Vastelaoves Special in ’t Neelder Koffie Heukske

Os laeve sjteit nog sjteeds oppe kop, en zelfs de vastelaovend is bekans onmeugelik gewaore. Daorom wilt ’t Neelder Koffie Heukske ein bietje vastelaovend bie de miense toes bringe. Op vastelaovesvriedig 12 fibberwarie kint geer vanaaf eure pc, laptop, tablet of tillefoon ein verbinjing make mit dit Neelder Koffie Heukske. Veer beje uch dan ongeveer 111 menute Neelder meziek en amuzement. Ouch zeen d’r ’n paar miense die uch dan gaer perseunlik get wille vertelle, onger angere de veurzitter en de vors van de Katers, en ’n paar artieste oet eige dörp.

Aan deze Vastelaoves Special wirke in eder geval mit (live of via opname):

Blindj Mit, Clemens en Ronald, Erwin Linssen, Har Daniëls, Kelly en Lotte, Neelder Meide, Nellie Bongaerts-Daniëls, Op Good Gelök, Sjnaps, Thei van Cruchten, Van Alles Get, en diverse miense van VV de Katers.

Wanneer:           vastelaovesvriedig 12 fibberwarie

Wie laat:             vanaaf 19.00 oer (binnekomme vanaaf 18.45 oer)

Wo:                      ’t Neelder Koffie Heukske op ’t internet

Wie:                     klikke oppe knoep [Neelder Koffie Heukske] op www.wijzijnmaasniel.nl

Waat kos ’t:       nieks (koffie of beer mot g’r uch zelf klaorzitte)

Es geer ’n verbinjing wilt make, hoof geer dus allein mer op dae knoep te duje. Veur dees verbinjing höb geer ’t programma Teams neudig. Es geer det al höb, dan komp geer vanzelf inne wachruumte.

Höb geer det nog neet, dan waerd uch det gemeld es geer oppe knoep duujt:

  • Op ‘ne computer/laptop klik geer dan op [Doorgaan in deze webbrowser].
  • Op ‘ne tablet of tillefoon mot geer keze veur [Installeren] en [Openen].
  • Biej allebei waerd dan gevraog om eure naam in te vulle, zodet veer wete det ouch de juuste gaste aanwezig zeen.

Ouch dan komp geer inne wachruumte. Dit kint effekes doere, o.a. aafhankelik van ’t aantal miense.

Veer laote uch dan vanzelf binne in ’t Neelder Koffie Heukske!

Veer haope uch dao allemaol te zeen!

Truuk nao nuujts