Bóntje Aovende en Middig op 8-9 en 10 februari
“De Kater op ’t Betjesplein zuut Abraham” is ‘t thema van de kómmende Neelder Bóntje Avonde. In zaal De Ster passeert wederóm ‘n keur van artiesten de revue. Zang, dans, sketch, parodie, buutte en angere “sjaele wazel” zal euver de buun rolle.
Ein groot aantal Neelder artieste zal ouch dit jaor ‘n biedrage levere en zorge veur ‘ne Bónjte Aovond zo-es dae beheurt te zin. Dit jaor zin van de partie: de Betjes, de Dames van de Raod, Sjnaps, (de Neelder Aad Prinse) en de Sjmaal Frenze.
Leon en Henk zalle van de partie zin mit ein verrassende act aevenals Sjreu en Co. Ein nuuj samesjtelling: Eric, Eric en Roel, laot uch mer verrasse. Ouch muzikaal zal e.e.a. te beloestere zin wo-ónger “Van alles Get“ en netuurlijk de Neelder Sjlager: “Maak Aope” van “Op Good Gelök”.
Daonaeve zin d’r ouch inkele buutte te beloestere: Fer Naus ( Buuttekampioen 2017) Ger Frenken , (finalis tiedes de Limburgse Buuttekampioensjappen 2017) en Har Daniels zalle hieveur zorgdrage. Óngetwiefeld good veur de neudige lachsalvo’s.
De aovond zal live muzikaal begeleid waere door ós eige Neelse Combo o.l.v. Tim Giesbers. De doer van ‘t totale program zal óngeveer drie oer zin.
Verkaup van kaarte:
Zaoterdig 26 januari en 2 februari bie “De Kleine Tovenaar” in Neel van 09.30 oer toet 12.30 oer. De kaarte veur de Bóntje Aovende zin te verkriege veur € 12,50 en veur de Kienjer Bóntje middig € 2,50 (toet 13 jaor) en € 4,50 veur volwassene.
Kaarte veur 717 Indoor Festival zin te kaup veur € 5,-
Neelder Bontje aovende: vriedigaovend 8 (20.11oer), zaoterdigaovend 9 (20.11oer) en zondigmiddig 10 februari 2019 (14.11oer) in Café zaal De Ster
Kienjer Bontje Middig: zondigmiddig 17 februari 2019 (14.11oer) in Café zaal De Ster
717 Indoor Festival: zaoterdigaovend 16 februari 2019 (19.30oer) in de Soos
