Eindelik kint de nuje Prins zich laote kieke op 11 jannewarie in Zaal de Ster
De jeugvastelaovend is al op gang gekomme, mer noe is het de beurt aan de “grote” Prins. Veurdet ‘t echter zover is, zal eers Prins Robin I aaftraeje. Moch hae will toetraeje toet ’t SJNAPS, dan zal hae eers zich motte bewieze in de proeve van bekwaamheid.
Nao dees sirrejeuze hanjelinge, zalle de zenuwe op de bühne toet ein hoogtepunt gaon kómme. Eerder woore d’r nog Sjnabbeltjes en kòs men zich inlaeze. Helaas zin de Sjnabbeltjes same mit ‘t Neelder Nuuts ouch verdwene. Höb geer eine naam al dökker geheurd?
Det wilsse toch neet misse? De meziek zal dae aovend waere verzorg door o.a. Patrick Gerets, Andy en Roy en DJ Cropy. De Prinse-kepel is al wermgedreijd en zal d’r veur zorge det de nuje zich metein in ‘t zjweit zal werke.
Kóm daoróm allemaol op de volgende datum nao Zaal de Ster: zaoterdig 11 jannewarie om 20.30u!
KlassjeNeel.
De daag nao ut oetrope zal de nuje Prins, same mit zien adjudante, leeje van de Raod van Ellef, de Prinse-kepel en de Jeug van de Katers, de verkaup van de nuje KlassjeNeel verzorge. Dees prachtige Vastelaoves-gezet zal op zondigmorge 12 jannewarie vanaaf 10.30 oer in Neel hoes-aan-hoes veur de pries van € 5,- te kaup waere aangebaoje. Zit geer lid van VV De Katers, dan krieg geer de KlassjeNeel gratis en veur nieks. Vanaaf maondig 13 jannewarie is de KlassjeNeel ouch te kaup biej de Primera, Baekwaeg te Neel en biej Bookwinkel “de kleine Tovenaar” op de Hoekstraat.
