Op zóndigmiddig 6 jannewarie vónj ónger väöl publieke belangsjtelling ‘t Jeugprinsoetrope plaats in Zaal “’t Dörp”. De jeugprins van ‘t aafgeloupe jaor, Rens I (Beurskens) waar al vastelaovesdinsdig op de femiliemiddig aafgetraoje zodet de nuje Prins tiejig oetgerope kos waere.
Róndj 15.11 oer begos de oetroop-act veur de nuje Jeugprins.
Nao ein sjpannende act, wobiej de grote onbekinde opzeuk waas nao de Vastelaoves-pokémon noom ‘t prinselik trio plaats op de buun achter ‘n pepiere sjerm. Via óngermeer de Broekhin, Plein 1999 en de Kater op ’t Betjesplein zoge veer ‘t trio de zaal invluchte van Zaal “’t Dörp” en kós Ziggy van der Tuuk zich bekint make es de nuje Jeugprins van V.V. de Katers!
Naodet Ziggy alle prinselikke waardighede van Vors Wil had gekrege en es Jeugkaterprins woor geïnstalleerd, maakde hae bekind mit welke adjudante hae dit sezoen fees zal gaon viere. Chris Tegels en Liam Janssen zolle Prins Ziggy I biesjtaon in deze kommende vastelaovestied. Same prizzenteerde zie ouch nog häör leedje womit zie deze vastelaovend besjlis euveral väöl tam-tam zolle make.
In ‘t dageliks laeve geit Ziggy nao de brökklas van Citaverde en is hae lid van RZ de Remunjse Zjwömvereniging. Hij is ‘ne fanatieke Pokémon-vanger en is döks drök bezig met ziene cavia.
Ziggy I zal, gaon regere euver ‘t riek van alle Ketjes en Kaeterkes ónger ziene liefsjpreuk:
Same duke veer de Vastelaovend in!
