Mit väöl ónbegrip, grote versjlageheid en intens verdreet höbbe veer kinnis genaome van ’t sjterve van Peter I Maessen.
Peter waas oze veurgenger in ’t jaor 1971 en aansjloetend Katervors van 1971 toet 1982. In 1993 haet Peter de orde van verdeenste in zilver óntvange.
Peter waas in Neel en veur de Neelder Vastelaovend ónmisbaar. Es bliek van waardering is hae in ’t jaor 2015 door SJNAPS óngersjeijje mit “ ’t trekpaerd ” van de Neelder vastelaovend.
Mit ziene liefsjpreuk “Heel Neel ein geheel” in gedachte winse de Katers, SJNAPS en gans Neel Clemens en zien femilie väöl sjterkte toe biej ’t aafsjied en ’t verwerke van dit groot verlees.
