Van Alles Get en De Neelder Meide zeen door nao de finale van ’t Kinjer Vastelaovesleedjesfestival op 5 fiberwarie 2017!
De Neelder Meide waerde verras in de klas bie juf Winnie en krege hie de mitdeling van ’t besjtuur van ’t KVL det se veur ’t tweede jaor op rie in de finale van ’t KVL sjtaon. Juf Winnie en de eljers zote uiteraard in dit komplot. Alles sjpeelde zich aaf róndj 11 oer oppe BS Neel.
Loewieke waas van BS Leeve aafgehaold mit ’n smoesje en de Neelder Meide höbbe de anger kinjer van Van Alles Get oet de klasse gehaold mit ’n smoesje det se bie Sinterklaos móste kómme. In de lerarekamer krege ze ’n enorme verrassing te heure: door nao de Finale. Nao get foto’s en opnames door RTV waas ’t alweer tied veur de middigpauze.
De grote finale waert gehaje in Eygelshoven op 5 fibberwarie 2017. Locatie: Zaal Socio Eygelshoven, Terbruggen 16 Eygelshoven.
Aanvangk: 14:00oer.
