Nieks zo riek es Neelder meziek!

Oet de 20 insjrievinge van dae fantastische leedjesmiddig 2016 van VV de Katers trèkke 4 leedjes wiejer Limburg in, nao Limburgse (halve) finales!

Zowaal “Blindj Mit” es “Op Good Gelök” zeen mit häör leedje doorgedronge toet de halve finalve van ’t Limburgs Vastelaovesleedjes Konkoer (LVK). Ouch höbbe ze de finale bereik van ’t MiddeLimburgsLeedjesFestival (MLLF) op 6 jannewari óm 20:00oer in de Harmoniezaal in Lin.

Biej de jeug sjtaon de groepe “Van Alles Get” mit “Mit vastelaovend moog alles” en “De Neelder Meide” mit “11, De gekke zellef” in de finale van ‘t Kinjer VastelaovesLeedjesfestival op zunjigmiddig 5 fibberwari óm 14:00oer in zaal Socio Egelse (‘Eygelshoven’). Gank kieke wie ze dao op ’t grote podium gaon sjtittere veur gans Limburg!

Sjtum op de Neelder Leedjes veur ‘t LVK!

Door op vriedig 6 jannewarie te sjtumme kint geer “Op Good Gelök” mit “Ich kóm hie trök” (nr. 07) nao de LVK-finale sjture. Op vriedig 13 jannewarie kint geer sjtumme op “Blindj Mit” mit “Waat doon veer ós aan?” (nr. 23).

Sjtuur tösse 20:00-20:30oer ’n SMS mit de nómmers van drie leedjes die op dae daag op L1-televisie kómme in de twee oer die dao-aan veuraafgaon. Lök det neet, dan kint geer sangeredaag sjtumme tösse 16:00-16:0oer.

SMS drie leedjes nao nummer 4422,

  • op 6 jannewarie “Ich kóm hie trök” – bv. ‘LVK 07 10 20’
  • op 13 jannewarie “Waat doon veer ós aan” – bv. ‘LVK 23 30 40’

of bel 0909-2027030 en toets op 6 jan bv. 07#10#20# en op 13 jan. bv. 23#30#40#

De Katers winse alle veer de groepe heel väöl succes. Óngeach ’t rizzeltaat kint Neel blie zeen mit zónne sjone Neelder meziek!!

 

Truuk nao nuujts