2015 – 2016

 

FIEL VAN DE FIEL (winnaer)
———————————————————————————————–
Zang: Good Koper
Teks: Joep Janssens, Theo van der Woude, Nico Rutten
Meziek: Luc Janssens
———————————————————————————————–

Refrein:

Fiel van de Fiel dae veult zich good,
Fiel van de Fiel haet goje mood.
En edere waek geit Fiel nao de rippetiesie haer,
Fiel van de Fiel, dae träöt zo gaer.

Couplet:

D’r woor ins ein klein jungske in ’t Katerriek van Neel,
Hae hoot Filip en meziek zoot heel deep in zien zeel.
Nao ein paar jaor ging d’r biej de hermenie,
En es Fiel van de Fiel bleus hae dao noe zien pertie

Fiel dae leerde muzisere van de dirigent,
Al blaozend bloos hae euveral ’t daak van de tent.
Cola waerde ingewisseld veur ‘t beer,
Ed’re dónderdig drónk hae d’r meer en meer

’t Träöte en ‘t drinke leerde Fiel erg sjnel
Dus waerde hae gevraog vreur de Prinsekepel
Sjpele in ’t Dörp veur de Neelder Prins
Det waas Fiel ziene allergrootste wins

Fiel leerde ‘n maedje kinne bie de hermenie,
Al sjnel kwoom d’r in ’t katerriek ein baby-Fielke bie.
Dae kleine blaog dae bleus d’r noe al flink op los,
Zo wie ’t mit good koper ouch oojt ins begós

Fiel van de Fiel dae veult zich good,
Fiel van de Fiel haet goje mood.
En edere waek geit Fiel nao de rippetiesie haer
———————————————————————————————–
SAME (genomineerd)
———————————————————————————————–

Zang: Vrouwluuj van de Raod
Teks: Monique van den Adel
Meziek: Tof Deckers
———————————————————————————————–

Refrein:

Same, same, same, det is angers es allein,
Same, same, same, kom häök noe ins inein,
Same, same, same, lekker dun biejein,
Same, same, same, krieg nemes ós meer klein,
Same, same, same, is vastelaovend fijn!

Kouplette:

Höb se meujte mit ’t laeve,
zo sjnel es det noe geit,
kóm loester dan ins aeve,
en dink neet aan dien leid.
Zit dao neet te griene,
in det heukske oppe bank.
Eder haet ’t ziene,
en dees nach is nog langk.

Höb se geine cent te makke
de beurs is det ouch meug,
kom opsjtaon oet die pakke,
en heur waat het noe vreug.
Zit dao neet te klage,
in det heukske oppe krök.
Eder mót get drage,
en maak dich neet zo drök.

Höb se inkel nog mer zorge,
de kop zit vol mit sjtress,
kom dink ins neet aan morge,
en heur ins dees wies les.
Zit dao neet te dinke,
in det heukske oppe grondj.
Eder glaas mót klinke,
en dreij nog mer ins róndj.
———————————————————————————————–
ENNE? OUCH ENNE! (genomineerd)
———————————————————————————————–
Zang: Op Good Gelök
Teks: Ine van der Heijden
Melodie: Ine van der Heijden & Wim Kemp
Neutjes:Jo Aubert
———————————————————————————————–

Refrein:

Enne? Ouch enne!
Veurdet se oere mit mich zjwae’gle geis
Enne? Ouch enne!
Mit sjaele kal mit mich aan ‘t moele sjleis
Enne? Ouch enne!
Taege mich te wa’zle sjteis
Enne? Ouch enne!
Te lang aan ‘t aajhore geis
Enne? Ouch enne!
Weit det se mit drie wäörd volsjteis!

Kouplet:

Doe kumps eder jaor trök, wo dae greutse Kater dans
Doe wits: dit is gelök,  ‘t laeve krieg weer glans
Dien vrunj sjtaon óm dich haer  , en doe belaefs ’t heel
Noe wits se weer wie gaer Se trök kumps hie in Neel
En dan zaes se….

Doe sjmienks dich dien gezich, paks diene vastelaoveshood
’t Laeve veult weer lich, waat is ’t laeve good
Verbinjing kump toet sjtandj, de henj gaon in de lóch
Doe veuls opnuuj dae bandj, drie wäörd zeen hie genóg
En dan zaes se…..

Doe gifs ‘m nog ein vaeg, löps al lichjes oet de pas
Doe drinks dien glaeske laeg, en paks dich diene jas
’t Is weer sjoon gewaes, de aovend is gedaon
Maar as se hoije zaes, zuus se det maedje sjtaon
En dan zaes ‘t….
———————————————————————————————–
ICH GAON DANSE (Winnaer jeug)
———————————————————————————————–
Zang: Neelder Meide (Fleur, Fleur, Mirthe, Bo en Sanne)
Teks: Rene Storcken
Meziek: Bart Storcken
Neutjes: Hub Boesten
———————————————————————————————–

Refrein:

Ich gaon danse heel väöl danse, jao kiek ins wie ich sjpring
Ich gaon danse heel väöl danse, jao heur ins wie ich zing
Drie daag danse sjpringe zinge, man ich lach mich rot
mer dae woonsdig assele woonsdig jao dan bön ich ram kapot

Kouplette:

Elk jaor is d’r altied weer ‘t zelfde gesjtress
mam die zaet dan resoluut doe waers mer weer prinses
Veur pap bön ich, det sjnapt g’r waal, de echte keuningin
jao ’t is weer karnaval en höb weer zin d’r in.

Mien pap en man doon ouch good mit ‘t zit ze in ‘t blood
mam duit zich de tijger aan en pap de grote hood
Zo gaon v’r dan gezamelik al die daag op sjtap
En ich ich bön de maxima de maxima van pap.

Ich mót dan heel lang heel sjtil zitte, waer heel fijn gesjmink
‘T kweske kriebelt mien gezich, mer de’s neet wo ich aan dink!
‘T kriebelt mich pas in de bein sjeet op ich wil noe gaon
Laot mich danse, ich wil danse van hie toet aan de maon!!

jaaaalalalalalaaaa

Ich gaon danse heel väöl danse
jao kiek ins wie ich sjpring
Ich gaon danse heel väöl danse
jao heur ins wie ich zing
Drie daag danse sjpringe zinge
man ich lach mich rot
mer dae woonsdig assele woonsdig jao dan bön ich ram kapot
jao dan bin ich ram kapot
gaon ich zitte op mien vot
gaon ich danse wie det mot
———————————————————————————————–
DE TAP
———————————————————————————————–
Zang: SJNAPS
Teks: Wil Scheepers
Meziek: Clemens Maessen
———————————————————————————————–

Refrein:

’t is vastelaovend, dus veer gaon weer flink op sjtap
Verkleid es beertap, verkleid es beertap
Veer tappe sjroefdraod of ein möpke det geit rap
Verkleid es beertap, verkleid es beertap
En geit de tillefoon, dan naeme veer neet op
Want waer se aafgetap, sjteit alles oppe kop
Jao, laot os mer lekker sjtappe
En ins rojaal oet ein anger vaetje tappe

Kouplette:

Veer haje van meziek, dus gaon veer nao de taptoe
Ós plaatse die zeen sjiek, dao kump dan zónne goeroe
Dae vreug: wilt geer get aete
Det kint dae waal vergaete
Want kint dae man det dan neet zeen
Veer zeen verkleid van top toet teen

Sjtaon veer in ós kefee, en geit dao dan de tap toe
’t is ein of twee oer, veer mótte dan nao hoes toe
Ein vraog: waat doon veer morge
Dao zolle veer veur zorge
Veer tappe oet ós eige vaat
Van sjmorges vreug toet saoves laat
———————————————————————————————–
DE VASTELAOVEND IS ZO SJOON
———————————————————————————————–
Zang: Erwin v. d. Neelder Garde
Teks: Erwin Linssen
Meziek: Tof Deckers
———————————————————————————————–

Refrein:

De vastelaovend, dae is zo sjoon
Kin ’t neet laote, ich mót gek doon
Ein heel raar pekske mit gekke sjoon
Of ein leedje wo se gek op kins doon
Get sjmienk op ’t gezich
Kóm doot geer mit, mit mich
De vastelaovend dae is zo sjoon

Kouplette:

Mit vastelaovend, det vinj ich noe ‘t leuke
Dan geit ’t loos en begin ich get te zeuke
In eder doos, op zolder of de kas
Gaon ich kieke welk pekske mich nog pas
’t kriebelt, ich waer ein bietje waus
Vinj ich ein keppel, gaon ich verkleijd es paus

Mit vastelaovend dan laot ich mich neet temme
Mit vastelaovend dan bön ich neet te remme
Ich laot mich gaon en gaon ins richtig los
Dae neet mitduit is eine slome klos
En noe verder, ich wil neet blieve sjtaon
Ich wil feeste, ’t is zo sjnel gedaon
———————————————————————————————–
ICH TREK VAN DREES MIT VASTELAOVEND
———————————————————————————————–

Zang: Thei van Cruchten
Teks: Thei van Cruchten
Melodie: Thei van Cruchten
Neutjes: Hub Boesten
———————————————————————————————–

Refrein:

Ich trek van Drees mit vastelaovend
En hou ’ns duchtig op die kis
Van de morge toet wied in d’n aovend
En haop det ich dan gaar nieks mis
Mer mót ich den op hoes aan
Ómdet ich omval van de sjlaop
Dan zaet hét, “jong, nog eine “
Det is wo ich op haaj gehaop
Dan zaet hét, “jong, nog eine “
Det is wo ich op haaj gehaop

Kouplette:

Hét wool op fekansie mit de bös nao Sjpanje haer
Ich vroog ‘m sjat, “ woróm toch, wil se det zo gaer”
Maar ich zag heel besjlis, “ ich gaon neet mit dich mit
Dae sjone vastelaovend, det is wo ich mit zit”

Noe bön ich viefenzestig en dach eindelik kump rös
Maar hét zaet: “och doe leve, kom hie det ich dich kös”
“Noe raap dich maar biejein en graaj ‘ns inne kis”
Ich veulde toen direk weer, waat vastelaovend is
———————————————————————————————–
ÖPKE DÖPKE
———————————————————————————————–
Zang: Döbbel LL Boys (Loewieke van Cruchten & Levi Gorts)
Teks: Henk Giesbers
Meziek: Tof Deckers
Titel: Öpke döpke
———————————————————————————————–

Refrein:

’t Is Vastelaovend…Öpke döpke reubesöpke Öpke döpke …Alaaf

Kouplette

‘t Is vastelaovend, ‘t is vastelaovend
det vinje veer vet gaaf
‘t Is vastelaovend, ‘t is vastelaovend
de sjool guf ós vrie aaf
verkleijd wie sjabbe sjpringe veer
waal drie daag aan ein sjtök
de vastelaovend sjmaak nao meer
kump eder jaor weer trök

‘t Is vastelaovend, ‘t is vastelaovend
det vinje veer vet gaaf
‘t Is vastelaovend ‘t is vastelaovend
de sjool guf ós vrie aaf
oos sjtumbenj waere zjwaor beproof
veer zeen al duchtig heis
’t zinge det geit gaar neet meer
oos sjtum die guf de geis

‘t Is vastelaovend, ‘t is vastelaovend
det vinje veer vet gaaf
‘t Is vastelaovend, ‘t is vastelaovend
de sjool guf ós vrie aaf
waal drie daag hosse sjpringe veer
is gaar gein hoon in hoes
op asselegoonsdaag zeen veer pas
mit pap en mam weer toes

‘t Is vastelaovend, ‘t is vastelaovend
det vinje veer vet gaaf
‘t Is vastelaovend, ‘t is vastelaovend
de sjool guf ós vrie aaf

Öpke döpke reubesöpke Öpke döpke  Aaf
———————————————————————————————–
WEER GELÖK!
———————————————————————————————–
Teks: Frank Scheepers
Meziek: Tof Deckers
Artieste: Wil, Frank en Frank
———————————————————————————————–

Refrein:

Hallou,  ’t is mich weer gelök
Eder jaor zeet geer mich trök
Zo wie geweun kós ich mich nieks verzinne
Haaj gein idee wie ich mós beginne
zo is ’t eder jaor toch weer ’t zellefde
es ‘t geit richting d’n ellefde van d’n ellefde
dae vastelaovend is toch waal get sjoons, jao sjoons
mer d’r aan mit te doon det is ein heel gedoons

Kouplette:

de leedjesmiddig sjteit weer veur de deur
zo langzaamaan versjeet ich get van kleur
veur de ouge waert ’t mich den rood-gael-greun
mer ich weit nieks det is toch heel geweun
de wäörd veur ein leedje valle mich neet in
laot sjtaon veur eine ganse zin
mer inins den sjteit weer alles, jao alles oppe rit
en  doon ich, doon ich, doon ich toch weer mit….

dae sjone optoch kump d’r alweer aan
want ouch zunjig gaon ich duchtig draan
mer oppen doer, nou den witse ’t ech neet meer
verzin mer ins get nuujs zo keer op keer
gaon ich noe maar allein of gaon veer mit z’n twee
och wis ich noe mer waat ich dee
mer inins den sjteit weer alles, jao alles oppe rit
en  doon ich, doon ich, doon ich toch weer mit….
———————————————————————————————–
SJOON SJNOET
———————————————————————————————–
Teks:                   Ronald Vorage
Meziek:               Tof Deckers
Artieste:              Van alles get (Liz, Sem, Britt, Isa, Ise, Fenna, Faye, Emmelie, Loewieke)
———————————————————————————————–
Refrein:

Mit sjmienk op mien gezich, zeen ich d’r super oet
Mit al die sjieke kleure op, trek ich mien leefste sjnoet
Hiej get rood en dao get gael en ouch ’t greun det sjteit mich good
Vastelaovend óngerein, det zit ós in ’t blood

Kouplette:

Mien pekske is gekoch, doon get vlegjes in de haor
Waert ’t toch ’t petje of de pruuk van veurig jaor
De boa óm de nek, veer kinne bienao gaon
Ins kieke in dae sjpegel, det höb ich good gedaon

’t fees det is begós, ós vrunj die zeen d’r biej
Alle kleure van de raegebaog en ederein kiek bliej
Jao dit doon veer hiej same, mit z’n alle dun biejein
Vastelaovend is te gek, dus geine sjteit allein

De daag zit d’r weer op, waat haje veer ein lol
Mit get danse en get sjpringe ginge veer oet oze bol
De kleijer motte oet, kiek mich dao noe sjtaon
Nog kleure op mien sjnoet, maar ’t is toch ech gedaon
———————————————————————————————–
SAME ALAAF
———————————————————————————————–
Zang: Ceryll Aubert en Hindrikx
Teks: Ceryll Aubert
Meziek: Ceryll Aubert
———————————————————————————————–

Refrein:

’t Is weer zo wied, trek mien pekske aan.
loup de sjtad in, jao ich weit ’t waal.
Bóntje kleureprach in ós Remunj,
Hiej is ’t fees, vier ’t mit mien vrunj.
En es d’n aovend vilt
de zon weer ónger geit
Jao dan begint ’t pas
Zo greuts op ós sjtad,
Det dit hiej besteit

Couplette:

Van baove toet ónger
Geneet d’r van want ’t is zo wied.
Belaef ‘t, ómerm ‘t,
Gank maar los vier ’t zónger sjpiet.
Sjanse, danse toet de zón opkump
Dit is de nach dae ós geine aafnump
De sjoonste tied van ’t ganse jaor,
Noe geluif mich want ’t is ech waor,
Same Alaaf

Heur de meziek, heur de die träöte gaon.
De dirigent mit zien stekske sjlaon.
De road van ellef in haor stakke möts
De prins dae weer waert gekös

Van Mook toet aan Mesjtreech
Trek ederein d’r oet
Limburg det geit weer los
Mer in ós Remunj
dao veul ich mich toes
———————————————————————————————–
NAAS VEUR VASTELAOVEND
———————————————————————————————–
Zang: FéLo (Féliz van den Adel en Loes Scheepers)
Teks: Marc Hermans & Frank Scheepers
Meziek: Tof Deckers
———————————————————————————————–

Refrein:

Ich höb ein naas veur vastelaovend
Daomit sjtaon ich altied veuraan
Jao, jao, die naas veur vastelaovend
Dao loup ich drie daag achteraan
Ich höb ein naas veur vastelaovend
Ich gaef drie daag richtig gaas
Jao mit die naas veur vastelaovend
Geit mich gaar nieks langs die naas

Kouplette:

Tösse naas en lippe door gezag
Is ’t die naas woróm ich lach
En ouch al sjtaek ich die nörges in
Ich höb ’t altied nao miene zin
Zolang de Roer sjtruimp in de Maas
Zing en sjpring ich mit mien roje naas

Ein echte wiesnaas bön ich neet
Ómdet ich ouch neet alles weet
Mit de naas hoog in de windj
Gaon ich duchtig door ’t lintj
Mit vastelaovend bön ich de baas
Dan num ich ederein bie de naas
———————————————————————————————–
HUMULUS LUPULUS LUPULUS
———————————————————————————————–
Teks:                   Monique van den Adel
Meziek:               Tof Deckers
Artiest:                 Frank Steuns
Titel:                    Humulus Lupulus lupulus
———————————————————————————————–

Refrein:

Humulus Lupulus Lupulus,
Humulus Lupulus Lupulus,
Hopopop hopopop hophophop,
Hopopop hopopop hophophop,
’t klink es wetesjappelikke leer,
Mer van dich maak men ós beer.

Kouplette:

Ederein dae moog ’t weite,
Zónger dich, Och leve Heer,
Es ich zomers dök mót zjweite,
Wil ich dich leefs keer op keer.
Jao gekeuld höb ich dich gaer,
Veul mich nog lichter, nog lichter es ein vaer.

Ederein dae moog ’t heure,
Zónger dich, nae lever neet,
Greun en gael det zeen dien kleure,
‘T is maar det geer det ouch weet.
En woorse paars, wit of rood,
Dink neet det emes, det emes d’r mit zoot.
———————————————————————————————–
WAAT IS DET SJOON
———————————————————————————————–
Zang:                 Huub Beeren
Teks:                  Huub Beeren
Melodie:             Huub Beeren
Neutjes:             Tof Deckers
Titel:                   Waat is det sjoon
———————————————————————————————–

Kouplet:

Vanaaf de ellefde van de ellefde dan is ’t weer zo wied
Dan krieg ich weer die kriebels en waer die neet meer kwiet
En toet ’t dan asgoonsdig is gaon veer weer aan de sjlaag
Veer make heel väöl sjpas mit soms ein sjtökske in de kraag

Refrein:

Waat is det sjoon, waat duit det good
Det geveul van vastelaovend en die kriebels in mien blood
Waat duit det good, waat is det sjoon
’t begint al in mien bölke en zak toet in mien sjoon

En mit de vastelaovend dan gaon veer handj in handj
Veer boewe ein gezellig fees zónger rang of sjtandj
De Prins en ziene raod die gaon ós dan veurop
En zette dan veur drie daag langk ’t laeve oppe kop

En as ’t weer asgoonsdig is dan is ’t weer veurbiej
Veer zette dan de kolder veur efkes weer opziej
Toet de ellefde van de ellefde haje veer ós good
En kriege dan vanzellef weer die kriebels in ós blood
———————————————————————————————–
ICH HÖB ZE PLEKKE
———————————————————————————————–
Zang:                  Erwin van de Neelder Garde
Teks:                   Erwin Linssen
Meziek:               Tof Deckers
———————————————————————————————–

Refrein

Ich höb ze plekke
Ich doon mit,  mit alle vastelaovesgekke
Ich blief neet sjtaon
Want dan is ’t veur mich te sjnel gedaon

Klouplette:

Vastelaovend is zo sjoon, d’r is zo väöl te doon
Ein leedje mit gaon zinge, hosse, danse, sjpringe
Same alle remme los
Alweer bön ich de klos

Vastelaovend is zo sjoon, d’r is zo väöl te doon
Ouch al gaon ich op mien sjnoet
Sjtruuk of moer, dan gaon ich plat
Messjien teväöl gehad

Vastelaovend is zo sjoon, d’r is zo väöl te doon
Noe ’t neudige gedaon en noe kin ich neet meer sjtaon
Want nao hoes wil ich neet gaon
Ouch al is ‘t gedaon