Bóntje Aovend en Middig “Sjots en Sjeif”

Bóntje Aovend en Middig op 25 en 26 januari 2020

“ Sjots en Sjeif ” is ‘t thema van de kómmende Neelder Bóntje Avonde. In zaal De Ster passeert wederóm ‘n keur van artiesten de revue. Zang, dans, sketch, parodie, buutte en angere “ sjaele wazel ” zal euver de buun rolle.

Ein groot aantal Neelder artieste zal ouch dit jaor ‘n biedrage levere en zorge veur ‘ne Bóntje Aovond zo-es dae beheurt te zin. Dit jaor zin van de partie: de Dames van de Raod, Sjnaps (de Neelder Aad Prinse), Frank-Frank-Wil en de Sjmaal Frenze. Thei Hawinkels zal uch auch verrasse mit get sjoons. Leon en Henk zalle van de partie zin mit ein act aevenals Eric-Eric-Roel, laot uch mer verrasse. Ouch muzikaal zal e.e.a. te beloestere zin wo-ónger “ Van alles Get “, Erwin Linssen, Kelly en Lotte, Daaklaer en netuurlijk de Neelder Sjlager: “ Hel en d’r Naeve ”.

Daonaeve zin d’r ouch inkele buutte te beloestere: Charly Wijen ( finalis Buuttekampioensjappe 2020 ) en Ger Frenken ( finalis Buuttekampioensjappe 2017 )  zalle hieveur zorgdrage. Óngetwiefeld good veur de neudige lachsalvo’s.

De aovond zal live muzikaal begeleid waere door ós eige Neelse Combo o.l.v. Tim Giesbers. De doer van ‘t totale program zal óngeveer drie oer zin.

Bie “ Primera ” en “ De Kleine Tovenaar ” in Neel zeen kaarte veur de Bóntje Aovende te verkriege veur € 12,50.

Neelder Bónte Aovende: zaoterdigaovend 25 januari 2020 aanvang 20.11oer en zunjigmiddig 26 januari 2020 aanvang 14.11oer in Café- Zaal De Ster.

Truuk nao nuujts