels gesjlach zeen emoties ‘m neet vraemp. Det waas vanaaf ’t oetrope waal duudelik. Mer hae sjting d’r en dao geit ’t om. Prins Peter IV is de eerste prins mit ein eige liefleed wao-in ziene liefsjpreuk waas verwirk. Op meinige resepsie en tiedes bienao alle Kater-activiteite haet d’r det leed, same mit zien adju’s, ten geheure gebrach.
Jeugprins waas Mike I Gruijters.

Sjpreuk: Driej daag neet takele, mer waal sjpektakele

Adjudante:John den Hartog en Patrick Pansters
Vors: Thei Hawinkels

Ein jaor det indrök haet achtergelaote. Zo typeert Prins Raoul I zien prinsejaor. De meis emosjoneele gebeurtenis waas waal de gebaorte van zien dochter Josje op vastelaovesdinsdigmiddig. Sjoner kos ’t eigelik neet. Biej ’t oetrope van Prins Raoul ontsjting in de zaal aevekes paniek. D’r looge euveral euver de bühne slachoffers van ein auto-ongeluk. Onger de motorkap oet sjpringt de nuje teveursjien. Raoul van Cruchten, de zoon van Piet van ’t gelieknamige takelbedrief.
Voetballer Tim I Vaessen ging de Neelder ketjes en kaeterkes veur.

Sjpreuk: Mit kepel en raod in de maot

Adjudante: Michel Sybertsma en Leon Paulissen
Vors: Thei Hawinkels

Es zoon van aadkepelmeister Huub Cox höbse netuurlik altied ein sjtreepke veur. Esse dan auch nog zellef good kins träöte dan geit ’t nog gemekkelikker. Frits I waas dan auch ein logische keus van de prinsekeuskemmissie. Omdet Frits getuuge wilde zeen van ’t aaftraeje van Prins Ruud I, waas hae om 21.30 oer, mit ein maske op, op ’t balkon inne zaal gaon zitte. Neemes begreep d’r iets van. Wiej later twee broen (?) paters de nuje prins biej ’t balkon ginge ophaole begos d’r get te daage. Tenminste, det dach ederein. Wiej ’t zowiet waas, bleek d’r eine nep-prins oppe bühne te sjtaon. Op ’t balkon sjting ein gruupke träöters. Frits sjting daotösse. Ein geweldige ekt. Tiedes de vastelaovend waas d’r nog ein sjoon gebeurtenis, Sjpik om! Op oetneudiging van Vors Thei is ’t prinselik gezelsjap eine aovend mitgegange om vorstehondj Atlas oet te laote. Auch ’t prinselik hundje Falco ging mit. D’r waerde gedronke, gegaete, gelache en meziek gemaak. Biej de Veurzitter waerde nog effekes biejgetank en toe verder nao de Sjter. Eine onvergaetelike aovend.
Bart I Aelmans waas de jeugprins.

Sjpreuk: Eine baer es grote prins, det waar miene wins

Adjudante: Peter Naus en Maurice Voestermans
Vors: Thei Hawinkels

’t Waas nog neet veurgekome det eine vreugere jeugprins (1977) waerde oetgerope toet prins van de katers. Prins Ruud I kreeg de eer. Eine vreugere druim kwaam oet. Op meziek van Pink Floyd waerde door de Raod van Ellef ein sjitterende ekt opgeveurd. Zie ware verkleidj es beeste, wiej kin ’t auch angers. Wiej jaegers die beeste hadde weggejaagd, kwaam Prins Ruud vanoet ein groots vuurwerk teveursjien.
Leon II Hawinkels, naefke van Vors Thei, waas jeugprins van Neel.

Sjpreuk: Geine kal, Victoria aan de bal

Adjudante: Ronald Vorage en Roland Cox
Vors: Thei Hawinkels

Prins Eric II waerde oetgerope door de kersverse Vors Thei Hawinkels, dae de vorstemöts eerder haaj euevergenaome van Peter Bongaarts. In eine invalidewage waerde Eric II door de Aad Prinse nao binnegereje. Heel get verbandj mos d’r waere aafgehaold om Prins Eric baovejan te kriege. In dit prinsejaor waerde Aad Prins Wiel I Helgers op vastelaovesdinsdaag beneump toet Neelder ambassadeur in de Remunjse binnesjtad.
Prins Rick I Coumans waas veurgenger van de kinjervastelaovend.

Sjpreuk: Nieks zo riek es Neelder meziek

Adjudante: Roel Timmermans en Theo van der Woude
Vors: Peter Bongaarts

’t Kos neet oetblieve, eine prins van Even. Jos haet zien prinssjap belaef wiej eine draum, doe waers wakker en kins dich bienao alle sjtökskes nog herinnere. Wie ein duuvelke kwaam Prins Jos II oet ’n deuske en hae is de hele vastelaovend gebleve. Tiedes ’t prinsoetrope waerde ein meziekkassette geprizzenteerd, wo-op inkele Neelder sjlagers van 1992 en 1993 stonge.
Roel II Moberts waas de draufgenger veur de Neelder jeug.

Sjpreuk: Al gooj ich döks d’r naeve, noe kint geer get belaeve

Adjudante: Thei Hawinkels en Jo Hendrick
Vors: Peter Bongaarts

Prins Paul I had zien prinssjap zelfs geheim wete te haaje veur zien elders. ’t Waas veur väöl Neelder luuj dan auch ein volsjlage verrassing, det vonj Paul sjoon. ’t Sjpraeke haet Prins Paul gaonde zien prinssjap vanzellef eige gemaak. Vors Dré Peeters van de Veldjmuus bezorgde oze Prins Paul I nog ein kompleks ‘waat det betref’. In mer leefs ein menuut wis Prins Paul I zeve keer ‘waat det betref’te zegke. In ’t prinsejaor van Paul I waerde veur ’t eers sinds jaore ein vastelaovesgezet oetgegaeve, Klassjeneel.
Bjorn I Emans waas jeugprins van Neel.

Sjpreuk: Mit katers en kloons is de vastelaovend op zien sjoons

Adjudante: Thei Janssen en Jos Moberts
Vors: Peter Bongaarts

Mer leefs drie jaor haet Prins Victor I in eine prinsepak rondjgeloupe. Als sentefoekser van de Katers waas ‘m det gegund. In november 1990 waerde d’r oetgerope, in 1991 regeerde d’r en in 1992 maakde hae pas plaats veur ziene opvolger. Es veerde jubileumprins van de Katers haet hae nieks van ’t jubelejumjaor hove te misse. Omdet de golfoorlog in jannewarie 1991 oetbrook, waerde de optoch van Remunj aafgeloupe. Det laeverde Prins Victor auch nog de naam oorlogsprins op. Ein histories jaor mit eine historiese prins. Veur ’t jubelum waerde ein kater CD opgenaome biej Jan Theelen. Aaj en nuuj leedjes die de Neelder vastelaovend kleur gaeve veur ’t eers op ein rieke.
Bas I Hamans ging de ketjes en kaeterkes es jeugprins veur.

Sjpreuk: Van do toet sol, oet dae bol

Adjudante: Erik Brouns en Michel Peeters.
Vors: Peter II Bongaarts.

’t Prinsoetrope waerde ingeleid door Henk Giesbers, óngersjteund door sjone meziek wobiej op ’t inj van de ekt, es de meziek zien hoogtpuntj bereikt, Prins Eric I door ein “moer” sjpróng die de sjeijing simboliseerd tösse Vastelaovend en ’t dagelikse laeve. De Prins-keus waar ein totale verrassing, zellefs veur zien ajers.
De hoesorde waas ein houte notebalk mit teks en neut van “Neel blief Neel”. Ouch oet de resepsiekaart bliek det veur Prins Eric I de meziek de grootste hobbie is.
Roel Jereskes waas es Jeugprins Roel I de jubelejumprins van ‘t 2×11 jaorig jubelejum van de jeugvastelaovend.
In taegesjtelling toet de sjone Neelder Optocht is de optoch in Groot Remunj op vastelaovesmaondig neet doorgegange door sjtormechtig waer en oetgesjteld toet Hallef Vaste.

Sjpreuk: Mit hert en zeel, trök in Neel

Adjudante: Hennie van Soest, Thei van Cruchten en Huub Beeren.
Vors: Peter II Bongaarts.

’t Prinsoetrope waas orzjeneel. De gemaskerde prins en adjudante waerde door de pliesie nao binne gebracht wo-nao ze door Vors Peter II waerde óntmaskerd.
Prins Huub I haet tiedelik in Waalre gewoond en waas bliej det t’r weer truuk waas in Neel en den ouch nog es Katerprins. Det waas ouch dudelik te zeen op de resepsiekaart. Tiedes de resepsie deilde Huub ein riejverbod oet.
De Jeugprins in 1989 waas Danny I Nelissen.
Het vaer-insident tiedes de prinseresepsie van de Veldjmuus waas ‘t absolute deeptepuntj in de relasie tösse D’n Uul en de Katers.
Takvol optraeje van ’t Katerbesjtuuur (mit ein euverlaevingspakket van Thei) en ein versjtenjigge rejaksie van de Uuleprins höbbe erger veurkomme.
Meer informasie euver de perikele tösse SRV, Uule en Katers sjteit in ’t jubelejumbook.

Sjpreuk: Maurice en de Kater, wie fitter wie later

Adjudante: Ruud Beeren en Marcel van Dijk.
Vors: Peter II Bongaarts.

Biej ’t prinsoetrope in eine boemvolle zaal mit eine dieke roukwolk, sjpróng Maurice vanoet ein fitnessbank door eine pepiere voetbal teveursjien. Ónger het insjtallere van Prins Maurice bleve de adjudante verkleijd en gemaskerd fitnesse. Prins Maurice I haet vervolges ‘t maske aafgedaon.
Maurice waas toen lid van RFC, fitness-insjtrukteur en sjtudent biej ’t CIOS in Zitterd.
Tiedes de resepsie haet Prins Maurice I ein fitnesshalterke oetgereik.
Tiedes de regeerperiejode van Prins Maurice waas Jeugprins Marco I Vroon de veurgenger van de jeugvastelaovend.
In ’t prinsejaor van Maurice is ereveurzitter Rie Passage euverleje.
Ouch dit sezoen bleef de versjandhajing tösse D’n Uul en de Kater matig.

Sjpreuk: Waat de gezet ouch sjrief, de Kater blief

Adjudante: Frank Heyman en Dominique Clerx.
Vors: Peter II Bongaarts.

De nuje prins waerde ónger eine Katerkop nao binne geloods en Geert Ratering kwaam es opvolger van Mat I d’r ongeroet. Tiedes de resepsie waerde ein Katergezetje es hoesorde oetgereik. Geert werkde biej De Limburger.
De relasie mit VV D’n Uul waerde d’r neet baeter op nao ’t insident op de Uleresepsie waat geer allemaol in ’t Jubelejumbook kint laeze. Hiejoet bliek det Uuleprins Jo Lommen neet in de gate haaj wie ’t in de vastelaoveswaereld werkt.
Same mit Jeugprins Jan I Homan is Prins Geert I de Neelder Vastelaovend veurgegange.

Sjpreuk: Potlood in de klauwe, dan miauwe

Adjudante: Siem Eyckelhardt en Har Bongaerts.
Vors: Peter II Bongaarts.

De nuje kandidaat waerde in ein groot potlood de zaal ingebrach door de Raod van Ellef. Tiedes de resepsie haet Prins Mat I ein potlood oetgereik waat sjloog op zien beroep es technies konstrukteur biej OCE.
Ómdet Mat I, mer ouch Siem en Har, lid ware van de “Oetgaonde Ellef”, ein klupke van Neelder jónges die eder jaor mit ein wage aan de Neelder Optoch mitdeje, waerde hae door de Prins-Keuze-Kemissie benaderd. In 1986 besjtóng “Oetgaonde Ellef” ellef jaor en daoróm wólle zie mitdoon aan de Bontje Aovend.
Mat, Har en Siem höbbe geweun aan de veurbereijing mitgedaon zónger get te laote merke. De verrassing biej ’t prinsoetrope waar den ouch beheurlik.
De relasie mit VV D’n Uul waas aan ’t versjlechtere, waat geer kint laeze in ’t Jubelejumbook.
De jeugprins waas Prins Nico I Starmans.

Sjpreuk: Sjötters miauwe ouch

Adjudante: Huub Beeren en Niek Baetsen.
Vors: Peter II Bongaarts.

Ouch Wim kwaam biej ’t prinsoetrope ónger eine grote Katerkop oet. Prins Wim III waas lid van de sjötteriej St. Urbanus. D’r waar direk verbandj tösse ’t hóngerd-jaorig besjtaon van de sjötteriej en ’t prinssjap van Wim. Nao tweemaol keuning biej de sjötteriej eindelik prins biej de Katers. De hoesorde waas eine vervormde kogel ( det mós van de waopewet ) ómdet Wim biej ’t A-zestal sjoot.
De jeugprins van det jaor waas Justus I Janssen.

« trök

Sjpreuk: Katers verzoepe neet

Adjudante: Marc Breugelmans en Peter Schouten.
Vors: Peter II Bongaarts.

Tiedes ’t Prinsebal waerde de nuje, versjtop ónger eine grote Katerkop, ’t Katerpelies binne gebrach, begeleid door de Raod van Ellef, Prinsekepel en Vors Peter II. Nao ein plechtige seremonie kwaam Michel Sybertsma teveursjien. Zowaal oet sjpreuk, resepsiekaart en hoesorde (reddingsbendje) bleek det Michel ein innige binding haaj mit RZ, de Remunjse Zjwumvereniging.
De jeugprins in ’84 waas Roy I Hendriks.

Sjpreuk: Van sjötteriej toet pos, gooj alles los

Adjudante: Henk Hawinkels en Marc Breugelmans.
Vors: Peter II Bongaarts.

Nao ’t aaftraeje van Prins Hennie I ( de soezer ) waerde ein laevesgroot pospakket door de pos same mit van Gend en Loos nao binne gebrach. Oet de verpakking kwaam Thei Hawinkels teveursjien en de twee besjtellers ontpopte zich es adjudante.
Tiedes de resepsie waerde es hoesorde ein sjeetbölke oetgereik waat de binjing mit de sjötteriej dudelik maakde.
De jeugprins van dit sezoen waas Prins Roger I Dekkers.

Sjpreuk: Katers oet Neel, gaef uch heel

Adjudante: Thei van Cruchten , Huub Moberts en Peter Bongaarts.
Vors: Peter II Bongaarts.

Tiedes de tradisjonele Prinsebal waerde Hennie binne gebrach in ein laevesgrote blaospiep, waat sjoog op zien beroep es plies.
Prins Hennie I waas de eerste getrouwde prins, ein revolusie binne de Katertradisie.
Tiedes ’t ganse sezoen ware de leje van de prinsekepel verkleijd es boef en de kepelmeister es plies. Biej de machseuverdrach in ’t sjtadhoes kreeg de prins geine sjleutel mer ter ere van ‘t 750 jarig besjtaon van Remunj ein bronze plakette oetgereik.
De resepsiekaart waas ein saort daagvaarding om nao de resepsie te komme. De hoesorde waas ein verkeersbord mit prosesverbaal.
Tiedes ’t prinsejaor van Hennie I vónj d’r ein vorsewisseling plaats. Het aaftraeje van prins Hennie I waerde verzorg door de nuje Vors Peter II Bongaarts.
Nao aafloup van ’t prinsejaor waerde Hennie lid van de prinsekepel ónger leijing van Sjaak van Melick en det is hae noe nog.
De jeugprins in det turbulente jaor waas Mark I Dekkers.

Sjpreuk: Blief neet sjtaon, laot ‘m gaon

Adjudante: Peter Lensen en Huub Beeren.
Vors: Peter Maessen.

Twee waeke veur de prinsinsjtallasie op de Neelder Aovend waerde de naam van de prins al bekind gemaak. Vanaaf det sezoen waerde de veurwaarde det de Katerprins vriegezel mós zeen aafgesjaf.
Prins Geert I is ouch nao de resepsie van D’n Uul gegange. Hiejveur haje ze eine aje brandjwaerwage op de kop getik womit Prins Geert en zien hele gevolg mit behulp van de brandjwaerleijer door de rame van de eerste verdeping van de appelsienerej nao binne gekraope zeen. Toet algemein vermaak van ’t pebliek en ónbegrip van de gasvereniging
D’n Uul.
De Jeugprins van det jaor waas Ron I Poels.

Sjpreuk: Drie maol ellef, blief uch zellef

Adjudante: Wim Konings en Leon Geene.
Vors: Peter I Maessen.

John kwaam oet eine laevesgrote verfpot teveursjien. Ouch oet de resepsiekaart van Prins John waas zien beroep aaf te laeze (sjilder).
Jaomer veur John waas, det d’r in ’t jubelejumjaor gein prinse-kepel waas door óngerlinge meujelikhede.
Same mit Jeugprins Jeroen I Steeghs höbbe ze zich toch van de goje kantj laote zeen.

Sjpreuk: Katers blieve Katers

Adjudante: Huub Beeren en Leon Geene.
Vors: Peter I Maessen.

Biej ’t prinsoetrope kwaam Henk oet ein wachhuuske teveursjien. Henk is wirkzaam biej de ‘Koninklijke Marechaussee’.
De Neelder kunsteneer Herman Bolenius haaj ein hoesorde van aerdewerk gemaak.
De sjlager van det jaor waas Ka- Ka- Katers.
Same mit Jeugprins John I Füsers haet Prins Henk I Neel op ziene kop gezat.
Veur Henk I waas ’t neet gemekkelik ómdet de Katers es vereniging neet lekker in hun vel zote.

Sjpreuk: Neet mekkere, mitdoon

Adjudante: Jan van Dijk en Frank Seuntjens.
Vors: Peter I Maessen.

Peter kwaam biej ’t oetrope in Zaal van Cruchten oet ein sjoolbord teveursjien.
De hoesorde waas ein griffel, die tiedes de resepsie in ’t Katerpelies De Sjter waerde oetgereik.
Prins Peter III is nao väöl jaore weer biej de machseuverdrach gewaes. De Katers höbbe noojt ’t insjtituut Groot-Vors erkind, waat nao ’78 neet meer besjting.
Prins Peter III haet same mit Jeugprins Henny I Maas euver ‘t Katerriek geregeerd.

Sjpreuk: Katers zeen neet te koup

Adjudante: Ad Jereskes en Peter Bongaarts.
Vors: Peter I Maessen.

Prins Ger I kwaam biej ’t oetrope oet ein groot ei teveursjien.
De hoesorde waas ein bewaegbare aafbeelding van ein kip. De resepsie vónj plaats in ’t Katerpelies De Sjter.
De jeugprins waas dit jaor Prins Ruud I Beeren.

Sjpreuk: Gloria Victoria

Adjudante: Victor Vossen en Jo Strous.
Vors: Peter Maessen.

Wim kwaam de zaal in ónger eine grote Katerkop. Oet de resepsiekaart bleek de relasie mit SV Victoria en de hoesorde waas ein klein voetbalpupke.
Dit sezoen waerde veur de 1e keer de wielerdriedaagse georganiseerd. Zum Blauwen Bock sjting neet meer op ’t Katerprogram.
De Remunjse Optoch waerde dit jaor weer euvergesjlage.
Peter I Mijts waas in 1976 de jeugprins van de Katers.

Sjpreuk: Neet omkieke, mer doorgaon

Adjudante: Victor Vossen en Jan van Tol.
Vors: Peter I Maessen.

Leon waerde in ein laevesgroot Katersjtandbeeld Zaal de Ster binne gebrach. De Prinseresepsie waas in Zaal Metsemakers. De resepsiekaart waas in de vorm van eine belastingaansjlaag opgemaak ( Leon wirkde bie de fiskus ). De hoesorde waas ein fluitje.
( Hanjdbalklub SVVM ) De Katers deje mit prins Leon II sins ’63 weer mit aan de Remunjse optoch.
De jeugprins waas Ton I Slats mit de sjpreuk: “Waat is good…..Katerblood”.

Sjpreuk: Katers vange, geine bange

Adjudante: Jos Verstappen en Jan van Tol.
Vors: Peter Maessen.

Bie ’t Prinsoetrope kwaam Jos gemaskerd, op eine sjetlandjponnie, zaal Metsemakers binne,
’t nuje Katerpelies. De Remunjse Optoch en de machseuverdrach ware veur Prins Jos I neet weggelag.
Ouch oet de resepsiekaart van Prins Jos I bleek det Neel blief Neel nog hoog in ’t vaandel sjting en det ’t Katerriek nog lang neet geannekseerd zal waere door de Uule.
De hoesorde ware versjillende boerderiej-beesjes.
De jeugvastelaovend waerde veurgegange door Prins Jos II Creemers.
In ’t jaor ’74 haaj veurzitter Rie Passage zien 2×11 jaorig jubelejum.

Sjpreuk: Veer zeen Katers

Adjudante: Jan van Tol en Piet Füsers.
Vors: Peter Maessen.

Peter Bongaarts waerd biej ’t Prinsoetrope oet ein kis teveursjien getouverd.
Tiedes zien resepsie sjting zien vader, Pierre, naeve hem in ein aad keuningspak. Op de resepsiekaart ware Prins Peter II en zien vader es ein saort siejamese tweeling aafgebeeld. De hoesorde waas ein klein hoeshoudhulpje van de Sjmeed.
In 1973 waas Füsershaof de letste keer ’t Katerpelies, waat vanaaf de oprichting ’t geval waas gewaes.
Prins Jos I Janssen waas de jeugprins van de jeugvastelaovend.

Sjpreuk: Allein op eige bein

Adjudante: Peter Bongaarts en Piet van Cruchten.
Vors: Peter Maessen.

Veurzitter Rie Passage begós bie ’t Prinsoetrope mit ’t aaftraeje van Prins Peter I door de prinselikke waerdighede truuk te naeme en insjtalleerde aansjloetend Aad-Prins Peter I es nuje Vors van de Katers.
Vervolges waerde de nuje prins, verkleijd es koe, zaal Metsemakers binne getrokke. Oet de koe kwaam Thei van Cruchten teveursjien óm door Vors Peter geinsjtalleerd te waere es Katerprins Thei I. Oet de sjpreuk bleek weer euverdudelik det de Neelder Katers nog sjteeds ein groot geveul van zellefsjtenjigheid höbbe en nieks te make wille höbbe mit Remunjse inminging.
Op de resepsiekaart sjting ein gehakmeule die alle vastelaovesbeeste d’r doorhaer dreijde, terwiel de Katers aan de sjlinger sjtinge. De hoesorde waas ein dreugwurske.
De jeugprins waas Hans I Strijbos.

Sjpreuk: Heel Neel ein geheel

Adjudante: Jan van Tol en Leon Janssen.
Vors: Herman Geelen.

Es zoon van de wiesvrouw waerde Peter helemaol in sjtiel in eine kinjerwage de zaal ingereje.
Door de Aad-prinse waerde Peter oet de wage gehöf en van luijers en maske óntdaon. De gemaskerde vrouw die de wage nao binne duujde was zien eige moder. De resepsiekaart waas ein gebaorte-kaertje en de hoesorde waas eine kleine luijer.
Peter haaj de kastelein, Jan Füsers, van Füsershaof belaof mit de vastelaovend te tappe. Dae keek beheurlik op zien naas.
Same mit jeugprins Naldy I Bouwens haet Prins Peter I euver ‘t Katerriek geregeerd.

Sjpreuk: Geine Kaje, Geine Kaje, Geine Kaje Kook

De nuje prins waerde gebaore oet ein vergrote oetgave van ’t Katerbeeld.
In ’t prinsejaor van Prins Jeu II waerde Zum Blauen Bock driej-maol opgeveurd. ’t Waas ein geweldige sjoo van dans, zang en meziek met internatijonale eks en onvervalste kolder gebrach door amateurs en beroepsartieste.
De jeugvastelaovend waerde veurgegange door Jeugprins Jan I Busschers.

Sjpreuk: Doot ’t zellef

Leon waerde in ein grote badkuup es mini-oetgave van de Roerdomp de zaal ingedrage. Naodet Leon vanoet de badkuup op de dreuge sjpróng waerde hae door Vors Herman es jubelejumprins 2×11 geinsjtalleerd. Mit tekse zo-es “Remunjse Golje Badkuup” of “Baje in weelde” haekelde de Katers ‘t väöl te dure projek van de Gemeinte.
D’r waas gein prinselikke hoesorde, mer ter ere van ’t jubelejum waerde d’r ein tegelke oetgereik.
Op ’t inj van ’t feestelik jubelejum waerde ’t Katerbeeld op Betjesplein ónthuld. ’t Eerste vastelaovesbeeld in Groot Remunj.
Jeugprins Henk I Frencken ging de Jeugvastelaovend veur.

Sjpreuk: Haaj vas

Adjudante: Piet van Cruchten en Jeu Hendricks.
Vors: Herman Geelen.

Jan kwaam teveursjien oet ein laevesgrote kis, die gevuld waas mit prinselik vleis en alle meugelikke en onmeugelikke greuntes. Dit waas de eerste Katerprins dae oet ‘t boeremoos kwaam.
De sjlager: “Zo groot is de Kater, zo klein is de Uul” waerde dit sezoen oet volle bors gezonge, waat de relasie mit VV D’n Uul dudelik maakde.
De Jeugprins waar Siem I Eyckelhardt.

Sjpreuk: Jao ich wil

Adjudante: Frits Poulussen en Wim Creemers.
Vors: Herman Geelen.

Sjaak waerde in ein zjwaegele-doos op rajer de zaal ingereje en nao de onthulling geinsjtalleerd door Vors Herman Geelen.
Sjaak waas es lid van de Prinsekepel biej ’t prinsoetrope geweun nao de buun getrokke en daonao sjtiekem verdwene.
Es grappige herinnering nump Sjaak ‘t “optraeje” van Heintje Simons op Zum Blauen Bock. De pliesie haet det toen taege gehaje.
Mit Prins Sjaak IV zeen de Katers veur ’t eers nao St. Camillus gegange, waat noe nog sjteeds op ’t Katerprogram sjteit. Nao jaore kwaam de Uuleprins (Thom Hoofwijk) weer nao de Katerresepsie.

Sjpreuk: Dink t’raan d’raan

Adjudante: Thei Zegers en Wiel Bongaerts.
Vors: Herman Geelen.

Ómdet Jan Cox biej de gebaorte de 5000e inwoner van Neel waas, waerde hae biej ’t oetrope in ein grote weeg, gedrage door Aad-prinse, nao de buun gebrach. Door de bebiekleijer oet- en ’t maske aaf te doon kwaam Prins Jan III teveursjien.
Vors Herman waerde bie de oetroopekt gehólpe door börgemeister R. Höppener vanne sjtad.
Prins Jan III waas de 1e Katerprins mit ein eige hoesorde.

Sjpreuk: Eine gek alles gek

Adjudante: Jan Cox en Jan van Tol.
Vors: Herman Geelen .

Biej ’t oetrope kwaam Wiel teveursjien oet eine enorme klos gare, gewaopend mit sjeer en naoldj. Naodet Vors Herman de sjeer en naoldj vervange haaj door septer en kitting, waas de insjtallasie van Prins Wiel I ein feit.
Ouch Prins Wiel I haet ‘t ganse Katerprogram aafgewirk, wobiej ’t bezeuk aan sjole en Roncalli hoogtepunte ware.

Sjpreuk: Eine Kater krieg geine Kater

Adjudante: Jan Houtackers en Hans Kitslaar.
Vors: Herman Geelen.

Sjaak kwaam biej ’t oetrope op eine knetterende skelter de zaal binne.
Volges Prins Sjaak zeen perseunlikke oetsjtraoling, gezónje dórs en ein geveul veur humor absolute veurwaarde óm Prins van de Katers te waere.
De relasie mit de anger vastelaovesvereniginge waas redelik mit eine gezónje dosis rivalititeit.

Sjpreuk: Es Kater sjleit men geine flater

Adjudante: Jan van Tol en Jan Cox.
Vors: Herman Geelen.

Wim kwaom biej ’t Prinsoetrope oet ein tulp te veursjien. Pins Wim I haet aan de Remunse optoch mitgedaon op eine kemeel, waat veur Wim ein apaarte belaevenis waas. De Raod van Ellef waas op zien oosters gekleijd. Nao aafloup probeerde de kemeel nog Keffee de Sjter binne te gaon, mer ’t prinselik bees kwoom neet verder es de eerste bölt.

Sjpreuk: Duchtig naat, mer neet te zaat

Vors: Herman Geelen.

Sjpreuk: Eine Kater lös gein water

Vors: Frans Lintjens.

Piet waas al nege jaor lid van de Pinsekepel. Hae wól ’t teende jaor aafsjloete es prins. Biej ’t oetrope kwaam Piet oet eine laevesgrote tillevisie teveursjien. Es werknaemer biej Philips leverde det drie verlofdaag op.
Prins Piet I haet, same mit de Raod van Ellef, de broelof van Sjra en Toos Jeurissen opgeloesterd in Katwijk aan Zee. Prins Piet mós de broedsrede oetsjpraeke, maar de zenuwe gierde door ziene kael. Nao “Geacht bruidspaar en familie” veel d’r ein doodse sjtilte. Nao ein flinke pause volgde “Waat moet ich noe zegke”.
Vors Frans rejageerde mit ein daverend applaus.

Sjpreuk: Ondanks anneksasie blieve veer Ketjes en Katers

Adjudante: Sjra Jeurissen en Jan Schmitz
Vors: Frans Lintjens.

In 1960 deje de Katers veur’t eers mit mit de Remunjse Optoch. De Prinsewage waas ein onnumbare vesting, waat sjloog op Neel blief Neel.
Tiedes de prinseresepsie van Prins Jan II waerde de Neelder prins door VV d’n Uul ongersjeije mit de “Orde van Waardering”.

Sjpreuk: Leve en Neel, ein geheel

Adjudante: Sjra Jeurissen en Jan Reynders.
Vors: Frans Lintjens.

Jan Schmitz waas de letste prins van ’t ónaafhankelikke Neel. In zien regeerperiejode is ouch ein bezeuk gebrach aan Zutphen. In ’t prinsejaor van Jan Schmitz (sentefoekser) bevónj de vereniging zich in ein deeptepuntj ómdet inkele aaj Raodsleje tegeliekertied opgesjtap ware, zodet de Raod van Ellef neet altied kompleet waas.
Zo kós ’t gebeure det d’r inins weer emes tösse leep dae van Piet Füsers ein keep en möts gekrege haaj en zo tiedelik raodslid waerde zónger det de res det wis. De samesjtelling van de Raod kós zo edere aovend wissele. Piet Füsers keek neet zo neij waat ’t protokol betruf.
Jan Schmitz waar ouch de haof-riddaktäör van Miauw, de veurlouper van KlassjeNeel. Óndanks de óngerbezetting van de Raod van Ellef drejde de Neelder Vastelaovend op volle toere. De Zale ware tiedes alle Bal(pöt)aovende en Kateraktiviteite aafgelaje vol.
Remunj (laes d’n Uul) haaj ‘t naokieke.

Sjpreuk: Ins eine Kater, altied eine Kater

Adjudant: Rieke Delissen.
Vors: Frans Lintjens.

Es Prins haet Niek in zien prinsejaor ein bezeuk gebrach aan Carnavalsvereniging de Poorters oet Zutphen, wo Aad-Prins Sjaak II aktief waas.

Sjpreuk: Bön wies mer doot gek en dao zit alles in

Adjudant: Rieke Delissen.
Vors: Frans Lintjens.

VV De Katers sjtelde gein fenansjele eise aan de prins. Ederein mós prins kinne waere. Waal mós de kandidaat ein ónbesjpraoke gedraag höbbe, vriegezel zeen, oet Neel kómme en bekind en geleefd zeen binne de Neelder gemeinsjap. ’t Katerprogram besjtong oet Leedjesaovend-Prinsoetrope-Machseuverdrach-Boerebal-Prinseresepsie en Kinjeroptoch.

Sjpreuk: Dae lol wil höbbe in Neel, geit d’r aan mit hert en zeel

Adjudant: Rieke Delissen.
Vors: Frans Lintjens.

Ouch Sjra I leerde op de Prinsebal zien vrouw kinne. Oet dit huwelik zeen zes kinjer gebaore. Wo de vastelaovend toch neet good veur is.
Veur de resepsie in Füsershaof waerde ’t prinselikke gezelsjap door B en W óntvange in ’t Raodhoes. De Prinsekepel ónger leijing van Graet van Melick haaj in dae tied ein geweldige repetasie wo heel Remunj en d’n Uul óntzach veur haje. Naeve ’t normale Katerprogram waerde de vereniging ouch verwach op diverse pöt- verenigings- en bedriefsfeeste, waat alles ekstra zjwaor maakde.

Sjpreuk: Es de ketjes moeze, miauwe ze neet

Adjudant: Frans Lintjens.

Het prinssjap van Sjaak II is van blievende invloed gewaes op ’t latere laeve van Sjaak ómdet hae in kóntak kwoom mit Leny Helgers (vanne Turk) womit d’r later is getrouwd. Waas Sjaak geine Katerprins gewaore den waas hae vriegezel gebleve. Nao het prinssjap is Sjaak nao Zutphen verhoes. Hiej waas hae aktief bie de vastelaovesvereniging “de Poorters”.

Sjpreuk: Es-se mer lol höbs

Adjudante: Rieke Delissen en Jeu Bongaerts.

Sjaak dink truuk aan zien prinsejaor es ein leuke, plezerige, mer zeer drökke tied mit väöl festiviteite.

Sjpreuk: Egaal wie ’t kump, aan ‘m es vrundj

Adjudant: Harie Delissen.
Vors: Sjaek Scheepers.
Veurzitter: Rie Passage.

Veural door Rie Passage waerde de Neelder Vastelaovend sjteeds baeter georganiseerd. In de jaor waerde de Boere ( elite ) bal en de Bóntje Aovend veur ’t eers in ’t program van de Katers opgenaome.
Ein leuke annekdote wis Prins Harrie III zich nog te herinnere: Vors Sjaek Scheepers (sjlechter) haaj in de sjlippe van zien sjaket twee tesse laote nejje, wo-in d’r sjieve dreugwórs kós versjtoppe, óm de Raod van Ellef op de bein te haje. En det waas waal neudig omdet ’t Katergezelsjap alle keffees mit paerd en ker mós aafgaon.
‘t Kós zo mer gebeure det-se pas om veer oer snachs biej de köster in Azerao aankwome en det-se dao de haard weer móste aanmake.
Op ein fibberwari, vlak veur ’t aaftraeje van Prins Harrie III, waerde ’t ganze landj opgesjrik door de watersnood. In euverlegk mit de zöstervereniginge waerde besjlaote de vastelaovend veur 1953 aaf te lasse, zodet Prins Harrie III nog ein jaor mós biejteikene.

Sjpreuk: Neet meug mer dórs

Vors: Sjaek Scheepers.

Prins Frans I is geinsjtalleerd door de wethajers Maessen en Janssen. De macheuverdrach vónj plaats in ’t gemeintehoes.
De óngerlinge samewirking en gezelligheid is Frans ’t meiste biejgebleve. ’t Prinsepak waar ein zjwart pak mit manjtel en prinsemöts.

Sjpreuk: Laot mer gaon, Neel blief besjtaon

Adjudant: Jos Ebus.
Vors: Sjaek Scheepers.

De eerste Neelder Optoch mit Prinsewage, dae vanoet’t Gebrook vieja Neel nao Leeve trok, waas veur Prins Harie II ein sjitterende belaevenis. Ouch aan ’t bezeuk aan de bewaarsjool haet Prins Harie II gooj herinneringe euvergehaje. D’r ware 26 keffees en danszale die de Raod van Ellef mós bezeuke, gein gemekkelikke klus.

Sjpreuk: Neel blief Neel

Adjudant: Frenske Hodzelmans.
Vors: Piet Füsers.

Harie waerde door Piet Füser veur ’t blok gezat en mós mèr prins waere. In die jaore waas d’r al sjpraoke van ein dreigende anneksasie en daoróm waerde “Neel blief Neel” es liefsjpreuk gekaoze. Det waar ouch de sjlogan van de vastelaovessjlager. De teks waas tegeliekertied de proklemasie. Ein ech prinsepak waar d’r neet. Sjnieder Lei Helgers haaj ein saort tropepak gemaak mit eine tulbandj es sjteek. D’r waar nog gein machseuverdrach en van ein protokol waas gein sjpraoke. Heringsjelle waas nog neet gebroekelijk. Waal ging men asselegoonsdig ein asse-kruutske haole.

Waat is uch biej gebleve?
Sjeng van de Grieze waar biej Füsershaof sjtómzaat in sjlaop gevalle. Veur de zekerheid waerde Dr. Mol gerope. Mer net biej ’t binnerope van de dokter waerde Sjeng wakker.
Dr. Mol waas hiej neet euver te sjpraeke mer haet zich nog get börrelkes gedronke.

Sjpreuk: Ich weit nieks

Sjpraeker: Piet Füsers.

Het oetrope van Prins Sjeng (van de Grieze) waas eigelik en sjpontane aksie, zónger prinse-pak en adjudant. De Raod van Ellef droog een keep mit ein simpele möts.