Brexit of neet, ‘n sjpeciaal delegatie gans oet ’t Sjotse Hooglandj kump op maondig 11-11-2019 nao ’t Betjesplein in Neel om same vanaaf 18:00oer de Vastelaovend in te gaon.
Neel en Sjotland höbbe väöl gemein: allebei ligke ze net ’n bietje hoger dan de sjtadse bure en allebei wille ze ’t leefs op eige bein sjtaon. Wie aafgezante MacFlurry, MacBook , MacNeel en MacBetjesplein ‘t zègke: ‘Sjotland en Neel, balkebrie en Haggis, beer en whiskey, det geit prima same!’
Dus geit Neel same mit Sjotland, de Neelder Garde en ónger auspiciën van ’t voltallig Katergezelsjap dit jaor ‘Sjots en Sjief de Vastelaovend in.’
En dan nog is ’t neet op, want aansjloetend sjteit bie de Sjter in de zaal toet in de late uurkes ’n keur van artieste oppe buun, wo-ónger de Autarky Bress Bend, de winnaer van de leedjesaovend en de Prinsekepel van de Katers.
Hooglanders oppe Heuvel in Neel ’t mót neet gekker waere.
