‘t Nuje vastelaovesezoen kump d’r aan en de Katers gaon good beginne op 4 november mit eine sjone Leedjesmiddig. De Leedjeskemmissie van VV de Katers verwach ein aantal artieste, die häör bès gaon doon óm de titel “Neelder Sjlager” binne te haole. ’t Aaafgeloupe jaor waerde d’r leedjes gebrach door kinjer van de basissjool en ouch dit jaor verwachte veer weer väöl daovan. Zie zólle de sjo óngetwiefeld waal weer sjtaele. Daonaeve haope veer op de bekinde en ónbekinde name die d’r eine geweldige middig van gaon make. Waem waert de opvolger van “Sjnaps” die ‘t aafgeloupe jaor mit ‘t geweldige nummer “Vastelaovesvillaasj”, mit de eer ginge sjtrieke. Op deze sjone middig zal d’r genóg vastelaovesmeziek te heure zeen en netuurlik zorg ouch de PrinseKepel van de Katers veur muzikale ammesasie.
De opzat van de leedjemiddig is ‘tzellefde es verleje jaor, de meziek kump van eine geluidsdrager maar dao waert netuurlik live gezónge.
De Leedjesmiddig is in Zaal de Sjter, op zunjigmiddig 4 november om 14.11 oer. Geer zeet van herte oetgeneudig óm te komme loestere en kieke, gratis entree !!
