Nao ‘ne zinderende finale op zóndig 10 november 2019 haet de formatie ‘Hel en d’r Naeve’ de Neelder leedjesmiddig op häore naam gesjreve.
Veur ’t kómmend sezoen moge Ronald Vorage en Clemens Maessen Neel vertaegewaordige mit de gelieknamige Kater-schlager 2019-2020. Debutante Kelly en Lotte eindigde dön achter ’t winnend duo mit ‘Det zól toch get zeen’. Ouch de Neelder Aad Prinse (Sjnaps) gooide hoge ouge mit ‘Kaer mer veur dien eige deur’.
Bie de jeug wón de jeug-raod mit ’t leedje: ‘Wanneer moge veer de möts weer op?”
Alle tekste van de leedjesmiddig vinjt geer <hie>
De live-opname vinjt geer <hie>.
