Óp zóndigmiddig 24 fibberwari zal aan Jeugprins Ziggy I van VV de Katers zien resepsie aangebaoje waere in Zaal ’t Dörp. De sjtart van dit sjpektakel is óm 14.11 oer. Naeve de väöle bevrunjde vastelaovesvereniginge, femilie, vrunj en bekinde, de JeugPrinsekepel, de grote Prins mit de grote Raod van Ellef en angere vereniginge, zalle ouch väöl miense oet ‘t Neelder Landj de nuuje Jeugprins kinne fillesetere mit zien heersjappie euver ‘t Jeug-Katerriek. Tiedes de middig zal ouch de Driefvaer, ‘n óngersjeijing die wurd oetgereik aan emes (persoon/groep) dae zich langdurig verdeenstelik haet gemaak veur de Neelder Jeugvastelaovend, waere geprizzenteerd. De live meziek van de resepsie zal in henj zin van de ABB, die garant sjtaon veur sjone vastelaovesmeziek.
VV de Katers wins Jeugprins Ziggy I ’n sjoon resepsie toe!
(foto Jeugprins: Hans Sweegers)
