Sjtadsvastelaovesvereniging D’n Uul en Vastelaovesvereniging De Katers Neel, prizzentere op zóndaagmiddaag 5 november 2023 in kefee/zaal De Sjter in Neel:
“KUUL, ’t Katers-Uul-Leedjessjpektakel”.
Nuje update:
- De insjrieving is óngertösse gesjlaote en d’r höbbe zich 17 deilnaemers ingesjreve wovan 13 Vastelaovesleedjes en 4 covers;
- De vakzjurie is bekind: Sjra Puts (bedinker van de naam KUUL), Jean Pierre Cnoops, Ton Nizet;
- De bezeukers in de zaal kinne ouch mitsjtumme. Häör sjtumme gaon veur 22% mittèlle in de oetsjlaag;
- De Prinsekepelle van De Katers Neel en D’n Uul gaeve acte de présence ónger deze middaag;
- De Sjter geit aope óm 13:30 oer. Om 13:49 oer begint ’t optraeje van de perfessjenele liveband die daonao de begeleijing van de deilnaemers verzorg. ’t Inj van ‘t ganse pergram is róndj 17:11 oer. Daonao verzorg de liveband ‘n lèste optraeje veur de ‘afterparty’.
Te winne: Naeve de geldjpries van € 555,55 veur de winnaar, zeen d’r in totaal 3 plaatse te verdeile op de Sjtasiefestasie en Vastelaoves Villaasj. De winnaar moog optraeje op de 11devande11de. Daonaeve zeen d’r in ’t Vastelaovessezoen inkele optraejes bie aktiviteite van de Katers en D’n Uul in óngerlinge aafsjtumming.
