Saame mit zien adjudante Sebastiaan en Minic geit hae d’r ein super sjoon seizoen van maake! En det ónger ziene liefsjpreuk: Alaaf, vastelaovend is gaaf!
Rens sjtelt zich gaer aeve aan uch veur:
“Hallou allemaol, miene naam is Rens Beurskens en ich bön dit jaor de nuje veurgenger van de Neelder jeug-vastelaovend. Ich bön ein keer 11 jaor (bienao 12 jaor). Gebaore oppe Breijewaeg en woon noe tiedelijk oppe Gebroeklaan. Pap en mam mótte zo neudig ein sjtök van ‘t aje klooster koupe en det mót nog verboewd waere. Ich höb ein breurke Raf, veer kinne neet mit en neet zónger mekaar. Vastelaovend is mich mit de paplaepel ingegaeve; ‘t zit mich in mien blood!”
