Vriedig 1 maart: Aaftrap van de Vastelaovend. Dit drök bezochte aevenement, is mesjiens gein aktiviteit van de Katers, mer eigenlik moog dit óngerdeil neet ontbraeke in uch sjema. Diverse grote regionale artieste zalle häör opwachting make dae aovend. Ouch Prins Robin I mit zien adjudante Vincent, Roel en Lars en de Raod van Ellef zalle aanwezig zin. Kóm dus op vriedigavond nao Zaal ’t Dörp!
Zaoterdig 2 maart: Vastelaovesparty in de Soos. De tweede editie van de opvolger van ‘t sjprookjesbal is ‘n feit en waal op zaoterdig 2 maart. Vanaaf 14.11u kint de jeug terech in de Soos veur ‘ne geweldige middig vól meziek en plezier.
Zaoterdig 2 maart: Resepsie Prins Robin I. Vólgend op de Vastelaovesparty zal Prins Robin I zien resepsie waere aangebaoje in Zaal de Ster. De resepsie zal beginne óm 18.33 oer. Wilt geer Prins Robin I kómme fillesetere? Kóm dan zaoterdigaovend nao De Ster!
Zóndig 3 maart: Vastelaoves Villaasj. Belaef en sjpeel mit! Nao veurig jaor de vuurduip te höbbe gehad, is d’r hel gewirk aan de tweede editie van de Vastelaoves Villaasj. Kóm kieke waat de organisatie dit jaor veur uch in petto haet. Sjtart is óm 14.11 oer en entree is gratis!
Maondig 4 maart: Rundje Limmenaad en Rundje SJNAPS. Veur miense oet Neel zin dees twee name gein verrassing meer en sjtaon garant veur ‘ne heerlikke middig mit goje meziek en ‘n lekker glaeske limmenaad of ‘n fijn glaas beer. Om 16.11 oer sjtart rundje Limmenaad veur de jeug wó-nao de Sere Jeuze Aad Prinse Sosijeteit ’t zal euvernaeme en uch mit artieste oet ós eige Neel en oet de omliggende dörpe zal vermake.
Dinsdig 5 maart: Kienjermiddig bie De Ster. Vanaaf ‘n uurke of 3 kint geer terech bie Zaal De Ster wó de jeug zal waere vermaak mit meziek. Kaeterkes en Ketjes, naem pap en mam, opa en oma, de bure en de posbode mit nao De Ster en laot uch vermake!
Dinsdig 5 maart: Aafsjloeting van de Vastelaovend. Edder jaor zalle veer helaas ouch de Vastelaovend weer mótte aafsjloete. Vanaaf 21.30oer zal dit gaon plaatsvinje bie Zaal De Ster. Aansjloetend aan ’t aafsjloete van de Vastelaovend zal ’t Frenze bal waere gehaaje. Eine waardige aafsjloeter van ‘n sjoon sezoen!
