Hie zeen ze dan!! De sjnabbeltjes euver oze nuuje Katerprins. Doot uch bès en veer zeen benuujd of geer d’r achter komt waem ’t waert.
Mit 2 adjudante oet de binne-sjtad haet Prins Robin I veurig jaor de grens opgezoch; ich verzeker uch det ich ut dit jaor binne de perke haaj!!
Ich sjtaon d’r gaer sjiek op, maar es ich naeve mien sjoon gaon loupe, zeen mien adju’s d’r es de kippe biej óm mich op ut juuste paad truuk te bringe!!
Mien vader mót dit jaor zien grenze verligke, maar mit mich es Prins veult hae zich de Keuning te riek!!
Ut nummer van Big Benny “Gaef mich Beer&Wisky” vinj ich maar veur 50% sjoon.
Geer moog d’r dit jaor väöl mit mich en mien adjudante insjödde, maar sjöd es te bleef nieks d’r naeve.
Mien vrouw is mode- en kleur-bewus en biej de kapper geit ut mit iddere golfbewaeging mit….
De wortels van miene femilie-sjtamboum zitte wied in ut Neelder gróndj-gebied versjtopt. Grenze waere dan ouch neet verlag of opgezoch!!
Es ich zól voetballe, zól ich eine sjoeffelaer zeen; es ich zól sjete wis ich de raek döks te rake. Maar ich RAEKEN d’r op det ich dit jaor es Prins geine flater sjlaon.
“Dit haajt geer heel zeker neet verwach…..” (eine Adju)
“Ich haaj dit ouch neet verwach…..” (de angere Adju)
“Miene buurman es Prins, haaj ich ouch neet verwach…..” (nog eine Adju)
“Ich wach mit verhoeze toet nao de Vastelaovend…..” (de Nuje)
Ich zit döks versjtrik in ingewikkelde vraogsjtökke, maar gelökkig höb ich nao get graafwerk döks sjnel de oplossing gevónje!!
Mien moder deilt gaer de lakes oet, maar in ut sezoen deilt zie mit in de vreugde van ut ganse gezin.
