Op zunjig 7 november 2021 rolde ‘ne sjtoumwals van kakelverse vastelaovesmeziek euver ’t toegestruimde publiek in kefee-zaal De Ster.
Oet ’n gevarieerd en kwalitatief hoogsjtaond aanbod van deilnaemers reep de jury “Bie-ein op ’t Plein” van Blindj Mit oet toet 35e Kater-sjlager, sezoen 2021-2022. De jury haaj ‘ne eervolle vermelding veur:
- Daaklaer (Tom Beek en Joep van Pamelen) mit ‘Sjterk’
- Ingel (Angela Opperman) mit ‘De Paplaepel’
De felbegeerde wisselbaeker moog noe ein jaor lang de sjouw van Marcel en Jos ontsiere.
Alle tekste van de leedjesmiddig vinjt geer <hie>
De geluidsopname kint geer hie beloestere:
