Op zaoterdig 28 jannewari waert ’t sjpannend veur de Neelder deilnaemers aan ’t LVK.
Dan zal tösse 10:00oer en 13:00oer door L1 oppe radio bekind waere gemaak welke halve finaliste zeen doorgedronge toet de finale van ’t Limburgs Vastelaovesleedjes Konkoer!
Op Good Gelök en Blindj Mit gaon zich dan same de handj vashaje om leef en leid te deile in kefee ‘De Ster’ aan de Raodhoessjtraot 13 in Neel.
En ederein is wèlkom óm same mit ós leef en/of leid te deile. Dus laot greuje die naegel aan elke vinger aan edere handj. Op zaoterdig gaon ze d’r aaf toet op oppe nagelreem!
