Prins Rob II Neudig Oet
Zaoterdig 15 fibberwari mit „Sjloetingstied“ Zaal de Ster
Prins Rob II van VV de Katers neudig uch oet veur ‘ne geweldige aovend !
Nao ‘t biewone van de Vastelaovesmès óm 18.00 oer in de Laurentiuskirk make Prins Rob II mit zien Katergevolg zich óp veur ‘ne gezellige feesaovend dae al ‘n aantal jaor bekind sjteit ónger de naam „de Prins neudig oet“.
„De Prins neudig oet“ zal net zó-es verleeje jaor plaatsvinje de zaoterdig veur ‘t Vastelaovesweekend, óp 15 fibberwari en de aovend zal róndj 20.30 oer in ’t Katerpelies, Zaal de Sjter, van sjtart gaon. Deze ‚Prins neudig oet‘ is ‘ne aovend veur Katerléje en gaste die door de Nuje Prins oetgeneudig waere.
De meziek waert verzorg door feesband “Sjloetingstied” , die ós ein “100% daak d’r aaf garantie” gaeve en netuurlik ós eige Prinsekepel.
De vastelaovend begint väölbelaovend biej de Katers oet Neel!! Mit anger wäört, dit fees moog geer neet misse!
Moch geer gein Katerlid zin of gein oetneudiging höbbe ontvange en geer wilt deze geweldige feesaovond neet misse, dan kint geer ’t beste ‘n mailtje sjture nao info@dekaters.nl Dit jaor zal d’r gein sjpeciaal thema óp deze aovend zin, waal verwach VV de Katers det de bezeukers sjoon verkleid aan deze aovend deilnaeme. Veer kieke mit sjpanning oet nao de väöle leeje en geneudigde die ongetwiefeld in prachtige pekskes de aovend toet ‘n sukses zalle make. Es geer ein van de väöle jubilarisse taege kómp, gaot häör dan zeker aeve fillesetere: Kim Schrader-Metten, Max Schrader, Nico Rutten (allemaol 2 x 11 jaor bie de Prinsekepel), Chris Scheepers (1 x 11 jaor bie de Prinsekepel), Wil Scheepers, Maurice Voestermans, Erik Brouns (allemaol 3 x 11 jaor lid van de Raod/Besjtuur), Marcel Emans (2 x 11 jaor lid van de Raod). In de loup van de aovend zalle de gaste zó-wie geweunlik nog kinne geneete van ‘n zeer sjmakelik hepke, aangebaoje door VV de Katers. Veer haope det al ós léje en de geneudigde gevolg gaeve aan de “Oetneudiging van de Prins”.
