Jao miense, de echte vastelaovesdaag sjtaon weer veur de deur. ’t Grote sjpeel geit beginne mit de aaftrap, de resepsie en nóg väöl meer. Mer ’t échte werk geit beginne op vastelaovesdinsdig óm 23:11 oer in De Sjter in Neel. Nao ’t aaftraeje van Prins Roel II van VV De Katers is ’t weer tied veur ’t Frenzebal. De Sjmaal Frenze höbbe zich al good laote kieke deze vastelaovend in Neel. Zo sjtinge ze laat, mér nuchter, oppe buun tiedes de Bóntje Aovende mit ein ekt die de gróndj leet trille.
De Sjmaal Frenze zeen d’r dus helemaol klaor veur. Of de Frenz d’r al klaor veur is, weite veer ouch (nog) neet. Ein gegarendeerd sjpektakel sjteit uch te wachte op dae beruchte vastelaovesdinsdig. Net zowie anger edisies van de Sjmaal Frenze zólle “De Badmötse” ’t muzikale gedeilte verzorge.
Zeet geer nóg neet bekind mit de Sjmaal Frenze?, den kint geer ós vinje op Facebook…Sjmaal Frenze Neel. Veer zólle zegke, ammezasie mit die daag en veer zeen ós op ’t Frenzebal, vastelaovesdinsdig 23:11 oer in de Sjter. Toet dan!
