Op zaoterdig 11 jannewari 2020 is Rob Alemans oetgerope es Katerprins 2020. Nao ein geweldige film mit allemaol foto’s van en euver Rob en op de meziek van De Shanonsong van Rowwen Hèze kwaam hae teveursjien door ’t sjerm.
Naodet hae waas geïnstalleerd kwame zien drie adjudanten onger meziek van eine doedelzaksjpeler nao veure. Zie ware gemaskerd en naodet de maskers waerde aafgedaon, sjtonge dao Roger Bours, Kevin Linssen en Clemens Maessen. Alle drie sjoon gekleijd in kilt. De Whisky en Schotland zeen de rooje draod in ’t prinselik gezelsjap.
In ’t dageliks laeve is Rob wirkzaam biej Boesheide es plenner en is getrouwd mit Miriam. Hae zal gaon regere onger ziene leifsjpreuk: “SJÖD IN EN MAAK ‘T MIT!”
