Op zaoterdigaovend 2 maart zal aan Prins Robin I van VV de Katers zien resepsie aangebaoje waere in Zaal De Sjter. Vanaaf 18.33 oer kint geer kómme bekieke of Prins Robin I de Aaftrap van de Vastelaovend haet weite te doorsjtaon en kint geer ‘m kómme fillesetere mit zien heersjappie euver ‘t Katerriek. De Prinsekapel zal zórge det Robin I zich in ‘t zjweit zal werke en haet dan ouch de muzikale óngersjteuning in häör bekwame henj. Naeve femilie, vrunj en bekinde, zalle de versjillende Vastelaovesvereniginge häör opwachting make. Zorg dus det geer oppe tied aanwezig bönt. VV De Katers wins Prins Robin I ‘n sjoon resepsie toe!
(foto Prins: Hans Sweegers)
